Êsai 24:18 - Nau Brah Ndu Ngơi 2023

¹⁸ Mbu nchuăt du bơh nau klach krit Mra tŭp tâm ntu jru; Tơlah luh tă bơh ntu jru Mra văk tâm dăk. Yorlah lĕ mpông bloh ta klơ trôk pơk da dê, Lĕ mbon neh ntu n'găr mpât da dê.

Êsai 24:18 ပူးပေါင်းရင်းမြစ်များ

Nau Ntơm 19:24

Brah Yêhôva ƀư ăn mih luh mô ŭnh jêh ri ŭnh Brah Yêhôva bơh klơ trôk tŭp ta Sôdôm jêh ri Gômôrơ,

Nau Ntơm 7:11

Di tâm nar jât pơh, khay bar, năm prao rhiăng nôk rô̆ Y-Nôê, lĕ tu dak bơh brŏng toyh rtoh ƀhing, jêh ri lĕ mpông dak klơ trôk pơk jêh.

II Phung Hađăch 7:2

Kôranh tahan rgong kơl, jêng nơm hađăch nsing tâm ti păng, plơ̆ lah ma bunuyh Brah Ndu pô aơ: “Nđâp tơlah Brah Yêhôva geh pơk lĕ mpông bloh klơ trôk, nau nây dơi tât lĕ?” Y-Êlisê plơ̆ lah: “Măt may nơm ro yơh saơ nau nây, ƀiălah may mâu mra sa ndơ nây ôh.”

Ndrom Samƀŭt bơh Yôp 20:24

Păng du der bơh ndơ tâm lơh ma loih Pôri hăr kông mra ntâp bluh păng.

Nau Mprơ Ơm 18:15

Ơ Brah Yêhôva, yor nau May nduyh, Jêh ri yor n'hâm nsôr luh tă bơh trôm muh Păng, Blat dak mƀŭt mra mpơl Jêh ri lĕ mbon neh ntu mra saơ.

Nau Mprơ Ơm 18:7

Rnôk aơ neh ntu n'găr mpât, Mbon lĕ yôk n'gơ n'găr tâm ban lĕ yorlah Păng ji nuih ngăn.

Nau Mprơ Ơm 18:8

Nhhŭk ŭnh luh tă bơh trôm muh Păng, Mpiăt ŭnh hit luh tă bơh mbung Păng Ƀư ăn sa ônh hit hâng.

Nơm Nti 9:12

Kon bunuyh mâu gĭt nôk găl ma păng nơm. Nâm bu ka geh nhuăl mhĭk ngăn, Nâm bu sĭm geh tâm dăk sân, Kon bunuyh ăt geh dăk sân Nau mhĭk ƀât lât jŭr ma khân păng.

Êsai 13:13

Yor nây, Gâp mra ƀư ăn lĕ ndâr trôk mpât n'gơ, Rplay neh mpât n'gơ trơn bơh ntŭk păng Yor nau Brah Yêhôva ma phung tahan ji nuih, Tâm nar Păng ji nuih hâu ngăn.

Êsai 2:19

Bu mra lăp tâm trôm yôk lŭ Jêh ri tâm trôm ntu tâm dâng neh Gay der nau krit kir bơh Brah Yêhôva Jêh ri nau ral ang bơh nau rnam chrêk rmah Păng, Lah Păng dâk ƀư mpât n'gơ neh ntu.

Êsai 2:21

Khân păng mra lăp tâm trôm lŭ Jêh ri tâm ntŭk ntu lŭng tâm lŭ, Gay der nau krit kir bơh Brah Yêhôva Jêh ri nau ral bơh rnam Păng, Lah păng dâk ƀư n'gơ neh ntu.

Êsai 42:22

Ƀiălah aơ jêng du phung ƀon lan bu ntŭng jêh ri bu pit sŏk jêh ndô ndơ; Lĕ rngôch khân păng dăk sân tâm trôm da dê, Jêh ri bu krŭng tâm ndrung; Khân păng jêng ndơ bu pit sŏk jêh ri mâu geh nơm tâm rklaih ôh, Jêng jêh ndơ bu pit sŏk Mâu geh nơm sâm lah pô aơ: “Mplơ̆ tay hom!”

Êsai 8:14

Păng mra jêng du ntŭk kloh ueh; ƀiălah Păng jêng glo lŭ chêh jâng bu jêh ri lŭ toyh ƀư prah ma lĕ bar đah ndŭl mpôl Israel, ăt jêng tanh srang jêh ri dăk sân ma phung gŭ tâm ƀon Yêrusalem.

Yêrêmi 48:43

Brah Yêhôva lah: “Hơi phung ƀon lan gŭ tâm bri Môap! Nau krit toyh, ntu jru, jêh ri dăk bu sân dôl kâp panăp may.

Yêrêmi 48:44

Mbu nơm dơi du nchuăt tă bơh nau krit toyh Mra rhuh tâm ntu jru, Mbu nơm hao du luh tă ntu jru, Mra tŭp tâm dăk bu sân. Yorlah Gâp mra djôt năm nau tâm rmal Tât ma Môap,” Brah Yêhôva lah pônây.

Nau Nhĭm Vơl 3:47

Hên tŭp tâm nau krit klach jêh ri ntu jru Jêng rngol jêh ri rlâm rai nchah.”

Êsêkiêl 11:8

Khân may klach ma đao ƀiălah Gâp mra ăn đao tât ma khân may, Yêhôva Brah Ndu lah pônây.

Êsêkiêl 12:13

Gâp mra nthăng jal ta klơ hađăch, jêh ri păng mra geh tâm dăk Gâp. Gâp mra njŭn leo hađăch ma Babilôn jêng bri phung Kaldê. Ƀiălah păng mâu mra saơ bri nây ôh nđâp lah mra khĭt ta nây.

Êsêkiêl 15:7

Gâp mra rle muh măt tâm rdâng đah khân păng. Khân păng mra luh tă bơh ŭnh ƀiălah ŭnh mra sa khân păng, jêh ri tơlah Gâp rle muh măt tâm rdâng đah khân păng, pôri khân may mra gĭt Gâp jêng Brah Yêhôva.

Amôt 5:18

“Rêh ni ngăn ma khân may jêng phung kâp gân nar Brah Yêhôva! Ndơ jan khân may kâp gân ma nar Brah Yêhôva? Nây jêng nar nau ngo klĕng, mâu di nar nau ang ôh.

Amôt 5:19

Nâm bu du huê bunuyh nchuăt klach bơh yau mŭr, Nkhơng mâp ma kau; Dôl lăp tâm ngih, mbin ti ta mpir Nkhơng geh bêh chôk.