Êsai 24:8 - Nau Brah Ndu Ngơi 2023

⁸ Bâr gâr maak hŏ nsrŭng jêh, Nteh nau răm maak lôch jêh, Maak nteh gong rêng loih mâu hôm ôh.

Êsai 24:8 ပူးပေါင်းရင်းမြစ်များ

Ndrom Samƀŭt bơh Yôp 3:7

Nanê̆, măng nây jêng măng mâu deh nse, Mâu mâp tăng bâr troh maak!

Ndrom Samƀŭt bơh Yôp 30:31

Yor ri, gong rêng loih gâp ngloh nteh nau rngot klâng, Nteh n'hôm gâp luh nau nhhiăng nhĭm.”

Nau Mprơ Ơm 137:2

Hên yông gong rêng loih hên Ta klơ n'gĭng tơm si yôr ta kơh dak krong nây.

Êsai 16:10

Bu hŏ sŏk lơi jêh nau răm maak Bơh đang tơm sa play; Jêh ri tâm đang krăk ƀâu Mâu lĕ hôm geh nau troh răm maak, Mâu geh nơm jot play krăk ƀâu tâm ntu păt ndrănh; Gâp hŏ ƀư roh jêh nau troh răm maak ma nơm jot play krăk ƀâu.

Êsai 5:12

Tâm nau khân păng nhêt sông maak, Geh gong rêng loih, gông rêng, gâr jê̆, n'hôm jêh ri ndrănh; Ƀiălah khân păng mâu meng ma kan Brah Yêhôva ôh, Mâu lĕ saơ kan ti Păng ƀư.

Êsai 5:14

Yor nây, ƀon phung khĭt pơk huy nuih n'hâm kơnh ŭch khân păng Jêh ri hă ăn huy mbung păng rlau keh; Phung ndrŏng jêh ri phung ƀon lan, Phung vay tâm djrel jêh ri phung nhŭl ndrănh, tŭp tâm nây da dê.

Yêrêmi 16:9

Yorlah Brah Yêhôva ma phung tahan, Brah Ndu phung Israel, lah: ‘Aơ, tanăp măt khân may, tâm rô̆ khân may, Gâp mra ƀư ăn n'gor aơ mâu hôm geh nau răm maak ma bâr mprơ, mâu hôm geh bâr klay ƀăn.’

Yêrêmi 25:10

‘Gâp mra ƀư ăn ta nklang khân păng mâu hôm geh bâr mprơ răm maak, bâr klay bâr ƀăn, nteh bu rvah mpăl, jêh ri mâu hôm ang nchrat ang ŭnh kađen.

Yêrêmi 7:34

Aƀaơ, Gâp mra ƀư lĕ ƀon Yuđa jêh ri rŏ trong Yêrusalem rlu bâr troh răm maak, bâr bu klâu ntơm nsông ur jêh ri bâr bu ur nđăp ma sai, yorlah neh aơ mra jêng ntŭk rngol.”

Nau Nhĭm Vơl 5:14

Phung kôranh bu ranh lĕ du tă bơh mpông ƀon, Phung bu klâu ndăm mâu hôm pâl kreh gong ôh.

Êsêkiêl 26:13

Gâp mra ăn rlu lơi bâr may mpât mprơ, jêh ri bu mâu mra tăng đŏng ôh bâr gong rêng may kreh.

Êsêkiêl 28:13

May lĕ gŭ tâm n'gar Êđen, jêng n'gar Brah Ndu. May hŏ geh ăp ntil lŭ khlay, Jêng lŭ karnêlian, lŭ tôpas, lŭ diamôn, Lŭ krisôlit, lŭ êmêrôt, lŭ saphir, Lŭ beril, lŭ ĭr, lŭ chăng jêh ri mah đŏng. Nơm rhăk gâr jê̆ jêh ri dĭng n'hôm jêng ndơ may, Ntơm bơh nar may mhe ndâk njêng bu hŏ ndrăp ơm jêh.

Ndrom Samƀŭt bơh Ôsê 2:11

Gâp mra ƀư dŭt lơi lĕ rngôch nau răm maak păng, Lĕ nar ƀŭn, nar khay mhe, Nar saƀat jêh ri lĕ rngôch nar rƀŭn toyh păng nal jêh.

Amôt 6:7

Yor nây, bu nhŭp khân păng jêng phung bu nă lor, Nau nhêt ndrănh nhŭl hơm jêh ri pâl rlưn nây mra lôch!

Nau Tâm Mpơl 18:22

Mâu hôm geh nơm tăng ôh tâm may saơ nteh phung kreh gong rêng, nteh phung mprơ, nteh phung uh n'hôm, nơm uh nŭng đŏng. Tâm may bu mâu mra saơ du huê bunuyh blau tă bơh ăp nau pah kan êng ôh; jêh ri nteh mpăl kĭn ăt mâu hôm đŏng.