Êsai 27:12 - Nau Brah Ndu Ngơi 2023

¹² Jêh nây mra tât nar Brah Yêhôva mra mbang ba ntơm bơh Dak Krong Me tât ta dak n'hor bri Êjipt; ơ phung ƀon lan Israel, khân may mra dônh tĭng du huê du huê!

Êsai 27:12 ပူးပေါင်းရင်းမြစ်များ

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

I Phung Hađăch 8:65

Tâm nôk nây, Y-Salômôn jêh ri lĕ rngôch phung ƀon lan Israel ndrel ma păng râng rƀŭn tra năp măt Yêhôva jêng Brah Ndu he tâm pơh nar, jêh nây ntop pơh nar đŏng, pôri geh lĕ rngôch jêng jât puăn nar. Nây jêng du phung tâm rƀŭn dŭt âk râk ntơm bơh n'har ƀon Hamat ma tât n'hor dak Êjipt.

Nêhêmi 1:9

bi tơlah khân may lah plơ̆ sĭt tay ma Gâp jêh ri djôt prăp lĕ nau vay Gâp ntăm, nđâp lah phung khân may lĕ nchah rai pru pra jêh tât bôl dŭt trôk, Gâp mra rgum tay rƀŭn khân păng plơ̆ sĭt jêh ri djôt leo khân may hăn tât ta ntŭk Gâp hŏ săch gay ăn amoh Gâp gŭ ta nây.’

Nau Mprơ Ơm 68:22

Kôranh Brah lah jêh: “Tă bơh Basan Gâp mra njŭn phung ƀon lan Gâp sĭt, Djôt khân păng hao bơh dak rlai jru.

Nau Mprơ Ơm 72:8

Păng mra chiă uănh bơh dak mƀŭt aơ, tât ta dak mƀŭt ri, Bơh Dak Krong kŏ tât dŭt rplay neh.

Êsai 17:6

Mra hôm klen djê̆ ndrŏng ba mban; Tâm ban nôk bu rgu tơm ôlive, Hôm klen bar pe play Ta chiông n'gĭng dŭt prêh, Mâu lah puăn prăm play Ta lĕ n'gĭng âk play.” Yêhôva Brah Ndu Israel lah pônây.

Êsai 49:5

Aƀaơ aơ, Brah Yêhôva, Nơm hŏ njêng jêh gâp jêng oh mon păng, bơh tâm ndŭl me, Gay ma gâp njŭn phung Yakôb plơ̆ sĭt ma Păng Jêh ri tâm rƀŭn phung Israel ma Păng; Yorlah gâp geh nau yơk tâm dâng măt Brah Yêhôva, Jêh ri Brah Ndu gâp jêng nau ktang gâp;

Êsai 56:8

Kôranh Brah jêng Brah Yêhôva, Nơm tâm rƀŭn phung Israel nchah rai pru pra jêh, lah pô aơ: ‘Đơ phung hŏ tâm rƀŭn jêh, Gâp mra tâm rƀŭn phung êng đŏng plơ̆ sĭt ma păng.’”

Yêrêmi 3:14

Brah Yêhôva Lah: “Hơi phung kon mâu răp jăp, plơ̆ sĭt hom! Yorlah Gâp jêng kôranh ma phung khân may. Gâp mra sŏk tă bơh phung khân may ăp ƀon du huê, ăp ndŭl mpôl bar hê, Jêh ri djôt tât ma Siôn.

Yêrêmi 44:28

Knŏng geh djê̆ dơm bunuyh klaih tă bơh tak đao nchuăt du tă bơh bri Êjipt plơ̆ sĭt tâm bri Yuđa. Rnôk nây, lĕ rngôch phung Yuđa hôm klen, jêng phung hŏ tât jêh ŭch gŭ tâm n'gor bri Êjipt aơ, mra gĭt mbu nau ngơi jêng di ngăn, nau ngơi Gâp mâu lah nau ngơi khân păng.

Êsêkiêl 20:34

Gâp mra leo khân may du luh tă bơh phung ƀon lan êng; Gâp mra sŏk ti ktang, yơr nting tur ti jêh ri nau ji nuih nkhŭt gay rgum khân may tă bơh lĕ rngôch bri dak khân may nchah rai pru pra jêh tâm nây.

Êsêkiêl 20:41

Gâp mra vơt dơn khân may nâm bu ndơ n'hôl ƀâu kah tơlah Gâp djôt leo khân may luh bơh phung mpôl băl êng jêh ri tâm rgum khân may tă bơh lĕ bri dak khân may hŏ nchah rai pru pra, jêh ri nau kloh ueh Gâp mra dơi tâm mpơl ta nklang khân may tanăp măt phung bu năch.

Êsêkiêl 39:25

Yor nây, Kôranh Brah Yêhôva lah: ‘Aƀaơ ri, Gâp mra njŭn leo phung tă ƀư bu nă Y-Yakôb plơ̆ sĭt; Gâp mra yô̆ an ma lĕ phung Israel jêh ri Gâp mra ntôn yor amoh kloh ueh Gâp.

Êsêkiêl 47:19

Mpeh pa dâng ntơm bơh Tamar kŏ tât ma dak krong Mêriba ta Kadês, tât ma n'hong Êjipt kŏ tât ma Dak Mƀŭt Toyh. Nây jêng n'har mpeh pa dâng.

Amôt 9:9

“Yorlah aơ, Gâp mra ntĭnh jêh ri mra ƀư nchah rai ngih Israel ta nklang lĕ rngôch mpôl băl bunuyh Nâm bu nsiăng ba ƀlê tâm dông Ƀiălah mâu geh du găr jê̆ mra tŭp ôh ta neh.

Sakari 8:7

Brah Yêhôva ma phung tahan lah: “Aơ, Gâp mra tâm rklaih phung ƀon lan Gâp ntơm bơh mpeh luh nar n'ho tât mpeh nhâp nar.

Luka 15:4

“Mbu nơm tâm phung khân may geh du rhiăng mlâm biăp, tơlah roh du mlâm, mâu chalơi phung sĭn jât ma sĭn mlâm hôm tâm bri rdah gay ma hăn joi du mlâm biăp roh jêh ăn tât dơi saơ păng ƀơh?

Yôhan 10:16

Gâp hôm geh đŏng biăp êng mâu gŭ tâm n'gar aơ ôh; Gâp mra njŭn leo khân păng plơ̆ sĭt đŏng. Biăp nây mra tăng bâr Gâp, jêh nây mra knŏng geh du phung biăp jêh ri du huê rmăk dơm.

Yôhan 6:37

Lĕ rngôch bunuyh Mbơ̆ Gâp ăn ma Gâp, văch ma Gâp da dê; mbu nơm văch ma Gâp, Gâp mâu mra mƀăr padih ôh.

Yôsuê 15:4

hăn rgăn mpeh Asmôn, lăp tâm Dak N'hor Êjipt jêh ri hăn tât ta lôch dak mƀŭt. Nây mra jêng n'har mpeh pa dâng khân may.