Êsai 24:9 - Nau Brah Ndu Ngơi 2023

⁹ Mâu hôm geh nơm ƀă nhêt ndrănh ƀă mprơ; Ndrănh mra jêng tăng ma nơm nhêt păng.

Êsai 24:9 ပူးပေါင်းရင်းမြစ်များ

Nau Mprơ Ơm 69:12

Phung gŭ ta mpông ƀon ngơi hôr juar yor ma gâp, Jêh ri gâp jêng nau mprơ mưch rmot ma phung nhŭl ndrănh.

Nơm Nti 9:7

Pônây, sông sa hom ma nau maak jêh ri nhêt ndrănh ndrel nuih răm rhơn, yorlah Brah Ndu hŏ dơn jêh lĕ ma nau may ƀư.

Êsai 5:20

Rêh ni ngăn ma phung rnha ntơ nau mhĭk jêng ueh, Lah nau ueh jêng mhĭk; Sŏk nau ngo jêng nau ang, Sŏk nau ang jêng nau ngo; Sŏk nau tăng jêng nau njŭng, Sŏk nau njŭng jêng nau tăng.

Êsai 5:22

Rêh ni ngăn ma phung dăng nhêt ndrănh, Jêh ri phung blau kan nau lŭk lai lĕ ndơ nhêt nhŭl!

Êsêkiêl 26:13

Gâp mra ăn rlu lơi bâr may mpât mprơ, jêh ri bu mâu mra tăng đŏng ôh bâr gong rêng may kreh.

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Amôt 8:3

Tâm nar nây, lĕ nau mprơ tâm ngih brah Mra jêng nau nhĭm nhhiăng” Kôranh Brah Yêhôva lah kơt nây. “Săk jăn khĭt mra jêng âk, jêh ri lam ntŭk bu mra mƀăr khân păng ma nau klăk klêm.”

Sakari 9:15

Brah Yêhôva ma phung tahan mra mât njrăng khân păng, Khân păng mra sa rvăn jêh ri jot lơi lĕ găr lŭ dŏng pănh na; Khân păng mra nhêt sa jêh ri ƀư drơu drơu nâm bu nhŭl ndrănh, Jêh ri mra bêng ler nâm bu tâm ngan rlŭ, Nâm bu ăp njônh nơng ƀư brah.