Êsai 27:10 - Nau Brah Ndu Ngơi 2023

¹⁰ Yorlah ƀon nâp hŏ jêng rngot njăp jêh, Ntŭk gŭ bu rngol jêh ri bu chuêl tâm ban ma bri rdah. Kon ndrôk mra sa gơ̆ ta nây, Bê̆ch jêh ri sa lĕ n'gĭng si ta nây.

Êsai 27:10 ပူးပေါင်းရင်းမြစ်များ

Êsai 17:2

Lĕ ƀon Arôer mra jêng rngot njăp Jêh ri mra jêng ntŭk ma phung biăp bê̆ch rlu, Mâu geh nơm ƀư ma khân păng râm sâr ôh.

Êsai 17:9

Tâm nar nây, lĕ rngôch ƀon nâp khân păng mra jêng tâm ban ma lĕ ntŭk bu chalơi jêng rngot njăp tâm bri mâu lah ta klơ n'gơn yôk, jêng lĕ ntŭk bu chalơi jêng rngot njăp tanăp phung kon Israel; nĕ jêng ntŭk rngot njăp.

Êsai 24:10

Ƀon toyh uh ah hŏ rlâm rai chah jêh; Ngih vâl nchăng da dê, mâu hôm geh nơm lăp ta nây ôh.

Êsai 25:2

Yorlah May hŏ ƀư jêh ƀon toyh plơ̆ jêng du mbŭch ƀrĭk hăch, Ƀon dŭt nâp ngăn plơ̆ jêng mbŭch rlâm rai nchah. Ngih hađăch phung bu năch mâu hôm jêng ƀon ôh, Bu mra mâu hôm rdâk tay păng ôh.

Êsai 32:19

Ƀiălah mih pler mra nkhŭt tâm krŏng, Jêh ri ƀon toyh mra rlâm,

Êsai 35:1

Bri rdah jêh ri neh sơh mra maak; Ndrêch rdah mra răm maak jêh ri luh kao tâm ban ma kao rôs.

Êsai 49:21

N'hêl nanê̆ may mra lah tâm nuih n'hâm: ‘Mbu nơm deh jêh phung kon aơ ma gâp? Gâp roh lĕ jêh kon; Gâp hŏ jêng bu nă mâu geh kon jêh ri nhhơt! Pônây mbu nơm sâm mât rong an phung kon jê̆ aơ? Aơ, bu chalơi jêh gâp gŭ êng; Pôri, phung kon jê̆ bơh tă khân păng luh?’”

Êsai 64:10

Lĕ rngôch ƀon kloh ueh May hŏ jêng bri rdah, Siôn ăt jêng bri rdah, Yêrusalem jêng ntŭk rngot njăp.

Êsai 7:21

Tât nôk nây, ăp nơm lĕ knŏng dơi mât tâm du mlâm ndrôk me druh jêh ri bar mlâm biăp.

Êsai 7:25

Khân may mâu hôm đŏng hăn tâm mir yôk khân may hŏ vay kai pŏk yorlah klach ma rtau lok jêh ri pih pŭm; ƀiălah ntŭk nây mra jêng ntŭk bu mra mƀơk ndrôk jêh ri ăn biăp jot hăch ntŭk nây.

Yêrêmi 25:37

Đơ ndrêch gơ̆ đăp mpăn hŏ jêng bri hŏng Yor nau ji nuih Brah Yêhôva.

Yêrêmi 26:18

“Y-Mika gŭ tâm ƀon Môrêset, nơm mbơh lor tâm rnôk Y-Hêsêkia, hađăch Yuđa, hŏ ngơi ma lĕ rngôch phung ƀon lan n'gor Yuđa pô aơ: Brah Yêhôva ma phung tahan lah: ‘Siôn bu mra chuar nâm bu lôk mir, Yêrusalem mra jêng du mbŭch rlâm rai nchah rngot njăp, Yôk ngih brah mra jêng yôk bri krŏng.’

Yêrêmi 26:6

pôri Gâp mra phat ma ngih aơ nâm bu hŏ phat jêh ma ƀon Silô, jêh ri ƀư ma ƀon aơ jêng du nau rak rtăp ta nklang lĕ rngôch bri dak ta neh ntu.’”

Yêrêmi 52:27

Hađăch Babilôn dong jêh ri nkhĭt khân păng ta ƀon Ribla, tâm n'gor Hamat. Nây jêng phung Yuđa bu veng leo ƀư bu nă tâm n'gor bri êng.

Nau Nhĭm Vơl 1:4

Trong hăn ma ƀon Siôn rngot klâng ngăn Yorlah mâu hôm geh nơm tât tâm nar rƀŭn. Lĕ rngôch mpông pêr păng jêng rngol, Phung kôranh ƀư brah nter vơl; Phung bu ur druh tang tat păng rngot klâng. Nau rêh păng gŭ tâm nau rngot ngăn.

Nau Nhĭm Vơl 5:18

Yorlah yôk Siôn hŏ jêng rngol jêh, Ƀư ntŭk so bri hăn nsong.

Êsêkiêl 36:4

Yor nây, hơi phung yôk Israel, iăt hom nau Kôranh Brah Yêhôva: ‘Kôranh Brah Yêhôva lah ma phung yôk jêh ri gôl yôk, bong dak n'hor jêh ri ntŭk rlŭng, ntŭk rlâm rai jêh ri lĕ ƀon rngol hŏ jao ăn phung ƀon lan hôm klen ma lĕ bri dak jŭm khân may pit in jêh ri suai rak.’

Mika 3:12

Pônây, yor khân may Siôn bu mra chuar nâm bu lôk mir; Yêrusalem mra jêng du mbŭch rlâm rai, Jêh ri yôk ngih brah mra jêng nâm bu yôk bri krŏng!