Êsai 24:5 - Nau Brah Ndu Ngơi 2023

⁵ Rplay neh geh nau ƀơ̆ ƀơch Yor phung ƀon lan păng nơm, Yorlah khân păng hŏ ƀư tih nau vay, Mâu di đah nau vay dăp, Jêh ri ƀư rai lơi nau tâm rnglăp n'ho ro.

Êsai 24:5 ပူးပေါင်းရင်းမြစ်များ

II Samuel 23:5

Mâu di hĕ ngih gâp nâm bu pônây tanăp măt Brah Ndu? Yorlah Păng hŏ njêng jêh đah gâp du nau tâm rnglăp n'ho ro, Lĕ rngôch nau vay hŏ dăp jêh jêh ri mât mray. Mâu di hĕ lĕ nau tâm rklaih jêh ri lĕ nau gâp ŭch ngăn Păng nơm yơh mra ƀư jêng ƀơh?

II Phung Hađăch 21:12

pôri Yêhôva Brah Ndu Israel lah pô aơ: ‘Aơ, Gâp mra ăn nau tât ma ƀon Yêrusalem jêh ri ma phung Yuđa nau mhĭk kŏ tât ăp nơm tăng nau nây mra ƀư tê̆k lĕ bar đah tôr.

II Phung Hađăch 21:15

yorlah ntơm bơh nar phung chô yau khân păng du luh bơh Êjipt tât ma nar aơ, khân păng ƀư jêh nau mhĭk tanăp măt Gâp jêh ri nsônh nau ji nuih Gâp.’”

II Nau Rêh Jêng 33:9

Ƀiălah, Y-Manasê nsŭk nsôr phung Yuđa jêh ri phung gŭ tâm ƀon Yêrusalem, kŏ tât khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

Nau Mprơ Ơm 105:10

Nal jêh ma Y-Yakôb ƀư nau vay dăp, Ma phung Israel jêng nau tâm rnglăp n'ho ro,

Nau Mprơ Ơm 55:5

Nau klach jêh ri nau râm nsâr tât ƀư ma gâp, Nau ndrŏt hŏ nkŭm jêh gâp.

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 30:9

Yorlah khân păng jêng du phung ƀon lan tâm rdâng, Jêng phung kon mƀruh, Phung kon mâu ŭch iăt ôh Nau ntrŭnh bơh Brah Yêhôva.

Êsai 33:8

Trong toyh jêng rngot njăp, Bu mâu hôm hăn ta trong ôh; Bu hŏ ƀư rai nau tâm rnglăp, Mưch rmot ma phung mbơh, Mâu chrê ma bunuyh ôh.

Êsai 50:1

Brah Yêhôva lah: “Ta ntŭk pŏk samƀŭt tâm chalơi ur sai mê̆ may Ma samƀŭt nây Gâp chalơi jêh păng? Mâu lah tâm phung tơm rnon ma Gâp Mbu moh Gâp tăch khân may? Aơ, yor nau kue may yơh dĭng bu tăch khân may; Yor nau khân may ƀư tih rĭ dĭng bu chalơi jêh mê̆ khân may.

Êsai 9:17

Yorlah nau ƀai sa tâm ban ma ŭnh, Păng sa rtau lok jêh ri pih pŭm, Păng sa lĕ tơm si ta krŏng mbâl, Ƀư ma ŭnh nhhŭk dŭk dŭk mpăr leo klơ.

Yêrêmi 11:10

Khân păng plơ̆ sĭt ma nau tih mhĭk phung che khân păng jêng phung mâu ŭch iăt nau Gâp. Khân păng hŏ hăn tĭng jêh ri yơk mbah lĕ brah êng. Ngih Israel jêh ri ngih Yuđa hŏ ƀư rai nau tâm rnglăp Gâp hŏ ndâk đah chô yau khân păng.

Yêrêmi 50:5

Khân păng ôp trong hăn plơ̆ sĭt ma ƀon Siôn, măt uănh mpeh ma nây jêh ri lah: ‘Văch hom jêh ri tâm nkol đah Brah Yêhôva du nau tâm rnglăp n'ho ro, nau tâm rnglăp mâu mra chuêl ôh!’

Êsêkiêl 16:59

Yorlah Brah Yêhôva lah pô aơ: “Ay hŏ tâm rmot jêh nau ay ton ƀư rai lơi nau tâm rnglăp Gâp, yor nây Gâp mra ƀư ma ay tâm di đah ay ƀư jêh.

Êsêkiêl 20:13

Ƀiălah ngih Israel, tâm rdâng đah Gâp tâm bri rdah. Khân păng mâu ŭch chuat tĭng ôh nau vay dăp bơh Gâp, dun lơi nau vay ƀư bơh Gâp jêng nau ăn ma mbu nơm tông mra yor nau nây dơi rêh; khân păng ƀư tih rlau keh lĕ rngôch nar saƀat Gâp. Rnôk nây, Gâp lah Gâp mra nkhŭt nau Gâp ji nuih ta klơ khân păng jêh ri ƀư rai tâm bri rdah.

Êsêkiêl 20:24

yorlah khân păng mâu tông ôh ma nau vay ƀư Gâp ƀiălah chalơi jêh nau vay dăp Gâp, ƀư ƀơ̆ lĕ nar Saƀat Gâp jêh ri măt khân păng treng uănh ma lĕ rup brah phung chô yau khân păng.

Êsêkiêl 37:26

Gâp mra njêng đah khân păng du nau tâm rnglăp đăp mpăn, nây jêng du nau tâm rnglăp n'ho ro ta nklang khân păng đah Gâp. Gâp mra njêng jêh ri ƀư ăn rnoh bunuyh khân păng bĭk rơ̆. Gâp mra ndâk ngih brah kloh ueh Gâp ta nklang khân păng ƀaƀơ n'ho ro.

Daniel 7:25

Hađăch aơ mra ngơi djơh ma Nơm Dŭt Prêh, Ƀư huănh hươi phung kloh ueh Nơm Dŭt Prêh. Hađăch ŭch mĭn rgâl rnôk jêh ri nau vay. Phung kloh ueh bu mra jao tâm ti hađăch nây Kŏ tât du gưl, bar gưl jêh ri n'gul gưl.

Daniel 9:10

Hên mâu tông bâr ôh nau Yêhôva Brah Ndu hên, mâu gŭ ôh tâm nau vay May dŏng jêh phung oh mon May jêng phung nơm mbơh lor ntĭm nti ma hên.

Daniel 9:5

Hên hŏ geh nau tih jêh, ƀư nau tih, gŭ ngao djơh mhĭk, hên tâm rdâng, chalơi đah lĕ nau vay ntăm jêh ri nau vay ƀư bơh May.

Ndrom Samƀŭt bơh Ôsê 6:7

Ƀiălah nâm bu Y-Ađam, khân păng hŏ ƀư tih jêh đah nau tâm rnglăp; Ta nây, khân păng mâu gŭ răp jăp ôh đah Gâp.

Kan Lêvi 20:22

Ăn khân may djôt prăp jêh ri ƀư tĭng lĕ nau vay dăp jêh ri nau vay Gâp ƀư gay ma n'gor Gâp djôt khân may lăp gŭ mâu mra jrih khân may ôh.

Kan Lêvi 26:35

Tĭng năng nar hŏ chalơi rngot jêh, neh mra geh nau rlu, yorlah neh nây mâu geh ôh rlu, tâm lĕ năm saƀat dôl khân may gŭ rêh ta klơ nây.

Mika 2:10

Dâk hom khân may! Hăn ro! Yorlah ta aơ mâu di ôh jêng ntŭk ma khân may gŭ rlu; Păng lĕ tă nau ƀơ̆ ƀơch njŭn leo ma nau rai yot Jêh ri mra geh nau rai yot nđêh nji ngăn ngên.

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

Nau Vay Nkah Tay 32:15

Dôl Yêsurun văch ma lay jêh ri chưng, — Khân may lay đŏng, săk jăn rmŏng — Chalơi Brah Ndu, Nơm njêng jêh khân may nơm Jêh ri mưch ma Lŭ Toyh tâm rklaih khân may nơm.

Nau Vay Nkah Tay 32:20

Păng lah: “Gâp mra pôn muh măt Gâp Gay saơ moh nau mra jêng kêng lôch dŭt khân păng, Yorlah khân păng jêng noi deh tih mhĭk ngăn, Jêng phung kon mâu geh nau răp jăp ôh.

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,

ហេឞ្រើ 9:1

Pôri, nau tâm rnglăp tal nguay geh đŏng lĕ nau tâm nal ma nau yơk mbah jêh ri du Ntŭk Kloh Ueh ta neh ntu.

Yôsuê 23:16

Tơlah khân may rlau nau tâm rnglăp Yêhôva Brah Ndu khân may ntĭnh ntăm jêh ma khân may, jêh ri hăn pah kan ma phung brah êng jêh ri chon mon mbah panăp khân păng, rnôk nây Brah Yêhôva mra hao ji nuih ma khân may, jêh ri khân may mra rai yot gơnh ngăn bơh bri ueh Păng hŏ ăn jêh ma khân may.”

Yôsuê 24:25

Pônây, tâm nar nây, Y-Yôsuê ƀư nau tâm rnglăp đah phung ƀon lan, ăn lĕ nau vay dăp jêh ri lĕ nau vay ƀư ma khân păng ta ƀon Sichem.