Êsai 25:11 - Nau Brah Ndu Ngơi 2023

¹¹ Ta ntŭk nây păng mra yơr ti, Tâm ban ma du huê yơr ti dôl re dak. Ƀiălah Brah Yêhôva mra ntrŭnh nau sưr păng, Jêh ƀư rai nau ndơm bơh ti păng.

Êsai 25:11 ပူးပေါင်းရင်းမြစ်များ

Ndrom Samƀŭt bơh Yôp 40:11

Uănh hom, bar pŭng vĕ păng bêng ma nau dăng ngăn, Jreng ndŭl păng nau dăng nâp ngăn.

Nau Mprơ Ơm 2:5

Nôk nĕ tâm nau ji nuih, Păng mra nduyh khân păng, Tâm nôk ji nuih, Kôranh Brah ƀư khân păng klach krit.

Êsai 10:33

Aơ, Kôranh Brah jêng Brah Yêhôva ma phung tahan, Mra dŏng nau dơi krit ngăn koh lơi n'gĭng tơm si; Đơ tơm si hưn mra kăl cha lôt, Đơ tơm si prêh toyh bu mra hŭch lơi.

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 14:26

Nây jêng nau dăp ƀư hŏ tâm nal jêh Ma lĕ rngôch neh ntu; Nĕ jêng nting tur hŏ yơr luh Ta klơ lĕ bri dak.

Êsai 16:14

Ƀiălah aƀaơ, Brah Yêhôva lah pô aơ: “Tâm pe năm đŏng, tĭng nau kơp bunuyh kan nkhôm, nau chrêk rmah Môap jêh ri phung bunuyh âk râk păng mra plăch jêng ndơ bu mưch rmot; phung hôm klen mra jêng djê̆ ngăn jêh ri rdja.”

Êsai 16:6

Hên tăng jêh nau sưr rlau phung Môap, Păng sưr ngăn! Păng hưn, sưr rlau jêh ri mưch bu; Nau păng ngơi hưn jêng dơm dam!

Êsai 2:10

Lăp hom tâm trôm lŭ, Du krap tâm ndruyh neh Gay der nau klach krit bơh Brah Yêhôva, Jêh ri der luh bơh nau ral ang bơh nau chrêk rmah Păng.

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 2:15

Tâm rdâng đŏng ma lĕ rngôch ngih tŭm prêh, Ma lĕ rngôch mpêr ƀon dŭt nâp ngăn,

Êsai 25:5

May ƀư ma nau rsĭk tâm phung bu năch gŭ rklăk, Tâm ban ma nau duh hŭnh tâm neh sơh. Jêh ri ƀư rklăk bâr mprơ phung janh ktang. Tâm ban ma nau duh du roh lah geh n'hâm tŭk.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Êsai 53:12

Yor nây, Gâp mra tâm pă ma Păng du kô̆ ndrel ma phung toyh. Păng mra pă ndơ pit sŏk ndrel ma phung ktang; Yorlah Păng nkhŭt jêh nau rêh Păng kŏ tât khĭt, Bu kơp păng ndrel ma phung tih, Păng hŏ tuy jêh nau tih âk bunuyh, Jêh ri mbơh sơm kơl an ma phung tih.

Êsai 65:2

Lĕ nar Gâp yơr ti Mpeh du phung ƀon lan vay tâm rdâng; Jêng phung hăn tâm trong mâu ueh, Tĭng nâm nau mĭn khân păng nơm;

Yêrêmi 48:29

He tăng jêh nau sưr ma bri Môap — Păng sưr rlau hâu ngăn — Ma nau mĭn klơ ir, nau sưr, dăng mưch, Jêh ri nuih n'hâm sưr n'hao êng păng nơm.”

Yêrêmi 48:42

Bri Môap mra rai, mâu hôm jêng du mpôl bunuyh đŏng ôh, Yorlah păng hŏ n'hao êng nơm tâm rdâng đah Brah Yêhôva.”

Yêrêmi 48:47

Ƀiălah, tât ta nar nglĕ dŭt, Gâp mra ƀư ma ƀon lan Môap plơ̆ jêng ndrŏng tay,” Brah Yêhôva lah pônây. Nau phat dôih ma bri Môap lôch nglĕ aơ dơm.

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Kôlôh 2:15

Păng sŏk lơi lĕ nau chiă uănh, jêh ri nau ktang, sŏk si tâm rkăng Păng dơi đah phung nây, jêh ri ƀư bêk khân păng ta nklang lĕ rngôch bunuyh.

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”