Êsai 28:1 - Nau Brah Ndu Ngơi 2023

¹ Rêh ni ngăn ma đon hađăch sưr phung mơng nhêt ndrănh ta bri Êphraim, Rêh ni ngăn ma rvang kao gơnh nhop, jêng ndơ nkrơ̆ khlay prăk Ma ƀon toyh ta klơ kô yôk rlŭng jêng ngăn, ma phung vay nhŭl ndrănh!

Êsai 28:1 ပူးပေါင်းရင်းမြစ်များ

II Phung Hađăch 15:29

Tâm rnôk rô̆ Y-Pêka, hađăch Israel chiă uănh, geh Y-Tiglat-Pilêser, hađăch Asiri, văch tât pit sŏk Ijôn, Abel-Bet-Maka, Janôa, Kêdês, Hasôr, n'gor Gilêat, n'gor Galilê, jêh ri lĕ n'gor neh Naptali. Jêh nây păng nhŭp phung ƀon lan tâm lĕ n'gor nây njŭn leo tât ta n'gor Asiri.

II Nau Rêh Jêng 28:6

Tâm du nar, Y-Pêka kon bu klâu Y-Rêmalia ƀư nkhĭt du rsen bar rmưn bunuyh phung Yuđa, lĕ rngôch khân păng jêng phung tahan janh ktang, yorlah khân păng chalơi Yêhôva Brah Ndu phung chô yau khân păng.

Nau Hôr 23:29

Mbu nơm geh nau rêh ni? Mbu nơm nter lah? Mbu nơm tâm rlăch? Mbu nơm lŭng nter? Mbu nơm rmanh mâu geh kô̆? Mbu nơm geh măt chăng?

Êsai 28:7

Rlau ma nĕ phung aơ vĕt ta vĕng đŏng yor ndrănh, Jêh ri hăn ndĭt ndĭu yor nhŭl ndrănh. Phung kôranh ƀư brah jêh ri phung nơm mbơh lor hăn ndĭt ndĭu da dê yor ndrănh ktang, Ndrănh hŏ rvăn khân păng, Jêh ri hăn ndĭt ndĭu yor ndrănh ktang; Khân păng but bi tâm saơ, Jêh ri ƀư vĭ dôl gŭ phat dôih.

Êsai 5:11

Rêh ni ngăn ma phung kah rngăl ơm Gay tĭng joi ndrănh, Gŭ nhêt kŏ tât măng Gay ndrănh pâr su khân păng!

Êsai 5:22

Rêh ni ngăn ma phung dăng nhêt ndrănh, Jêh ri phung blau kan nau lŭk lai lĕ ndơ nhêt nhŭl!

Êsai 8:4

yorlah êlor ma kon se nây gĭt kuăl: ‘Mbơ̆ gâp!’ mâu lah, ‘Mê̆ gâp!’ hađăch Asiri mra hăn sŏk lĕ drăp ndơ bơh Damas jêh ri ndơ pit sŏk bơh Samari.”

Êsai 9:11

Phung Aram panăp, jêh ri phung Philistin pakơi, Hă trôm mbung rvăn phung Israel. Nđâp lah kơt nĕ, nau păng ji nuih mâu du ôh, Ƀiălah ti Păng ăt hôm yơr!

Êsai 9:8

Lĕ rngôch phung ƀon lan, jêng phung Êphraim jêh ri phung gŭ tâm ƀon Samari, Mra gĭt nau ngơi nây. Sŏk nuih n'hâm sưr n'hao êng, khân păng lah pô aơ:

Êsai 9:9

“Glo neh uk rlâm jêh, Ƀiălah he mra rdâk tay ma lŭ khlay; Bu kăl chôt jêh tơm sikamôr, Ƀiălah he mra ntrok ma tơm Sêdar ta ntŭk khân păng.”

Ndrom Samƀŭt bơh Ôsê 4:11

Nau văng tĭr, ndrănh ơm jêh ri ndrănh mhe Ƀư ma khân păng roh lĕ nau gĭt rbăng.

Ndrom Samƀŭt bơh Ôsê 5:5

Nau sưr phung Israel phong păng; Israel jêh ri Êphraim chôt prah tâm nau tih mhĭk khân păng; Yuđa mra chôt prah ndrel ma khân păng.

Ndrom Samƀŭt bơh Ôsê 5:9

Êphraim mra jêng rngot njăp Tâm nar nau tâm rmal; Ta nklang ndŭl mpôl Israel Gâp mbơh du ntil nau jêng n'hêl nanê̆ ngăn mra geh tât.

Ndrom Samƀŭt bơh Ôsê 6:10

Tâm ngih Israel, Gâp hŏ saơ du ntil nau ƀơ̆ ngăn; Ta nây, Êphraim ƀư nau ka n'hong, Israel jêng ƀơ̆ ƀơch!

Ndrom Samƀŭt bơh Ôsê 7:5

Tâm nar maak hađăch he Phung kôranh ji kop yor n'hôl ƀâu ndrănh; Hađăch nhŭp ti nđâp phung suai rak.

Kan Lêvi 26:19

jêh ri nkê̆ch lơi nau sưr jêh ri suan khân may. Gâp mra ăn trôk khân may dăng tâm ban ma loih jêh ri neh tâm n'gor khân may jêng sơh tâm ban ma kông;

Amôt 2:12

“Ƀiălah khân may hŏ ăn ma phung Nasirit nhêt ndrănh Jêh ri buay phung nơm mbơh lor pô aơ: ‘Lơi khân may mbơh lor ôh!’

Amôt 2:8

Khân păng bê̆ch êp ăp nơng ƀư brah, Ta klơ lĕ kho ao jêng ndơ khân păng hŏ sŏk ƀư ndơ nchăm Jêh ri nhêt ndrănh phung khân păng rmal Tâm ntŭk mbah brah tih khân păng.

Amôt 4:1

Hơi phung ndrôk me phung Basan, gŭ ta klơ yôk Samari, Iăt hom! Khân may tŭn jot phung o ach jêh ri jot plên phung mâu geh mâu jêng, Jêh ri lah ma sai khân păng pô aơ: “Djôt hom ndơ nhêt tât ta aơ!”

Amôt 6:1

Rêh ni ngăn ma phung gŭ mpay êng nơm tâm ƀon Siôn, Jêh ri phung gŭ đăp rmên ta yôk Samari! Rêh ni ngăn ma phung ndrŏng, phung kôranh ƀư bôk lĕ bri dak, Jêng phung ngih Israel văch kuăl rklaih!

Amôt 6:4

Khân may gŭ bê̆ch ta sưng ƀư ma la Jêh ri rok jâng ta klơ sưng bê̆ch khân may nơm; Sa puăch phung biăp kon săch tâm mpôl phung biăp Jêh ri phung kon ndrôk lay tă bơh ndrung.

Amôt 6:6

Khân may nhêt ndrănh tâm lĕ kachok toyh, Mhĭng khân may nơm ma dak ngi khlay Ƀiălah mâu rngot ôh yor nau ƀư rai tât ma ngih Y-Yôsep!

Amôt 6:8

Kôranh Brah Yêhôva jêng Brah Ndu ma phung tahan; Kôranh Brah Yêhôva sơm ton Păng Nơm lah pô aơ, “Gâp tâm rmot ma phung Yakôb sưr jêh ri tâm rmot ma ngih nâp păng. Gâp mra jao ƀon toyh aơ jêh ri lĕ rngôch ndơ tâm păng ma phung rlăng.”