Êsai 23:9 - Nau Brah Ndu Ngơi 2023

⁹ Brah Yêhôva ma phung tahan yơh hŏ dăp nal nau nây, Gay ma ntrŭnh nau sưr lĕ rngôch nau chrêk rmah, Gay ƀư bêk lĕ rngôch phung bu yơk ta neh ntu.

Êsai 23:9 ပူးပေါင်းရင်းမြစ်များ

Ndrom Samƀŭt bơh Yôp 12:21

Păng ăn tât nau bêk prêng ma bunuyh lư ndrŏng, Doh lơi rse vân bŭt phung dăng.

Nau Mprơ Ơm 107:40

Brah Yêhôva nkhŭt nau ƀơ̆ ƀơch ta phung kon hađăch, Ăn khân păng nsong mblêng tâm n'gor ntŭk rngol mâu geh trong klaih.

Nau Ngluh Êjipt 8:4

Kĭt mra vơr hao tât ta may, phung ƀon lan jêh ri lĕ rngôch phung oh mon may.’”

Êsai 10:33

Aơ, Kôranh Brah jêng Brah Yêhôva ma phung tahan, Mra dŏng nau dơi krit ngăn koh lơi n'gĭng tơm si; Đơ tơm si hưn mra kăl cha lôt, Đơ tơm si prêh toyh bu mra hŭch lơi.

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 14:24

Brah Yêhôva ma phung tahan hŏ sơm ton pô aơ: “N'hêl nanê̆ nau Gâp hŏ dăp mra tât ngăn, Nau Gâp hŏ ƀư păng mra nâp.

Êsai 14:26

Nây jêng nau dăp ƀư hŏ tâm nal jêh Ma lĕ rngôch neh ntu; Nĕ jêng nting tur hŏ yơr luh Ta klơ lĕ bri dak.

Êsai 14:27

Yorlah Brah Yêhôva ma phung tahan hŏ dăp jêh Mbu nơm chalơi? Ti Păng yơr jêh Mbu nơm dơi rhuăt lơi?

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 2:17

Nuih n'hâm sưr kon bunuyh bu mra chŭn, Jêh ri nau hưn kon bunuyh bu mra n'glưh; Tâm nar nây, knŏng êng Brah Yêhôva geh nau bu yơk.

Êsai 23:10

Ơ kon bu ur ƀon Tarsis, hăn rgăn hom bri neh khân ay, Tâm ban ma kuĭl dak krong Nil. Mâu hôm geh nau nhŭp kât ôh.

Êsai 32:13

Yor neh phung ƀon lan Gâp, Hon tơm lok jêh ri pih pŭm, Yor lĕ rngôch ngih maak tâm ƀon răm maak. Mâu hôm geh ôh.

Êsai 5:13

Yor ri, phung ƀon lan gâp mra hăn jêng bu nă yorlah pưt nau gĭt mĭn; Phung bu yơk tâm khân păng khĭt ji ngot, Bi phung ƀon lan geh nau ji hir.

Êsai 9:15

Yorlah phung têk ndrêng phung ƀon lan aơ hŏ nhhơt trong jêh, Bi phung njŭn khân păng lĕ roh rai jêh.

Yêrêmi 13:9

Brah Yêhôva lah: “Gâp mra ƀư nau sưr phung Yuđa jêh ri nau sưr toyh ƀon Yêrusalem ôm rai nâm bu pônây.

Yêrêmi 51:62

Jêh ri lah: ‘Ơ Brah Yêhôva, May hŏ lah jêh May mra ƀư rai ƀon aơ, ntơm bơh kon bunuyh tât ma mpô mpa mâu dơi rêh da dê ôh, jêh ri ntŭk aơ mra jêng rngol ƀaƀơ n'ho ro.’

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Apdia 1:2

Aơ, Gâp hŏ ƀư jêh ma may jêng jê̆ lê̆ ta nklang lĕ rngôch bri dak. Bu mra tâm rmot may hâu ngăn.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Kôranh Oh Mon 4:28

gay ƀư ma lĕ rngôch nau kan ti May jêh ri nau mĭn May hŏ nal jêh bơh lor.

Êphêsô 1:11

Tâm Păng đŏng, he dơi săch jêng phung sŏk dơn ndơn drăp hŏ tâm nal jêh tĭng nau Brah Ndu dăp, Nơm ƀư lôch lĕ ntil ndơ tĭng nau Păng ŭch,

Êphêsô 3:11

tĭng nau ŭch n'ho ro Păng hŏ ƀư lôch jêh tâm Brah Yêsu Krist, Kôranh Brah he.

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”