Êsai 25:4 - Nau Brah Ndu Ngơi 2023

⁴ Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Êsai 25:4 ပူးပေါင်းရင်းမြစ်များ

Nau Mprơ Ơm 107:41

Ƀiălah păng rklaih phung pưt kƀah bơh nau rêh ni, Jêh ri ăn rnăk vâl khân păng jêng âk nâm bu phung biăp.

Nau Mprơ Ơm 119:31

Ơ Brah Yêhôva! Gâp tâm rnglăp đah lĕ nau May ntĭnh: Lơi ăn gâp geh nau bêk prêng ôh.

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 121:5

Brah Yêhôva jêng nơm mât mray may; Brah Yêhôva jêng gui nkŭm pa ma may.

Nau Mprơ Ơm 35:10

Lĕ nting nđăng gâp mra lah: “Ơ Brah Yêhôva, mbu tâm ban ma May? May tâm rklaih phung rdja bơh phung ktang, Rklaih phung rêh ni jêh ri phung pưt kƀah bơh phung tŭn jot.”

Nau Mprơ Ơm 55:8

Gâp mra ndil ndal joi ntŭk nde krap Du ngai klach sial ktang, sial vănh blông.”

Nau Mprơ Ơm 72:13

Păng mra yô̆ nđach ma phung pưt kƀah jêh ri o ach Jêh ri rklaih nau rêh phung pưt kƀah.

Nau Mprơ Ơm 72:4

Hađăch mra phat dôih phung o ach tâm ƀon lan, Tâm rklaih phung pưt kƀah Jêh ri hađăch mra jot hăch phung tŭn jot.

Nau Mprơ Ơm 9:10

Ơ Brah Yêhôva, Phung gĭt amoh May mra rnơm nsing ma May, Yorlah May mâu mâp chalơi ôh bunuyh tĭng joi May.

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 14:32

Moh nau mra plơ̆ lah ma phung mbơh bơh bri dak aơ? Plơ̆ lah hom pô aơ: “Brah Yêhôva rdâk jêh Siôn, Jêh ri phung o ach tâm phung ƀon lan Păng mra dơi joi ntŭk nde.”

Êsai 16:3

Khân păng kuăl gay bu kơl: “Dăn sâm ntĭm an, dăn ăn nau tâm nal, Ta nar nklang bôk, dăn gui may nkŭm hên tâm ban ma dôl măng; Dăn pôn lơi phung bu nsot, Jêh ri lơi dĭng phong ma phung nchuăt du!

Êsai 17:10

Yorlah may chuêl jêh Brah Ndu nơm tâm rklaih may, Mâu kah gĭt ôh ma Lŭ Toyh ntŭk may du krap. Yor nây nđâp lah may tăm jêh đang tơm si dŭt ueh, Ƀư đŏng ntil play krăk ƀâu bu năch;

Êsai 27:5

Mâu geh ndơ dơi ban nau ktang Gâp Tâm rnglăp hom đah Gâp, Di jêh, tâm rnglăp hom đah Gâp!”

Êsai 28:6

Păng mra jêng Brah Nau Di prăp ma kôranh gŭ phat dôih, Jêh ri jêng nau ktang ăn ma phung mprơh phung rlăng tâm lơh rŭch bơh mpông ƀon.

Êsai 29:19

Phung dêh rhêt mra răm maak ntop âk tâm Brah Yêhôva, Phung o ach mra răm maak yor Nơm Kloh Ueh Israel.

Êsai 29:20

Yorlah nơm janh ƀai mâu hôm ôh, Nơm dăng mưch mra roh, Jêh ri lĕ rngôch phung kâp ƀư nau mhĭk bu mra ƀư rai lơi.

Êsai 29:5

Ƀiălah âk ngăn phung rlăng đah may mra jêng tâm ban ma ndruyh neh muy. Phung ƀai mra jêng tâm ban ma lâk sial khôm. Nau nây mra tât ndal, knŏng tâm ƀât lât.

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 33:16

Bunuyh kơt nĕ mra dơi gŭ tâm ntŭk prêh, Geh pôih ma mpir lŭ mra jêng ntŭk păng du krap; Bu mra ăn ndơ sông sa ma păng Jêh ri păng mâu rvê pưt dak nhêt ôh.

Êsai 33:2

Ơ Brah Yêhôva, dăn yô̆ nđach an ma hên! Hên kâp gân May. Dăn ăn nau ktang ma hên ăp kêng ôi, Tâm rklaih hên nôk tâm nau rêh ni.

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Êsai 49:25

Ƀiălah Brah Yêhôva lah: “Nanê̆, đơ phung bunuyh tă nơm dăng bu nhŭp mra dơi rklaih, Bu mra mplơ̆ tay ndơ bơh phung janh ƀai sŏk pit; Yorlah Gâp mra tâm rdâng đah phung tâm rdâng đah may, Jêh ri Gâp yơh mra tâm rklaih phung kon may.

Êsai 57:13

Lah may kuăl rklaih, ăn phung rup brah may tâm rklaih khân may! Sial mra khôm rdu phung brah nây, Du n'hâm nsôr mra sŏk rdu lơi lĕ rngôch khân păng. Ƀiălah mbu nơm du krap tâm Gâp mra dơn bri neh nây, Jêh ri mra dơn yôk kloh ueh Gâp ƀư drăp ndơn.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Êsai 8:14

Păng mra jêng du ntŭk kloh ueh; ƀiălah Păng jêng glo lŭ chêh jâng bu jêh ri lŭ toyh ƀư prah ma lĕ bar đah ndŭl mpôl Israel, ăt jêng tanh srang jêh ri dăk sân ma phung gŭ tâm ƀon Yêrusalem.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Êsêkiêl 38:9

May jêh ri nđâp ma phung tahan may ndrel ma phung mpôl băl bunuyh gŭ ndrel may mra rduh ran panăp, rduh lơh nâm bu phŭt chuănh, nâm bu ndâr tŭk nkŭm lam bri neh.’”

Sôphôni 3:12

Gâp mra chalơi ta nklang may Du phung ƀon lan o ach jêh ri dêh rhêt, Khân păng mra gŭ krap tâm amoh Brah Yêhôva.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?