Êsai 24:13 - Nau Brah Ndu Ngơi 2023

¹³ Yorlah ta nklang phung ndŭl mpôl bunuyh ta klơ neh, Mra jêng tâm ban nôk bu rgu tơm ôlive, Jêh ri tâm ban ma bu dônh play krăk ƀâu tơlah jêh yan pĕ play.

Êsai 24:13 ပူးပေါင်းရင်းမြစ်များ

Êsai 1:9

Tơlah Brah Yêhôva ma phung tahan Mâu lơi ma he du phung djê̆ hôm rêh, Pôri he he hŏ jêng nâm bu ƀon Sôdôm, Jêh ri tâm ban ma ƀon Gômôrơ jêh.

Êsai 17:4

“Tâm nar nây, nau chrêk rmah Yakôb mra n'hŭch, Săk jăn lay mra jêng rgay.

Êsai 27:12

Jêh nây mra tât nar Brah Yêhôva mra mbang ba ntơm bơh Dak Krong Me tât ta dak n'hor bri Êjipt; ơ phung ƀon lan Israel, khân may mra dônh tĭng du huê du huê!

Êsai 6:13

Nđâp tơlah du kô̆ tâm jât hôm e tâm khân păng Bu mra ƀư rai lơi; Ƀiălah, nâm bu kăl jêh tơm n'ho, tơm guyh hôm om knŏng yôk ngâl, Ndŭl mpôl kloh ueh jêng yôk ngâl păng.”

Yêrêmi 44:28

Knŏng geh djê̆ dơm bunuyh klaih tă bơh tak đao nchuăt du tă bơh bri Êjipt plơ̆ sĭt tâm bri Yuđa. Rnôk nây, lĕ rngôch phung Yuđa hôm klen, jêng phung hŏ tât jêh ŭch gŭ tâm n'gor bri Êjipt aơ, mra gĭt mbu nau ngơi jêng di ngăn, nau ngơi Gâp mâu lah nau ngơi khân păng.

Êsêkiêl 7:16

Đơ bunuyh hôm gŭ rêh klen mra nchuăt klaih jêh ri gŭ ta ka lơ yôk nâm bu plŭk gŭ tâm rlŭng, lĕ rngôch bunuyh nhĭm vơl da dê ma nau djơh mhĭk khân păng nơm.

Kan Lêvi 19:9

Lah khân may kăch roih ba tâm n'gor khân may, lơi kăch roih kŏ tât nglĕ dŭt ta pĭt mir, mâu lĕ mban ndrŏng ba hôm klen.

Mika 2:12

“Hơi Yakôb! N'hêl nanê̆ Gâp mra tâm rƀŭn lĕ rngôch khân may, Nanê̆ ngăn Gâp mra rgum lĕ phung Israel hôm e, Jêh ri djôt khân păng gŭ nsum tay Nâm bu phung biăp tâm ndrung, Nâm bu du phung biăp gŭ ta nklang tâm ndrêch khân păng; Ta ntŭk nây mra geh bâr bunuyh drơu drơu.

Mika 7:1

Rêh ni ma gâp! Yorlah gâp jêng nâm bunuyh pĕ play yan ta vai, Jêh ri nâm bunuyh mban play krăk ƀâu tâm yan pĕ play krăk ƀâu hŏ lĕ jêh, Ƀiălah mâu geh ôh du rkŭm play krăk ƀâu gay sa; Play rvi bôk yan Ƀiălah huêng gâp ŭch hâu ngăn kŏ mâu geh lĕ.

Mathay 24:22

Tơlah lĕ nar nây mâu n'hŭch lơi, pôri mâu geh du huê bunuyh dơi rklaih ôh; ƀiălah yor phung bunuyh dơi săch lĕ nar nây mra n'hŭch lơi.

Nau Tâm Mpơl 3:4

Ƀiălah ta ƀon Sardis, may hôm geh bunuyh ƀaƀă ê hŏ ƀư ƀơ̆ ôh kho ao khân păng nơm; khân păng nsoh ao nglang jêh ri hăn ndrel ma Gâp, yorlah khân păng geh nau khư.