Êsai 25:2 - Nau Brah Ndu Ngơi 2023

² Yorlah May hŏ ƀư jêh ƀon toyh plơ̆ jêng du mbŭch ƀrĭk hăch, Ƀon dŭt nâp ngăn plơ̆ jêng mbŭch rlâm rai nchah. Ngih hađăch phung bu năch mâu hôm jêng ƀon ôh, Bu mra mâu hôm rdâk tay păng ôh.

Êsai 25:2 ပူးပေါင်းရင်းမြစ်များ

Ndrom Samƀŭt bơh Yôp 12:14

Păng ƀư rai, mâu geh ôh nơm dơi ndâk tay; Păng krŭng, mâu geh ôh nơm dơi klaih.

Êsai 13:20

Păng mra n'ho ro mâu hôm geh bunuyh hôm gŭ ôh, Bơh rnôk aơ tât rnôk ri mâu mra geh bunuyh gŭ; Phung Arabi mâu mra rdâk ngih bok khân păng ta nây ôh, Phung rmăk biăp mâu đŏng ăn ma phung biăp khân păng lâng bê̆ch ta ntŭk nây.

Êsai 13:21

Ƀiălah mpa bri janh tâm bri rdah mra lâng bê̆ch ta nây, Ngih vâl nây bêng ma klang kô; Sĭm ôtrus mra gŭ ta nây, Jêh ri be bri mra pâl rlưn ta nây.

Êsai 13:22

So bri mra groh huy tâm ngih ƀon nây, Jêh ri so bri kuăl tâm ngih hađăch ueh khlay. Mông Babilôn rlâm tŭp hŏ dăch tât jêh, Lĕ nar păng mâu mra hôm jong đŏng ôh.

Êsai 14:23

“Gâp mra ƀư ăn bri dak nây jêng ntŭk blŏ gŭ, jêng ntŭk dak nglau; jêh ri Gâp mra dŏng mpêh ƀư rai lơi păng jêh ri pih kloh bri nây.” Brah Yêhôva ma phung tahan lah pônây.

Êsai 17:1

Nau mbơh lor ma Damas: “Aơ, ƀon Damas mâu hôm mra jêng du rplay ƀon toyh ôh Păng mra jêng du mbŭch ndơ rai.

Êsai 17:3

Pôih mra roh lĕ bơh bri Êphraim, Ƀon bri hađăch Damas ăt mâu hôm đŏng; Rnoh bunuyh hôm klen bơh bri Aram Ăt mra jêng tâm ban ma nau chrêk rmah phung Israel.” Brah Yêhôva ma phung tahan lah kơt nây.

Êsai 21:9

Aơ, geh phung tahan ncho seh Hăn văch bar bar!” Jêh nây nơm gak lah: “Babilôn hŏ rlâm tŭp, rlâm tŭp jêh! Lĕ rngôch rup brah păng Lĕ nchah hăch ta neh!”

Êsai 23:11

Brah Yêhôva yơr jêh ti Păng ta klơ dak mƀŭt, Ƀư âk ƀon bri hađăch rŭng răng. Păng hŏ ntăm jêh ma bri Kanaan: Ƀư rai lĕ pôih păng.

Êsai 23:13

Uănh hom bri neh phung Kaldê! Ta aơ mâu hôm geh phung ƀon lan ôh. Phung Asiri hŏ ƀư ntŭk nây jêng ntŭk gŭ ma mpa bri janh. Khân păng rdâk ngih tŭm, nchueng ƀon, ƀư rai ngih hađăch, jêh ri ƀư jêng mbŭch rlâm rai nchah.

Êsai 24:10

Ƀon toyh uh ah hŏ rlâm rai chah jêh; Ngih vâl nchăng da dê, mâu hôm geh nơm lăp ta nây ôh.

Êsai 25:12

Mpêr ƀon may đah pôih prêh dŭt nâp ngăn, Brah Yêhôva mra ƀư rai lơi, lơh rlâm jêh ri klŭp tâm neh, Tât ta neh muy.

Êsai 26:5

Păng n'glưh jêh phung gŭ ta ntŭk prêh; Ƀư rai lơi ƀon dŭt prêh, Rli jêng neh lâng rlĭ Jêh ri klŭp păng ta neh muy.

Êsai 27:10

Yorlah ƀon nâp hŏ jêng rngot njăp jêh, Ntŭk gŭ bu rngol jêh ri bu chuêl tâm ban ma bri rdah. Kon ndrôk mra sa gơ̆ ta nây, Bê̆ch jêh ri sa lĕ n'gĭng si ta nây.

Êsai 32:14

Ngăn yơh, bu mra chalơi ngih hađăch, Ƀon toyh mra jêng rngot njăp; Yôk jêh ri ngih tŭm gak mra jêng trôm mpa bri lĕ rngôch rnôk n'ho ro Ntŭk pâl ma seh bri, Jêh ri ƀư ndrêch gơ̆ ma phung mpô mpa sa,

Êsai 32:19

Ƀiălah mih pler mra nkhŭt tâm krŏng, Jêh ri ƀon toyh mra rlâm,

Êsai 34:13

Tơm lok mra hon tâm ngih hađăch khân păng, Pih pŭm jêh ri gơ̆ chăt hon tâm lĕ pôih khân păng. Păng mra jêng ntŭk prăp ma so bri, Jêh ri ntŭk gŭ sĭm ôtrus.

Êsai 37:26

Di lĕ may mâu mâp tăng pô aơ Gâp hŏ nal jêh nau aơ bơh jŏ jêh? Lĕ nau Gâp hŏ ndrăp ơm bơh kăl e, Aơ ri Gâp ƀư ăn tât nau nây; Gay ma may ƀư lĕ ƀon nâp, Jêng lĕ mbŭch rlâm rai nchah rngot njăp jêh.

Yêrêmi 51:26

Bu mâu mra dơi sŏk tă bơh may du rplay lŭ dơm ta njônh ngih Mâu lah rplay lŭ mbon, Ƀiălah may mra jêng ntŭk rngot njăp ƀaƀơ n'ho ro.” Brah Yêhôva lah pônây.

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Nau Vay Nkah Tay 13:16

Bun hom lĕ rngôch drăp ndơ hŏ pit sŏk jêh ăn ta ntŭk huy jêh ri su lơi ƀon toyh nây ma ŭnh nđâp ma lĕ rngôch ndơ dơi pit, nâm bu ndơ nhhơr ƀư brah gŭch nhhơr ma Yêhôva Brah Ndu khân may. Ƀon nây mra rai mro mrăng jêh ri bu mâu hôm dơi ndâk tay păng ôh.

Nau Tâm Mpơl 18:19

Khân păng suy ndruyh neh ta klơ bôk khân păng nơm, nhĭm nhhiăng, lŭng nter, klâng ndrê, jêh ri lah: “Rêh ni ngăn! Rêh ni ngăn! Hơi ƀon dŭt toyh aơ, Tă bơh nau păng ndrŏng ƀư ndrŏng ma lĕ rngôch phung geh kumpăn ta dak mƀŭt; ƀiălah knŏng tâm du mông ƀon nây rai ƀhiau jêh!