Êsai 24:23 - Nau Brah Ndu Ngơi 2023

²³ Khay mra bêk, Nar mra đit; Yorlah Brah Yêhôva ma phung tahan mra chiă uănh Ta yôk Siôn jêh ti ta ƀon Yêrusalem, Păng mra tâm mpơl nau chrêk rmah Tanăp phung kôranh bu ranh Păng.

Êsai 24:23 ပူးပေါင်းရင်းမြစ်များ

Nau Mprơ Ơm 97:1

Nau Brah Yêhôva chiă uănh! Ơ neh ntu, hâk maak hom! Ơ lĕ rngôch gôl dak mƀŭt, maak răm hom!

Nau Ngluh Êjipt 15:21

H'Miriam mprơ pô aơ: “Mprơ hom ma Brah Yêhôva Yorlah Păng dŭt prêh geh nau rnam. Păng hŏ mƀăr jêh tâm dak mƀŭt Seh jêh ri rmăk seh.”

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 13:10

Rnôk nây, lĕ mănh mbing tâm trôk jêh ri lĕ rngôch mănh ang tâm trôk Mâu mra nchrat ang ôh; Nar mhe pơ luh jêng ngo ro, Jêh ri khay mâu hôm nchrat ang ôh.

Êsai 30:26

Nau ang khay mra jêng tâm ban ma nau ang nar, jêh ri nau ang nar mra duh ktang lơn pơh tơ̆ tâm ban ma ang pơh nar, tâm nar Brah Yêhôva put n'grêp ntŭk sôt phung ƀon lan Păng, jêh ri ƀư bah ntŭk sôt khân păng.

Êsai 33:17

Măt may mra n'gơr uănh Hađăch tâm nau ueh Păng, Jêh ri mra saơ bri neh dĭ ngai.

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Êsai 52:7

Phung mbơh nau đăp mpăn, Mbơh nau mhe mhan ueh, Mbơh nau tâm rklaih, Jêh ri lah ma ƀon Siôn pô aơ: “Brah Ndu may gŭ chiă uănh;” Mbang jâng phung nây ta klơ yôk Ueh ngăn!

Êsai 60:1

Dâk hom jêh ri sol ang hom! Yorlah nau ang may tât jêh, Jêh ri nau chrêk rmah Brah Yêhôva sol ang jêh ta klơ may.

Êsai 60:19

May mâu hôm mra nsing nar Sol ang nôk nar, Jêh ri mâu hôm ŭch đă khay Sol ang nôk măng; Yorlah Brah Yêhôva mra jêng nau ang n'ho ro ma may, Brah Ndu may mra jêng nau chrêk rmah may.

Êsai 60:20

Nar may mâu hôm nhâp đŏng ôh, Khay mâu mra ndâp ôh; Yorlah Brah Yêhôva mra jêng nau ang n'ho ro ma may, Lĕ nar may rngot klâng lôch jêh.

Êsêkiêl 48:35

Ndăch jŭm ƀon toyh mra geh sĭn rbăn met, jêh ri ntơm bơh aƀaơ tât ô klak, amoh ƀon mra jêng: “Brah Yêhôva gŭ ta nây!”

Daniel 7:18

Ƀiălah phung kloh ueh Nơm Dŭt Prêh mra sŏk dơn ƀon bri hađăch jêh ri chiă uănh ƀon bri hađăch nây n'ho ro kŏ tât n'ho ro mâu blau lôch ôh.’

Daniel 7:27

Rnôk nây, ƀon bri hađăch nây, nau dơi chiă uănh Jêh ri nau toyh ma lĕ rngôch ƀon bri hađăch tâm neh ntu Mra dơi ăn ma ƀon lan phung koh ueh Nơm Dŭt Prêh. Ƀon bri hađăch Păng jêng ƀon bri hađăch n'ho ro Jêh ri lĕ rngôch nau dơi chiă uănh pah kan jêh ri tông bâr Păng da dê.’

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Yôel 3:15

Nar jêh ri khay jêng ngo klĕng, Lĕ mănh mbing mâu hôm nchrang ôh.

Apdia 1:21

Phung geh nau rklaih jêh mra hao ta yôk Siôn gay phat dôih yôk Êsau; Bi ƀon bri hađăch mra jêng ndơ Brah Yêhôva.

Mika 4:7

Jêh nây Gâp mra sŏk bunuyh kuet ƀư jêng phung ƀon lan hôm e klen Jêh ri phung bu chalơi jêng du bri dak dŭt janh: Brah Yêhôva mra chiă uănh khân păng ta klơ yôk Siôn Ntơm bơh aƀaơ aơ kŏ tât lĕ rngôch rnôk n'ho ro.

Sakari 14:6

Ta nar nây, mâu mra geh nau ang đŏng ôh, âk mănh mbing nchrat ang mra nhâp êng khân păng nơm.

Sakari 14:7

Êng ngăn tâm du nar nây knŏng Brah Yêhôva dơm mra gĭt; mâu di lĕ nôk nar, mâu lĕ di bri măng, yorlah bri măng ngo mra geh nau ang.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Mathay 24:29

Ƀât lât jêh lôch lĕ nar rêh ni nây, nar mra jêng ngo, khay mâu mra nchrat ang ôh, phung mănh mbing mra tŭp tă bơh trôk, jêh ri nau dơi ktang klơ trôk mra mpât n'gơ.

Mathay 6:10

Ăn ƀon bri hađăch Mbơ̆ gơnh tât, Ăn nau May ŭch mra jêng, ta neh ntu tâm ban ma ta klơ trôk!

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

ហេឞ្រើ 12:22

Ƀiălah khân may hăn dăch jêh ta yôk Siôn, dăch ƀon Brah Ndu rêh, nâm bu ntĭt ƀon Yêrusalem ta klơ trôk, âk rmưn rsen tông mpăr dôl gŭ rƀŭn ma nau maak,

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 14:1

Gâp uănh, ri, Kon Biăp dâk ta klơ yôk Siôn ndrel ma du rhiăng puăn jât ma puăn rbăn nuyh geh amoh Kon Biăp jêh ri amoh Mbơ̆ Kon Biăp nchih ta ndăr kleng khân păng nơm.

Nau Tâm Mpơl 19:4

Bar jât ma puăn nuyh kôranh bu ranh jêh ri puăn mlâm mpa rêh chon mon jêh ri yơk mbah ma Brah Ndu jêng Nơm gŭ ta sưng hađăch, jêh ri lah: “Amen! Halêluya!”

Nau Tâm Mpơl 19:6

Jêh nây gâp tăng geh nteh nâm bu nteh du mpôl bunuyh âk ngăn, nâm bu nteh n'gôr âk n'hong dak, nâm bu nteh nglaih ktang, lah: “Halêluya! Yorlah Kôranh Brah he jêng Brah Ndu Geh Lĕ Nau Brah chiă uănh.

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.