Êsai 26:14 - Nau Brah Ndu Ngơi 2023

¹⁴ Khân păng khĭt jêh, mâu hôm mra rêh ôh; Lĕ phan bunuyh khĭt mâu hôm plơ̆ dâk ôh, Yorlah May tâm rmal jêh ri ƀư rai jêh khân păng, Jut lơi lĕ rngôch nau kah gĭt ndray ma khân păng.

Êsai 26:14 ပူးပေါင်းရင်းမြစ်များ

Ndrom Samƀŭt bơh Yôp 18:17

Nau ndray tâm n'gor păng mâu mra hôm ôh, Padih n'gor amoh săk năm deh păng mâu geh ôh bunuyh nkah tay.

Ndrom Samƀŭt bơh Yôp 24:20

Nuih n'hâm mê̆ mra chuêl khân păng; Phung rhai sa khân păng kah ngăn; Mâu hôm geh ôh bunuyh kah gĭt ma khân păng; Nau djơh mhĭk mra nkê̆ch pă nâm bu du tơm si kro.

Ndrom Samƀŭt bơh Yôp 7:9

Nâm bu tŭk chah rai jêh ri roh jêh, Bunuyh trŭnh tâm ƀon phung khĭt mâu hôm dơi plơ̆ hao klơ đŏng ôh.

Nau Mprơ Ơm 106:28

Phung chô yau hên gŭ râng jêh tâm nau mbah brah Baal-Pêôr, Sa ndơ ƀư brah ma phung khĭt,

Nau Mprơ Ơm 109:13

Ăn bu nkhĭt lơi phung kon sau păng, Jut lơi amoh khân păng tâm rnôk kăndơ̆.

Nau Mprơ Ơm 135:17

Geh tôr ƀiălah mâu tăng ôh, Jêh ri tâm trôm mbung khân păng mâu geh n'hâm nsôr.

Nau Mprơ Ơm 36:12

Ri, phung ƀư nau mhĭk cha lôt prah; Khân păng chôt rlơt, mâu hôm dơi dâk ôh.

Nau Mprơ Ơm 59:5

Ơ Brah Ndu ma phung tahan, jêng Brah Ndu phung Israel. Dâk hom gay tâm rmal lĕ bri dak; Lơi ta yô̆ nđach ma phung ƀư mhĭk, mâu gŭ răp jăp. (Sêla)

Nau Mprơ Ơm 9:6

Lĕ phung rlăng bu hŏ ƀư rai n'ho ro jêh; Kôranh Brah ƀư rlâm ƀon khân păng; Nau ndray kah gĭt ma khân păng ăt rai lôch jêh.

Nau Ngluh Êjipt 14:30

Tâm nar nây, Brah Yêhôva rklaih phung Israel bơh ti phung Êjipt, khăn păng saơ phung Êjipt ih săk jăn khĭt ta kơh dak mƀŭt.

Nau Hôr 10:7

Nau ndray ma bunuyh sŏng srăng geh nau tâm rnê, Bi amoh phung djơh mhĭk mra ôm rai.

Nơm Nti 9:5

Bunuyh rêh gĭt ma nau păng nơm mra khĭt, Ƀiălah phung khĭt mâu mra gĭt du ntil ôh; Mâu hôm geh nau nkhôm ăn ma khân păng, Yorlah nau ndray ma khân păng hŏ tŭp tâm nau chuêl jêh.

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Êsai 29:6

Brah Yêhôva ma phung tahan mra phat dôih khân păng, Ma nglaih, nau n'găr neh, nau nteh ktang, Ma vănh blông ktang, sial phŭt, jêh ri ma mpiăt ŭnh hit.

Êsai 37:19

mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ bơh ti kon bunuyh ƀư ma si jêh ri ma lŭ, pôri bu ƀư rai lơi khân păng.

Êsai 8:19

Tơlah geh bunuyh đă khân may: “Ăn khân may ôp phung gru rƀên jêh ri phung n'hŭm, jêng phung ngơi bŭk,” ăn khân may plơ̆ lah: “Mâm ƀư du phung ƀon lan mâu ôp ma Brah Ndu khân păng nơm lŏ hăn joi ôp phung khĭt jêh ăn ma phung rêh?”

Mathay 2:20

“Dâk hom djôt kon se jê̆ jêh ri mê̆ Păng plơ̆ sĭt bri Israel, yorlah phung ŭch nkhĭt kon se jê̆ nây hŏ khĭt jêh.”

Nau Vay Nkah Tay 4:28

Ta nây, khân may mra pah kan ma phung brah ƀư ma si jêh ri ƀư ma lŭ, jêng nau kan ti bunuyh ƀư, rĭ dĭng mâu blau saơ, mâu blau tăng, mâu blau sông sa, mâu lĕ blau n'hơp.

Nau Tâm Mpơl 20:5

Phung khĭt ƀaƀă mâu dơi dâk rêh tay ôh kŏ tât nôk du rbăn năm lôch jêh. Aơ jêng nau dâk rêh tay tal nguay.