Êsai 24:21 - Nau Brah Ndu Ngơi 2023

²¹ Tâm nar nây, Brah Yêhôva mra tâm rmal Phung tahan gŭ ta klơ lĕ ndâr trôk prêh, Jêh ri phung hađăch neh ntu gŭ tâm dâng neh nây.

Êsai 24:21 ပူးပေါင်းရင်းမြစ်များ

Nau Mprơ Ơm 76:12

Păng nkhĭt lơi nau sưr phung kôranh chiă uănh; Phung hađăch ta neh ntu klach ma Păng.

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 24:4

Rplay neh rngot rvê jêh ri rngot njăp, Neh ntu huănh hươi jêh ri jêng rngot njăp; Phung bunuyh bu yơk dŭt prêh ta klơ neh mra huănh hươi.

Êsai 60:11

Lĕ mpông ƀon may ăt mra pơk mro, Lĕ nar nđâp măng bu mâu nchăng khân păng ôh, Gay ma bu dơi njŭn ăn ma may drăp ndơ lĕ bri dak, Jêh ri njŭn phung hađăch khân păng sĭt ƀư bu nă.

Êsêkiêl 39:1

“Hơi kon bunuyh, mbơh lor hom nau tâm rdâng đah Y-Gôk, jêh ri lah ma păng ôp aơ Kôranh Brah Yêhôva lah: ‘Hơi Y-Gôk hađăch phung Rôs, phung Mêsek jêh ri phung Tubal, aơ, Gâp tâm rdâng ma may,

Êsêkiêl 39:5

May mra chôt khĭt tâm mir nâm bu Gâp hŏ lah jêh,’ Kôranh Brah Yêhôva lah pônây.

Yôel 3:19

N'gor Êjipt mra plơ̆ jêng rngol, Êđôm mra jêng bri rdah lĕ rai; Yorlah khân păng ƀư nau ƀai ma phung ƀon lan Yuđa Jêh ri khân păng ƀư pling mham mâu geh tih ôh tâm bri khân păng.

Sôphôni 1:8

Tâm nar Brah Yêhôva nhhơr mpa ƀư brah, Gâp mra tâm rmal phung kôranh chiă uănh, phung kon bu klâu hađăch Jêh ri lĕ rngôch phung nsoh kho ao bu năch.

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”

Nau Tâm Mpơl 18:9

Lĕ rngôch phung hađăch ta neh ntu, đơ phung bunuyh ƀư tih văng tĭr jêh ri gŭ rêh dŭt ndrŏng dŭt maak đah păng, mra nhĭm nhhiăng, lŭng nter tơlah khân păng saơ nhhŭk ŭch sa păng.