Êsai 25:6 - Nau Brah Ndu Ngơi 2023

⁶ Ta yôk aơ, Brah Yêhôva ma phung tahan ma lĕ rngôch phung ƀon lan Du nhêt sa maak ma ndơ kah, ndrănh kah, Ndơ sa lay geh glo nting, ndrănh kah bu trih jêh.

Êsai 25:6 ပူးပေါင်းရင်းမြစ်များ

Nau Mprơ Ơm 36:8

Khân păng mra hơm ma nau rmeh ler tâm ngih May; May mra ăn khân păng nhêt tă bơh dak krong ueh maak May.

Nau Mprơ Ơm 63:5

Huêng gâp dơi hơm tâm ban ma sa glo tâm nting jêh ri ngi; Bâr mbung gâp mra răm maak jêh ri mprơ tâm rnê ma May.

Nau Mprơ Ơm 78:68

Ƀiălah Păng săch mpôl băl Yuđa, Jêng yôk Siôn jêng yôk Păng rŏng.

Nau Mprơ Ueh 1:2

Ndă lah păng chŭm gâp đah nau chŭm bơh trôm mbung păng! Yorlah nau păng rŏng ueh lơn ma ndrănh.

Nau Mprơ Ueh 1:4

Dăn têk gâp tĭng may, ăn he gơnh chuat ndrel, — Hađăch hŏ njŭn gâp sĭt tâm ngih hađăch — Phung he nsum răm maak rhơn răm ndrel may, Nsum tâm rnê nau may rŏng, âk lơn ma ndrănh. Lĕ bu druh mâm ƀư mâu dơi rŏng ma may!

Nau Mprơ Ueh 5:1

Hơi oh gâp, ƀăn gâp, Gâp hŏ lăp tâm đang gâp jêh! Gâp hŏ pĕ si tăng jêh ri ndơ ƀâu kah, Sa mpơng sŭt nđâp dak sŭt gâp, Nhêt ndrănh đah dak toh. Hơi mĭt jiăng, sa hom! Hơi băl mpôl, nhŭl hom ndrui nau rŏng!

Êsai 1:19

Tơlah khân may ŭch jêh ri tông bâr, Khân may mra dơi sa play kao ueh lơn tâm bri.

Êsai 25:10

Yorlah ti Brah Yêhôva mra n'gân ta yôk aơ; Ƀiălah bu mra jot sôt bri Môap ta ntŭk păng, Tâm ban ma bu jot sôt mbŭch rhe tâm ntŭk ntu ndŏk.

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Yêrêmi 48:11

Môap ơm vay gŭ đăp mpăn ntơm bơh rnôk hôm mom, Nâm bu ndrănh nkân ta blat yăng, Mâu hŏ geh troch ôh bơh ma yăng aơ tơh ma yăng êng, Mâu mâp lĕ ƀư jêng bu nă; Yor nây nau kah păng nâm ơm Jêh ri ƀâu kah păng mâu hŏ rgâl ôh.”

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Mathay 26:29

Gâp lah ma khân may, Gâp mâu mra nhêt dak krăk ƀâu aơ đŏng, kŏ tât nar Gâp mra nhêt dak krăk ƀâu mhe ndrel khân may tâm ƀon bri hađăch Mbơ̆ Gâp.”

Mathay 8:11

Gâp lah ma khân may gĭt: Bơh mpeh luh nar, nhâp nar mra geh âk bunuyh văch gŭ sông sa ndrel ma Y-Abraham, Y-Isăk, jêh ri Y-Yakôp tâm ƀon bri hađăch klơ trôk.

Markôs 16:15

Păng lah ma khân păng: “Hăn hom lam neh ntu, mbơh nkoch Nau Mhe Mhan Ueh ma lĕ rngôch bunuyh.

Luka 22:30

pôri khân may mra sông sa ta sưng ndrel ma Gâp tâm ƀon bri hađăch Gâp jêh ri mra gŭ ta klơ sưng hađăch gay phat dôih jât ma bar ndŭl mpôl phung Israel.”

Luka 5:39

Mâu đŏng geh mbu hŏ nhêt ndrănh ơm ƀiălah hôm ŭch mhe, yorlah bunuyh nây lah pô aơ: ‘Ndrănh ơm kah rlau lơn.’ ”

ហេឞ្រើ 12:22

Ƀiălah khân may hăn dăch jêh ta yôk Siôn, dăch ƀon Brah Ndu rêh, nâm bu ntĭt ƀon Yêrusalem ta klơ trôk, âk rmưn rsen tông mpăr dôl gŭ rƀŭn ma nau maak,

Nau Tâm Mpơl 19:9

Tông mpăr lah ma gâp pô aơ: “Nchih hom: Ueh maak yơh ma phung bunuyh râng nhêt tâm nsông Kon Biăp!” Tông mpăr lah tay: “Aơ jêng lĕ nau ngơi nanê̆ ngăn tă bơh Brah Ndu.”