Êsai 25:1 - Nau Brah Ndu Ngơi 2023

¹ Ơ Brah Yêhôva, May jêng Brah Ndu gâp! Gâp mât ton May, gâp tâm rnê ma amoh May; Yorlah May ƀư jêh lĕ nau kan khlay ngăn Jêng lĕ nau kan May hŏ dăp jêh bơh kăl e tâm nau răp jăp jêh ri nau nanê̆ ngăn.

Êsai 25:1 ပူးပေါင်းရင်းမြစ်များ

Nau Mprơ Ơm 111:4

Păng ăn bu kah gĭt tay ma kan khlay Păng ƀư jêh. Brah Yêhôva vay ƀư ueh jêh ri bêng nuih n'hâm yô̆ nđach.

Nau Mprơ Ơm 118:28

May jêng Brah Ndu gâp, gâp mra tâm rnê ma May; May jêng Brah Ndu gâp, gâp mra yơk ma May.

Nau Mprơ Ơm 145:1

Ơ Brah Ndu jêng Hađăch gâp, gâp mra yơk tâm rnê ma May, Mât ton ma amoh May tât ƀaƀơ n'ho ro.

Nau Mprơ Ơm 146:2

Gâp mra tâm rnê ma Brah Yêhôva du bông nau rêh gâp. Ndah jŏ nar gâp hôm rêh, gâp mra mprơ tâm rnê ma Brah Ndu dŭm nĕ lĕ.

Nau Mprơ Ơm 31:15

Nau rêh gâp gŭ tâm ti Kôranh Brah; Tâm rklaih gâp bơh ti phung rlăng jêh ri phung ƀư mhĭk ma gâp.

Nau Mprơ Ơm 40:5

Ơ Brah Yêhôva Brah Ndu gâp, Nau kan khlay ngăn ngên jêh ri lĕ nau mĭn May ŭch ăn ma hên âk ngăn, Mâu geh nơm dơi rđĭl đah May; Tơlah gâp ŭch mbơh jêh ri nkoch tay lĕ kan nây, Geh âk ngăn, mâu dơi kơp ôh.

Nau Mprơ Ơm 40:6

May mâu ŭch ôh ma mpa ƀư brah mâu lah ndơ ƀư brah rnih môi, May mâu dăn ôh ndơ ƀư brah gŭch mâu lah ndơ ƀư brah chuai nau tih, Ƀiălah May pơk jêh tôr gâp gay ma iăt nau May.

Nau Mprơ Ơm 46:10

Gŭ rklăk hom jêh ri ăn gĭt pô aơ Gâp jêng Brah Ndu; Gâp mra geh nau yơk tâm lĕ bri dak, Gâp mra geh nau yơk mbah tâm neh ntu.

Nau Mprơ Ơm 75:2

Tât mông Gâp hŏ tâm nal jêh, Gâp yơh mra phat dôih ma nau sŏng.

Nau Mprơ Ơm 78:4

He mâu mra pôn ôh lĕ nau nây ma phung kon sau he, Ƀiălah mra nkoch ma phung pakơi tâm nar kăndơ̆ Nau chrêk rmah Brah Yêhôva ndrel nau brah Păng Jêh ri lĕ nau kan khlay Păng ƀư jêh.

Nau Mprơ Ơm 89:1

Gâp mra mprơ ƀaƀơ ma nau ueh Brah Yêhôva, Bâr mbung gâp mra mbơh nau răp jăp May bơh rnôk aơ tât rnôk ri.

Nau Mprơ Ơm 98:1

Mprơ hom ma Brah Yêhôva nau mprơ mhe, Yorlah Păng ƀư jêh nau mbên khlay. Ti ma jêh ri nting tur kloh ueh Păng Djôt jêh nau dơi ma Păng.

Nau Mprơ Ơm 99:5

Mbah yơk hom ma Yêhôva Brah Ndu he Jêh ri yơk mbah tâm dâng rnơl chrong jâng Păng. Păng jêng kloh ueh!

Nau Ngluh Êjipt 15:2

Brah Yêhôva jêng nau dăng jêh ri jêng nau gâp mprơ: Păng jêng Nơm tâm rklaih gâp. Păng jêng Brah Ndu gâp, gâp tâm rnê ma Păng; Jêng Brah Ndu chô yau gâp, gâp yơk mbah ma Păng.

Êsai 11:5

Nau sŏng srăng mra jêng rse vân bŭt Păng, Jêh ri nau răp jăp mra jêng rse vân n'gang bŭt Păng.

Êsai 12:1

Tâm nar nây, may mra lah pô aơ: “Ơ Brah Yêhôva, gâp mra tâm rnê lah ueh ma May, Nđâp tơlah May hŏ ji nuih jêh ma gâp, Ƀiălah nau May ji nuih lĕ bah jêh, Jêh ri May lŏ bonh leng jêh gâp.

Êsai 26:13

Ơ Yêhôva Brah Ndu hên, Rlau ma Păng, hên hŏ tă geh phung kôranh êng chiă uănh, Ƀiălah aƀaơ, hên knŏng rnơm nsing du huê May dơm Jêh ri vah vơl dăn ma amoh May.

Êsai 26:8

Ơ Brah Yêhôva, ngăn yơh, ta trong nau May phat dôih. Hên kâp gân May; Huêng hên ji hir ma May Ma amoh May jêh ri nau kah gĭt ndray ma May.

Êsai 28:29

Nau nây tât đŏng tă bơh Brah Yêhôva ma phung tahan, Nau Păng dăp ƀư khlay ngăn, Nau blau mĭn Păng dŭt ueh ngăn ngên!

Êsai 40:27

Pôri ơ Yakôb, mâm ƀư khân may lah; Ơ Israel, mâm ƀư khân may lŭng nter “Trong gâp hŏ dơi pôn ndâp jêh đah Brah Yêhôva, Brah Ndu gâp mâu hôm mĭn rvê ôh nau gâp geh”?

Êsai 46:10

Ntơm bơh saơm, Gâp hŏ mbơh lor nau tât kêng dŭt, Jêh ri hŏ mbơh bơh rnôk kăl e nau ê hŏ tât. Gâp hŏ lah: ‘Nau Gâp nchră mra jêng, Jêh ri Gâp mra ƀư lĕ nau Gâp ŭch.’

Êsai 46:11

Bơh mpeh luh nar, Gâp hŏ kuăl du mlâm sĭm klang; Bơh bri ngai, Gâp kuăl du huê bunuyh ƀư nau ŭch nchră Gâp tât. Nau Gâp ngơi jêh, Gâp mra ƀư lôch; Nau Gâp hŏ dăp jêh, Gâp mra ƀư.

Êsai 49:4

Bi gâp, gâp lah: “Gâp hŏ pah kan jêh dơm dam, Gâp hŏ dŏng nau n'hâm suan ma nau dơm dam jêh ri mâu dơi jêng ôh.” Ƀiălah Brah Yêhôva mra phat dôih sŏng ma gâp, Kôranh Bah mra ăn nau nkhôm ma gâp.

Êsai 49:5

Aƀaơ aơ, Brah Yêhôva, Nơm hŏ njêng jêh gâp jêng oh mon păng, bơh tâm ndŭl me, Gay ma gâp njŭn phung Yakôb plơ̆ sĭt ma Păng Jêh ri tâm rƀŭn phung Israel ma Păng; Yorlah gâp geh nau yơk tâm dâng măt Brah Yêhôva, Jêh ri Brah Ndu gâp jêng nau ktang gâp;

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 7:13

Y-Êsai lah: “Hơi ngih Y-Đavit, iăt hom! Mâm khân may lah ƀư rsuak bu jêng nau kan jê̆, kŏ aƀaơ khân may ŭch ƀư rsuak Brah Ndu gâp đŏng?

Yôel 2:26

Khân may mra sông sa jêh ri dơi hơm mpay, Jêh ri mra tâm rnê ma amoh Yêhôva Brah Ndu khân may, Jêng Nơm ƀư jêh nau khlay ngăn ngên ma khân may. Phung ƀon lan Gâp mâu mra geh nau bêk prêng đŏng ôh.

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Êphêsô 1:11

Tâm Păng đŏng, he dơi săch jêng phung sŏk dơn ndơn drăp hŏ tâm nal jêh tĭng nau Brah Ndu dăp, Nơm ƀư lôch lĕ ntil ndơ tĭng nau Păng ŭch,

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.

Nau Tâm Mpơl 7:12

lah pô aơ: “Amen! Nau tâm rnê, nau chrêk rmah, nau blau mĭn, nau lah ueh, nau yơk, nau brah jêh ri nau dơi jêng ndơ Brah Ndu he n'ho ro. Amen!”