Êsai 24:19 - Nau Brah Ndu Ngơi 2023

¹⁹ Neh ntu bu mbang rai, Neh ntu hêk âk rngơl, Neh ntu n'gơ ktang ngăn.

Êsai 24:19 ပူးပေါင်းရင်းမြစ်များ

Nau Mprơ Ơm 75:3

Tơlah neh ntu jêh ri lĕ rngôch phung bunuyh ta klơ neh mpât n'găr Gâp yơh mra mât nâp lĕ meh păng. (Sêla)

Êsai 13:13

Yor nây, Gâp mra ƀư ăn lĕ ndâr trôk mpât n'gơ, Rplay neh mpât n'gơ trơn bơh ntŭk păng Yor nau Brah Yêhôva ma phung tahan ji nuih, Tâm nar Păng ji nuih hâu ngăn.

Êsai 2:19

Bu mra lăp tâm trôm yôk lŭ Jêh ri tâm trôm ntu tâm dâng neh Gay der nau krit kir bơh Brah Yêhôva Jêh ri nau ral ang bơh nau rnam chrêk rmah Păng, Lah Păng dâk ƀư mpât n'gơ neh ntu.

Nahum 1:5

Yor tă Kôranh Brah, gôl yôk n'găr n'gơ, Lĕ yôk chah rai da dê; Tanăp măt Păng, rplay neh jêh ri neh ntu Nđâp ma lĕ rngôch phung ƀon lan gŭ ta klơ neh dâk da dê.

Habakuk 3:6

Păng dâk, ƀư n'găr n'gơ rplay neh; Păng uănh, ƀư ma phung mpôl băl bunuyh râm sâr; Phung yôk ntơm bơh rnôk saơm chah rai da dê, Lĕ gôl yôk gŭ lĕ jŏ rnôk rlâm da dê. Trong Păng hôm tâm ban kăl e.

Nau Kơp Bunuyh 16:31

Lah Y-Môis ngơi nau aơ lĕ lôch jêh, neh tâm dâng jâng khân păng đang luh,

Nau Kơp Bunuyh 16:32

hă mbung păng rvăn khân păng, phung bunuyh tâm ngih jêh ri lĕ rngôch bunuyh hăn tĭng Y-Kôra ndrel ma drăp ndơ khân păng.

Mathay 24:3

Dôl Păng gŭ ta klơ yôk Ôlive, phung oh mon văch ôp Păng êng pô aơ: “Lah ma hên gĭt ndah jŏ nau nây mra tât, jêh ri moh nau mbên mra mbơh lor ma nar may mra May plơ̆ văch jêh ri tâm rnôk nglĕ dŭt neh ntu?”

Nau Vay Nkah Tay 11:6

tâm ban đŏng lĕ nau Păng hŏ ƀư jêh ma Y-Dathan jêh ri ma Y-Abiram phung kon Y-Êliap, sau Y-Ruben, dôl neh hă mbung rvăn bar hê, ndrel ma bunuyh tâm vâl păng, ngih bok khân păng jêh ri lĕ rngôch ndơ tĭng ndô̆ khân păng, ta nklang lĕ rngôch phung Israel.

II Pêtrôs 3:10

Nđâp lah kơt nĕ, nar Kôranh Brah mra tât nâm bu nơm ntŭng, nôk nĕ lĕ ndâr trôk mra roh tâm nau nteh ktang, lĕ ndơ mra lêk hoch tâm ŭnh, neh ntu jêh ri lĕ rngôch kan ndâk klơ nây ŭnh mra sa lĕ.

II Pêtrôs 3:12

dôl dŭh nuih n'hâm kâp gân ma nar Brah Ndu gơnh tât. Nar nĕ ndâr trôk mra geh ŭnh sa lĕ jêh ri roh rai, lĕ rngôch ndơ mra lêk hoch tâm ŭnh!

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.