Êsai 26:19 - Nau Brah Ndu Ngơi 2023

¹⁹ Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Êsai 26:19 ပူးပေါင်းရင်းမြစ်များ

Ndrom Samƀŭt bơh Yôp 14:8

Nđâp lah reh păng tâm neh lĕ ranh kđôi lĕ, Tơm khĭt mbrơi tâm ndruyh neh;

Ndrom Samƀŭt bơh Yôp 29:19

Reh gâp hung tât ăp tu dak, Jêh ri dak tŭk ăp măng kăr ta n'gĭng gâp;

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Mprơ Ơm 22:15

N'hâm suan gâp sơh kro tâm ban ma neh bŏk pêt Jêh ri mpiăt gâp krêp ta trô ko; May dơm gâp bê̆ch tâm neh muy nau khĭt.

Nau Mprơ Ơm 22:29

Lĕ rngôch bunuyh ndrŏng ta neh ntu mra sông sa jêh ri mra yơk mbah; Lĕ rngôch phung plơ̆ sĭt tâm neh muy, Jêh ri phung mâu hôm dơi prăp nau rêh păng nơm, Mra chon mon tanăp Păng da dê.

Nau Mprơ Ơm 71:20

May jêng Nơm hŏ ƀư jêh ma hên saơ âk nau rêh ni, hâu ngăn, May mra ƀư ăn hên dơi dâk rêh tay Jêh ri njŭn hên hao luh Bơh ntu jru tâm neh ntu.

Nau Mprơ Ơm 88:11

Nuih n'hâm ueh May dơi nkoch mbơh tâm môch lĕ? Mâu lah nau răp jăp May dơi mbơh nkoch tâm ntu jru lĕ?

Êsai 18:4

Yorlah nau Brah Yêhôva lah jêh ma gâp tâm ban pônây: “Bơh ntŭk Gâp dôl gŭ, Gâp mra gŭ rlăk uănh Tâm ban ma duh gring nar nchrat, Tâm ban thŭl dak ngom dôl duh nar yan rek.

Êsai 25:8

Păng mra ƀư rai lôch n'ho ro nau khĭt. Kôranh Brah jêng Brah Yêhôva mra jut dak măt Bơh muh măt lĕ rngôch bunuyh; Jêh ri Păng mra jut lơi nau bêk prêng phung ƀon lan Păng Bơh lam neh ntu, Yorlah Brah Yêhôva lah jêh.

Êsai 51:17

Ơ ƀon Yêrusalem, Kah rngăl hom, kah rngăl hom jêh ri dâk hom may! May hŏ nhêt jêh kachok nau Păng ji nuih, Bơh ti Brah Yêhôva, Nhêt kŏ lĕ jêh Tâm khăl ăn hăn ndĭt ndiu.

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

Ndrom Samƀŭt bơh Ôsê 13:14

Gâp mra tâm rklaih khân păng tă bơh nau dơi ƀon phung khĭt Jêh ri chuai khân păng tă bơh nau khĭt hĕ? Ơ nau khĭt, ta ntŭk nau mhĭk may? Ơ ƀon phung khĭt, ta ntŭk nau rai yot may? Nau yô̆ nđach bu pôn lơi jêh bơh trôm măt Gâp.

Ndrom Samƀŭt bơh Ôsê 14:5

Gâp mra jêng nâm bu dak ngom ma phung Israel; Păng mra luh kao nâm bu kao si ueh Jêh ri hon reh nâm bu krŏng bri Liban.

Ndrom Samƀŭt bơh Ôsê 6:2

Bar nar pakơi Păng mra ăn he kah rngăl tay; Nar rơh pe Păng mra rdâk ăn he dâk, Gay he rêh tanăp măt Păng.

Sakari 8:12

“Yorlah gŭ ta nây mra geh găr ntil đăp mpăn; tơm krăk ƀâu mra geh play jêh ri neh mra geh play âk tât yan păng, lĕ ndâr trôk mra ăn truh dak tŭk. Gâp mra ăn phung ƀon lan hôm klen dơi dơn lĕ ndơ aơ.

Mathay 27:52

lĕ môch pơk jêh ri âk săk jăn phung kloh ueh khĭt jêh dâk rêh tay

Mathay 27:58

păng văch ta Pilat jêh ri dăn sŏk săk jăn Brah Yêsu. Pilat đă bu ăn ma păng.

Kôranh Oh Mon 24:15

Gâp geh nau kâp gân tâm Brah Ndu, tâm ban ma khân păng lĕ, nâm bu ntĭt phung sŏng srăng jêh ri phung kue mra geh nau dâk rêh tay.

I Kôrintô 15:20

Ƀiălah aƀaơ, Brah Krist dâk rêh tay jêh tă bơh nau khĭt. Păng jêng play bôk yan ma phung khĭt jêh.

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

Nau Vay Nkah Tay 32:2

Nau gâp ntĭm nti tŭp tâm ban ma dak mih, Nau gâp ngơi truh tâm ban ma dak ngom, Tâm ban ma dak mih djrah ta klơ gơ̆ nse, Nâm bu mih ntâng tâm mir.

Nau Vay Nkah Tay 33:13

Ma phung Y-Yôsep, Y-Môis lah: “N'gor khân păng mra geh nau ueh uĭn bơh Brah Yêhôva, Ma dak ngom khlay bơh trôk klơ ăn dơm, Jêh ri lĕ dak n'hor ơm geh bơh tâm dâng;

Nau Vay Nkah Tay 33:28

Yorlah pônây knŏng geh du phung Israel gŭ tâm nau ueh đăp mpăn; Dak N'hor Yakôb hoch djrah an Tâm ntŭk n'gor geh ba jêh ri ndrănh, Bêng dak ngom truh tă bơh trôk.

Philip 3:10

gay ma gâp dơi gĭt năl Păng, nau brah bơh nau Păng dâk rêh tay, dơi tâm pă nau Păng rêh ni, jêh ri plơ̆ jêng tâm ban ma Păng tâm nau păng khĭt;

Philip 3:21

Păng mra tâm rgâl săk jăn jê̆ jănh he plơ̆ jêng nâm bu săk jăn chrêk rmah Păng, dŏng nau brah ƀư ăn lĕ rngôch ndơ plơ̆ sĭt tông ma Păng.

I Samuel 2:6

Brah Yêhôva ƀư nkhĭt, ăn dâk rêh đŏng; Păng djôt leo bu trŭnh tâm ƀon phung khĭt, jêh nây djôt leo hao tă bơh ta nây.