Êsai 26:15 - Nau Brah Ndu Ngơi 2023

¹⁵ Ơ Brah Yêhôva, May hŏ ƀư jêh phung ƀon lan aơ đang ktang lơn, May hŏ ƀư jêh phung ƀon lan aơ đang ktang lơn, May geh nau tâm rnê; May pơk ăn dĭ n'har neh bri aơ.

Êsai 26:15 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 13:16

Gâp mra ƀư ma noi deh may jêng âk tâm ban ndruyh klơ neh; tơlah mbu nơm dơi kơp ndruyh klơ neh ri mơ dơi kơp đŏng noi deh may.

I Phung Hađăch 8:46

Tơlah khân păng ƀư tih đah Kôranh Brah — yorlah mâu geh du huê bunuyh mâu ƀư tih — ƀư ăn May ji nuih ma khân păng jêh ri jao khân păng ăn ma phung rlăng ăn bu nhŭp khân păng ƀư dĭk tâm n'gor phung rlăng, mâu lah ntŭk ngai mâu lah dăch.

II Phung Hađăch 17:23

kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

II Phung Hađăch 23:27

Brah Yêhôva lah: “Gâp mra mprơh du phung Yuđa tă bơh tanăp măt Gâp, nâm bu Gâp mprơh jêh phung Israel. Gâp mra chalơi ƀon Yêrusalem, ƀon Gâp hŏ săch jêh, tâm ban đŏng ngih brah Gâp lah ma păng pô aơ: ‘Amoh Gâp mra gŭ ta nây.’”

Nêhêmi 9:23

Kôranh Brah hŏ ƀư jêh ma noi deh khân păng âk nâm bu mănh klơ trôk, Jêh ri njŭn khân păng tât ta n'gor Kôranh Brah hŏ ton ăn jêh ma phung chô yau khân păng ăn khân păng mra lăp pit sŏk n'gor bri nây.

Ndrom Samƀŭt bơh Yôp 12:23

Păng ăn phung ƀon lan văch ma geh jêng jêh nây ƀư rai lơi; Pơk huy n'har bri ma lĕ bri dak jêh nây ƀư ăn khân păng rai lôch.

Êsai 10:22

Hơi Israel, nđâp lah phung ƀon lan may mra jêng âk tâm ban ma choih tâm dak mƀŭt, knŏng du kô̆ hôm e klen mra plơ̆ sĭt. Bu tâm nal jêh nau ƀư rai, nau di mra ăp ntŭk.

Êsai 33:17

Măt may mra n'gơr uănh Hađăch tâm nau ueh Păng, Jêh ri mra saơ bri neh dĭ ngai.

Êsai 40:5

Aƀaơ, nau chrêk rmah Brah Yêhôva mra tâm mpơl, Jêh ri lĕ rngôch bunuyh mra saơ da dê nau nây, Yorlah Brah Yêhôva hŏ ngơi jêh nau nây.”

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 6:12

Kŏ tât Brah Yêhôva mprơh ngai phung ƀon lan, Jêh ri âk ntŭk tâm bri neh plơ̆ jêng rngot njăp.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 9:3

Yorlah May hŏ pă jêh mâng mbăk jâk, Mâng rpăt ta săng nglik khân păng, Jêh ri mâng nơm tŭn jot khân păng. Nâm bu May hŏ ƀư tâm rnôk Madian.

Yêrêmi 30:19

Tă bơh ntŭk khân păng tăng nau mprơ tâm rnê Jêh ri bâr troh maak phung răm rhơn. Gâp mra ăn khân păng âk lơn, mâu di hŭch ôh Gâp mra ƀư đŏng khân păng dơi geh nau bu yơk, mâu hôm jêng jê̆ ôh.

Yêrêmi 32:37

‘Aơ, Gâp mra rgum tâm rƀŭn khân păng tă bơh lĕ rngôch bri Gâp hŏ mprơh jêh khân păng tâm nau hao nuih, nuih hâu ngăn jêh ri tâm nau ji nuih Gâp mra njŭn khân păng plơ̆ sĭt ma ntŭk aơ jêh ri ăn ma khân păng gŭ pah kan đăp mpăn.

Êsêkiêl 36:24

Gâp mra sŏk sĭt lơi phung khân may tă bơh ta nklang lĕ phung ƀon lan, rgum tay khân may tă bơh lĕ rngôch bri dak jêh ri leo sĭt tâm bri êng khân may nơm.

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Nau Kơp Bunuyh 23:10

Mbu dơi kơp ndruyh choih Y-Yakôb? Mbu dơi kơp du kô̆ tâm puăn Israel? Ăn gâp dơi khĭt ma đah nau khĭt nơm sŏng srăng; Ăn gâp rai lôch tâm ban ma khân păng!”

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Yôhan 15:8

Bơh nau nây Mbơ̆ Gâp mra geh nau tâm rnê, lah khân may dơi geh play âk jêh ri khân may jêng phung oh mon Gâp.

Yôhan 17:1

Jêh Brah Yêsu ngơi nau nây, Păng n'gơr măt klơ trôk jêh ri ơh pô aơ: “Ơ Mbơ̆! Mông tât jêh, dăn tâm rnê Kon, gay ma Kon dơi tâm rnê Mbơ̆ đŏng.

Nau Vay Nkah Tay 10:22

Nôk phung chô yau khân may jŭr ta n'gor Êjipt gay dơi rêh geh knŏng pơh jât nuyh, jêh ri aƀaơ Yêhôva Brah Ndu khân may hŏ ƀư jêh ăn khân may bĭk âk nâm bu mănh tâm trôk.”

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.

Nau Vay Nkah Tay 28:64

Brah Yêhôva mra ăn khân may chah rai ta nklang lĕ rngôch phung ƀon lan, ntơm bơh dŭt bri neh đah aơ ma dŭt bri neh đah ri. Ta nây, khân may mra pah kan ma phung brah êng ƀư ma si, ƀư ma lŭ, lĕ khân may nđâp phung chô yau khân may mâu hŏ mâp gĭt ôh.