Êsai 23:4 - Nau Brah Ndu Ngơi 2023

⁴ Ơ ƀon Sidôn, ăn may bêk! Yorlah dak mƀŭt ngơi jêh, Pôih dak mƀŭt lah jêh: “Gâp mâu ji ôh, mâu lĕ mâp deh, Mâu lĕ mât siăm bu klâu ndăm, mâu lah bu ur druh.”

Êsai 23:4 ပူးပေါင်းရင်းမြစ်များ

Nau Ntơm 10:15

Y-Kanaan jêng mbơ̆ Y-Sidôn, jêng kon bu klâu bôk rah, jêh ri Y-Het.

Nau Ntơm 10:19

Bi ma n'har bri phung Kanaan pơk huy tă bơh Sidôn, mpeh Gêrar tât ta Gaxa; mpeh Sôdôm, Gômôrơ, Adma jêh ri Sêbôim tât ta Lêsa.

Yêrêmi 25:22

phung hađăch Tyre, lĕ rngôch hađăch Sidôn, jêh ri lĕ rngôch phung hađăch gŭ lĕ gôl dak mƀŭt;

Yêrêmi 27:3

Jêh nây, ăn may njuăl samƀŭt tât ma hađăch bri Êđôm, hađăch bri Môap, hađăch phung kon sau Y-Amôn, hađăch bri Tyre, jêh ri hađăch bri Sidôn, tă bâr mbung phung mbơh văch jêh ma ƀon Yêrusalem tâm mâp đah ma Y-Sêdêkia, hađăch Yuđa.

Êsêkiêl 28:21

“Hơi kon bunuyh, rle hom muh măt may mpeh ma ƀon Sidôn jêh ri mbơh lor nau tâm rdâng đah păng.

Êsêkiêl 28:22

May ngơi hom: Kôranh Brah Yêhôva lah: ‘Hơi ƀon Sidôn, aơ Gâp tâm rdâng đah may; Gâp ŭch ƀư ang amoh Gâp ta nklang may. Khân păng mra gĭt Gâp jêng Brah Yêhôva Tơlah Gâp mra ƀư nau phat dôih, Jêh ri mpơl nau kloh ueh Gâp ta nklang păng.

Yôsuê 11:8

jêh ri Brah Yêhôva jao khân păng tâm ti phung Israel. Y-Yôsuê jêh ri lĕ rngôch phung tahan lơh khân păng, tĭng lơh khân păng tât ta ƀon Sidôn Toyh, tât ta ƀon Misrêpôt-Maim, jêh ri tât ta rlŭng Mispê mpeh luh nar. Khân păng nkhĭt lĕ rngôch phung tâm lĕ ƀon nây, mâu om du huê nuyh hôm rêh.

Nau Tâm Mpơl 18:23

Nau ang kađen mâu mra nchrat ang ta ntŭk may đŏng; nteh maak ma ur sai mhe mâu mra hôm tăng ta ntŭk may đŏng, yorlah phung tăch rgâl may jêng phung bunuyh geh nau ktang ta neh ntu, jêh ri yorlah may dŏng nau ƀŭk rƀên gay ndơm mƀruh ma lĕ rngôch mpôl băl bunuyh.

Phung Kôranh Phat Dôih 10:6

Phung ƀon lan Israel plơ̆ ƀư tay nau djơh tanăp măt Brah Yêhôva. Khân păng pah kan ma brah Baal jêh ri brah Astarôt, nđâp lĕ brah phung ƀon lan Aram, lĕ brah phung ƀon lan Sidôn, lĕ brah phung ƀon lan Môap, lĕ brah phung ƀon lan Ammôn, jêh ri lĕ brah phung ƀon lan Philistin. Khân păng chalơi Brah Yêhôva, mâu hôm ôh pah kan ma Păng.