Êsai 26:16 - Nau Brah Ndu Ngơi 2023

¹⁶ Ơ Brah Yêhôva, tâm nau rêh ni, Khân păng joi May; Tơlah May nkra, khân păng kuăl mbơh sơm lĕ nuih n'hâm ma May.

Êsai 26:16 ပူးပေါင်းရင်းမြစ်များ

Nau Mprơ Ơm 142:2

Gâp tâm mpơl nau rêh ni gâp tanăp Păng, Nkoch bri nau uh ah gâp ma Păng.

Nau Mprơ Ơm 27:8

Tơlah Kôranh Brah lah: “Khân may joi hom muh măt Gâp” Pôri nuih n'hâm gâp lah ma Kôranh Brah pô aơ: “Ơ Brah Yêhôva! Gâp mra joi muh măt May.”

Nau Mprơ Ơm 42:4

Kăl e gâp hăn ndrel ma băl âk, Leo khân păng tât ta ngih Brah Ndu Geh bâr troh maak jêh ri mprơ tâm rnê, Ta nklang băl âk gŭ tâm rƀŭn. Aƀaơ kah gĭt lĕ nau nây Nuih n'hâm gâp rngot klâng, nuih n'hâm rngot ngăn ngên.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 77:3

Gâp kah gĭt ma Brah Ndu jêh ri gâp mra uh ah, lŭng nter; Huêng gâp huăr jêh. (Sêla)

Nau Mprơ Ơm 78:34

Tơlah Brah Ndu nkhĭt khân păng, ri mơ khân păng kuăl ôp Păng; Khân păng plơ̆ tay jêh ri joi Brah Ndu ma lĕ nuih n'hâm.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Êsai 37:3

Khân păng lah ma Y-Êsai: “Y-Hêsêkia lah kơt aơ: ‘Nar aơ jêng nar rŭng răng, nau nduyh jêh ri nau bêk prêng; tâm ban bu ur lĕ tât nôk deh kon jêh ƀiălah mâu tŏng suan gay deh kon ôh.

Yêrêmi 2:27

Khân păng ngơi ma n'gâng tơm si: ‘Păng jêng mbơ̆ gâp,’ Ma glo lŭ: ‘Păng hŏ deh jêh gâp.’ Yorlah khân păng hŏ ndôn kơi jêh, Mâu ŭch rle măt uănh Gâp. Ƀiălah tâm nôk nau rêh ni, khân păng ngơi: ‘Dăn gơnh sâm rklaih phung hên ƀă!’

Yêrêmi 22:23

May jêng nơm gŭ ta nklang bri Liban Gŭ đăp mpăn tâm lĕ ngih toyh ma tơm si sêdar, Dôl nau ji tât ta may, may mra rđêng nđor, Ji kruăt nâm bu du huê bu ur dôl deh kon!”

Yêrêmi 29:12

Nôk nây khân may mra kuăl dăn Gâp, văch mbơh sơm ma Gâp, jêh ri Gâp mra iăt nau khân may.

Nau Nhĭm Vơl 2:19

Dôl măng, dâk hom kuăl mbơh sơm Tâm ăp bôk măng! Nkhŭt hom nuih n'hâm nâm bu dak Tanăp Kôranh Brah. Yơr hom ti may rle mpeh Kôranh Brah Yor nau rêh jêng phung kon may, Khân păng huăr yor ji ngot, Gŭ lam ăp ntŭk njônh trong ƀon toyh.

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Ndrom Samƀŭt bơh Ôsê 7:14

Khân păng mâu lĕ nuih n'hâm kuăl mbơh sơm ma Gâp, Ƀiălah gŭ nter klơ sưng bê̆ch khân păng; Khân păng rek tor êng khân păng nơm gay dăn ba ƀlê jêh ri ndrănh mhe; Khân păng ƀư rlăng ma Gâp.

Nau Kơp Bunuyh 21:7

Phung ƀon lan hăn tât ma Y-Môis jêh ri lah: “Hên lĕ ƀư tih jêh, yorlah hên ngơi sưr ma Brah Yêhôva jêh ri ma may. Dăn may mbơh sơm ma Brah Yêhôva gay ma Păng ƀư ăn bêh aơ nkhah ngai bơh hên.” Pôri Y-Môis mbơh sơm an ma phung ƀon lan.

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!

Phung Kôranh Phat Dôih 10:15

Phung ƀon lan Israel lah ma Brah Yêhôva: “Hên ƀư tih jêh! Dăn Kôranh Brah ƀư hom ma hên tĭng nâm nau Kôranh Brah mĭn ueh, ƀiălah aƀaơ dăn Kôranh Brah sâm rklaih hên!”

I Samuel 1:15

H'Anna plơ̆ lah: “Hơi kôranh gâp, mâu di pônây! Gâp jêng du huê bu ur geh nau rngot rvê êng tâm nuih n'hâm. Gâp mâu geh nhêt ndrănh ôh mâu lah nhêt lĕ ntil ndơ ƀư nhŭl, ƀiălah gâp tâm mpơl lĕ nuih n'hâm gâp tanăp măt Brah Yêhôva.