Êsai 24:16 - Nau Brah Ndu Ngơi 2023

¹⁶ Bơh lĕ ntŭk dŭt neh ntu, hên hŏ tăng bâr bu mprơ: “Nau chrêk rmah prăp ma Nơm Sŏng Srăng.” Ƀiălah gâp lah: “Gâp hŏt rgănh jêh, gâp hŏt rgănh jêh! Rêh ni ngăn ma gâp, phung mâu gŭ răp jăp! Phung mâu gŭ răp jăp ăt thoi đŏng mâu gŭ răp jăp!”

Êsai 24:16 ပူးပေါင်းရင်းမြစ်များ

Nau Mprơ Ơm 106:15

Brah Ndu ăn moh ndơ khân păng dăn, Ƀiălah ăn nau ji kuet ƀư rai ma nau rêh khân păng.

Nau Mprơ Ơm 119:158

Gâp saơ phung mâu gŭ răp jăp jêh ri gâp mưch rmot khân păng Yorlah khân păng mâu djôt prăp nau May ntăm ôh.

Nau Mprơ Ơm 2:8

Dăn hom tă bơh Gâp, Gâp mra ăn lĕ bri dak jêng drăp ndơn ma Kon, Jêh ri lam lĕ rplay neh jêng drăp ndơ ma Kon.

Nau Mprơ Ơm 58:10

Bunuyh sŏng srăng mra maak tơlah saơ nau plơng bôk; Khân păng mra rao jâng tâm mham phung mhĭk.

Nau Mprơ Ơm 65:8

Phung gŭ ta ntŭk nglĕ dŭt rplay neh saơ nau mbên khlay May geh nau klach da dê; May ƀư ơm ôi jêh ri kêng mhaơ geh nau răm maak.

Nau Mprơ Ơm 67:7

Brah Ndu mra ăn nau ueh lăng ma hên Jêh ri lĕ bunuyh gŭ lam rplay neh mra klach yơk ma Păng da dê.

Nau Mprơ Ơm 98:3

Păng kah gĭt tay nau ueh jêh ri ma nau răp jăp Păng Đah ngih phung Israel; Lĕ rngôch dŭt bri neh saơ jêh Nau yô̆ Brah Ndu tâm rklaih he.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Êsai 10:16

Yor nây, Kôranh Brah jêng Brah Yêhôva ma phung tahan Mra ƀư ma phung janh ktang hađăch nây plơ̆ jêng rgay grol; Jêh ri tâm dâng nau chrêk rmah hađăch nây, Ŭnh mra sa tâm ban ma du mbŭch ŭnh su.

Êsai 11:12

Păng mra ndâk du n'ha kơ ma lĕ bri dak, Rgum lĕ phung Israel bu nsot jêh, Rgum phung Yuđa nsong mblêng Bơh puăn njônh neh ntu.

Êsai 17:4

“Tâm nar nây, nau chrêk rmah Yakôb mra n'hŭch, Săk jăn lay mra jêng rgay.

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Êsai 26:15

Ơ Brah Yêhôva, May hŏ ƀư jêh phung ƀon lan aơ đang ktang lơn, May hŏ ƀư jêh phung ƀon lan aơ đang ktang lơn, May geh nau tâm rnê; May pơk ăn dĭ n'har neh bri aơ.

Êsai 28:5

Tâm nar nây, Brah Yêhôva ma phung tahan mra jêng đon hađăch nau chrêk rmah Jêh ri đon hađăch chrêk lơp ăn ma phung ƀon lan Păng hôm klen.

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

Êsai 48:8

May mâu mâp tăng ôh, mâu lĕ mâu mâp gĭt, Bơh kăl e, tôr may mâu mâp pơk ôh. Yorlah Gâp gĭt jêh may mơng tâm rdâng, Di ngăn bu kuăl khân may jêng phung tâm rdâng bơh ndŭl me.

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Êsai 6:5

Gâp kuăl huy ro: “Rêh ni ngăn ma gâp! Gâp khĭt roh! Yorlah gâp jêng bunuyh geh mpiăt ƀơ̆ ƀơch ta nklang gŭ rêh ta nklang du phung ƀon lan geh mpiăt ƀơ̆ ƀơch, yorlah măt gâp saơ jêh Hađăch, jêng Brah Yêhôva ma phung tahan!”

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Yêrêmi 12:1

Ơ Brah Yêhôva, May sŏng srăng mro Ăp tơ̆ gâp ngơi tâm rlăch nchră đah May; Nđâp pônây, gâp dăn ôp May ma nau phat dôih. Mâm ƀư trong phung ƀai geh nau ndrŏng ktang mro? Mâm ƀư phung gŭ rêh ndơm geh nau mpăn rlêk?

Yêrêmi 12:6

Phung oh nâu may nơm jêh ri ngih mbơ̆ may Ăt rdâng đah may, Khân păng lŭng nter pakơi may. Nđâp lah khân păng ngơi ueh đah may, May lơi ta rnơm ôh ma khân păng.

Yêrêmi 3:20

Ƀiălah hơi ngih phung Israel, Mâm du huê bu ur mâu răp jăp chalơi sai păng. Pôri khân may ăt mâu răp jăp đah Gâp pônây lĕ.’ ” Brah Yêhôva lah pônây.

Yêrêmi 5:11

Yorlah lĕ ngih phung Israel jêh ri Yuđa Hŏ mbơh ngơi tâm rdâng đah Gâp da dê.” Brah Yêhôva lah pônây.

Nau Nhĭm Vơl 1:2

Păng nhĭm dôl măng bêng ma nau rngot, Dak măt hoch tât ta trôm bom. Ta nklang lĕ rngôch phung rŏng ma păng rnôk kăl e, Mâu geh ôh nơm bonh leng păng. Phung mĭt jiăng tâm rdâng ma păng, Jêng phung tâm rlăng.

Ndrom Samƀŭt bơh Ôsê 5:7

Khân păng hŏ mƀruh ndơm Brah Yêhôva Yorlah khân păng hŏ deh phung kon êng. Aƀaơ, nar khay mhe mra rvăn khân păng Ndrel ma drăp ndơn khân păng.

Ndrom Samƀŭt bơh Ôsê 6:7

Ƀiălah nâm bu Y-Ađam, khân păng hŏ ƀư tih jêh đah nau tâm rnglăp; Ta nây, khân păng mâu gŭ răp jăp ôh đah Gâp.

Kan Lêvi 26:39

Mbu nơm tâm phung khân may hôm rêh mra rngot tâm n'gor phung rlăng yor nau djơh mhĭk khân păng nơm. Yor nau djơh mhĭk phung chô yau khân păng, khân păng mra rngot tâm n'gor phung rlăng tâm ban ma phung chô yau khân păng nơm.

Mika 5:4

Păng nơm mra jêng nau đăp mpăn ma he. Lah phung Asiri mra tât tâm bri he Jêh ri tŭn jot plên tâm ngih hađăch he, Pôri he mra n'hao pơh nuyh rmăk biăp Jêh ri pham nuyh kôranh bơh phung ƀon lan gay tâm rdâng đah păng.

Habakuk 1:13

Măt Kôranh Brah kloh ir mâu dơi uănh ôh nau mhĭk, Mâu dơi uănh ntreng ôh nau tih mhĭk. Mâm ƀư May uănh ma phung ƀư nau mƀruh nchơt? Mâm ƀư May gŭ klăk klêm, Lah bunuyh mhĭk sa rvăn bunuyh sŏng srăng lơn ma păng?

Habakuk 1:3

Mâm ƀư may ăn gâp saơ nau mâu tâm di? Mâm May gŭ uănh mro ma nau bu ƀư mhĭk? Panăp gâp jêng nau ƀư rai jêh ri nau djơh mhĭk; Nau tâm djrel jêh ri nau tâm rlăch geh tât lam ntŭk.

Markôs 13:27

Păng mra njuăl phung tông mpăr tâm rgum phung Păng hŏ săch jêh lam puăn njônh, ntơm bơh bôl trôk tât ma bôl dŭt neh.

Kôranh Oh Mon 13:47

Yorlah Kôranh Brah ntĭnh ntăm jêh ma hên: ‘Gâp njêng jêh may jêng nau ang ma phung mpôl băl bunuyh, gay ma njŭn leo nau tâm rklaih tât ta nglĕ dŭt rplay neh.’ ”

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!