Êsai 25:3 - Nau Brah Ndu Ngơi 2023

³ Yor nây, du phung ƀon lan ktang mra tâm rnê May; Ƀon ma lĕ bri dak janh ƀai mra klach yơk ma May.

Êsai 25:3 ပူးပေါင်းရင်းမြစ်များ

Nau Mprơ Ơm 66:3

Lah hom ma Brah Ndu pô aơ: “Lĕ nau kan May toyh ngăn ngên! Yorlah nau Brah May dŭt toyh, lĕ phung rlăng May mra tâm rnglăp ma May da dê.

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 24:15

Pôri bơh mpeh luh nar, mât ton hom ma Brah Yêhôva, Tă bơh lĕ gôl dak mƀŭt, tâm rnê ma Amoh Brah Yêhôva, Brah Ndu Israel.

Êsai 29:5

Ƀiălah âk ngăn phung rlăng đah may mra jêng tâm ban ma ndruyh neh muy. Phung ƀai mra jêng tâm ban ma lâk sial khôm. Nau nây mra tât ndal, knŏng tâm ƀât lât.

Êsêkiêl 38:23

Nâm pônây, Gâp mra tâm mpơl nau toyh jêh ri nau kloh ueh Gâp, jêh ri Gâp mra dơi gĭt năl tra năp măt âk mpôl băl bunuyh. Khân păng mra gĭt Gâp jêng Brah Yêhôva.’”

Mika 7:17

Khân păng mra ler neh muy nâm bu bêh, Jêh ri râm sâr luh tă bơh trôm ntu păng Nâm bu mpa vơr ta klơ neh. Khân păng mra klach krit văch ma Yêhôva Brah Ndu he Jêh ri klach ngăn panăp măt Păng.

Sakari 14:16

Jêh nây, lĕ rngôch phung hôm klen tâm lĕ bri dak tă lơh jêh ƀon Yêrusalem mra hăn hao ta nây ăp năm gay yơk mbah panăp măt Hađăch jêng Brah Yêhôva ma phung tahan, jêh ri văch râng kah gĭt nau rƀŭn Ngih Ndưp.

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Nau Tâm Mpơl 11:13

Nôk nây, geh du nau n'găr neh dŭt hâu ngăn; du kô̆ tâm jât ƀon toyh rlâm; pơh rbăn nuyh khĭt tâm nau n'găr neh ntu. Phung bunuyh hôm e klach krit da dê jêh ri nhhơr nau chrêk rmah ma Brah Ndu ta klơ trôk.