Êsai 23:13 - Nau Brah Ndu Ngơi 2023

¹³ Uănh hom bri neh phung Kaldê! Ta aơ mâu hôm geh phung ƀon lan ôh. Phung Asiri hŏ ƀư ntŭk nây jêng ntŭk gŭ ma mpa bri janh. Khân păng rdâk ngih tŭm, nchueng ƀon, ƀư rai ngih hađăch, jêh ri ƀư jêng mbŭch rlâm rai nchah.

Êsai 23:13 ပူးပေါင်းရင်းမြစ်များ

Nau Ntơm 11:28

Y-Haran khĭt ta ƀon tơm păng nơm, jêng ta ƀon Ur, tâm n'gor Kaldê, nôk mbơ̆ păng jêng Y-Têra hôm rêh.

Nau Ntơm 11:31

Y-Têra leo Y-Abram, kon bu klâu păng, Y-Lot, kon bu klâu Y-Haran sau păng, jêh ri H'Sarai, ur Y-Abram, jêng ƀăn păng, du luh ndrel bơh Ur, tâm n'gor Kaldê, hăn tât Kanaan. Ƀiălah dôl tât ta Charan khân păng gŭ ta nây.

Nau Ntơm 11:9

Yor ri, ntŭk nây dơi rnha jêng Ƀaƀel, yorlah ta nây Brah Yêhôva ƀư tâm rlŭk lĕ rngôch nau ngơi ta neh ntu, jêh ri ntơm bơh nây Păng ƀư ma phung bunuyh nchah du êng êng lam bri klơ neh ntu.

Nau Ntơm 2:14

N'hor tal pe amoh Tigris, hoch mpeh luh nar n'gor Asiri. Bi ma n'hor tal puăn jêng dak krong Ơphrat.

II Phung Hađăch 17:24

Hađăch Asiri njŭn leo phung bunuyh tă bơh Babilôn, Kuta, Ava, Hamat jêh ri Sêpharvaim, văch tât gŭ tâm lĕ ƀon n'gor Samari, ntrok ntŭk phung ƀon lan Israel. Khân păng pit in n'gor Samari jêh ri gŭ tâm lĕ ƀon păng.

II Phung Hađăch 20:12

Tâm rnôk nây, hađăch Babilôn jêng Y-Bêrôdak Baladan, kon Y-Baladan, prơh bunuyh hăn njŭn samƀŭt jêh ri ndơ nhhơr ăn ma hađăch Hêsêkia, yorlah păng tăng lư păng ji.

II Nau Rêh Jêng 33:11

Yor nây, Brah Yêhôva ntrŭt phung kôranh tahan hađăch Asiri tât lơh khân păng, nhŭp chăp Y-Manasê ma rse rvăk kông jêh ri sŏk nklĕ loih nkuăk ta trôm muh têk leo păng ma ƀon Babilôn.

Ndrom Samƀŭt bơh Yôp 1:17

Bunuyh aơ dôl hôm ngơi du huê bunuyh êng nchuăt văch mbơh: “Phung Kaldê tâm pă pe phung văch rduh pit in djôt lĕ seh samô. Khân păng sŏk đao nkhĭt lĕ phung oh mon, knŏng êng du huê gâp dơm klaih nchuăt sǐt mbơh nau ma may.”

Nau Mprơ Ơm 72:9

Phung gŭ tâm bri rdah mra chon mbah tanăp măt hađăch, Jêh ri phung rlăng hađăch mra ler ndruyh neh.

Êsai 10:5

Rêh ni ngăn ma Asiri, mâng rpăt nau Gâp ji nuih! Mâng jra tâm ti păng jêng nau Gâp ji nuih!

Êsai 10:7

Ƀiălah Asiri mâu gĭt vât pônây ôh, Nuih n'hâm păng mâu mĭn kơt nây; Păng ŭch ƀư rai Jêh ri ngluh lơi dŭt âk bri dak.

Êsai 13:19

Babilôn jêng nau chrêk rmah ma lĕ rngôch bri hađăch, Jêng nau hưn n'glưh ma phung Kaldê, Mra jêng tâm ban ma Sôdôm jêh ri Gômôrơ, Lah Brah Ndu nklơ̆ rlă khân păng.

Êsai 13:21

Ƀiălah mpa bri janh tâm bri rdah mra lâng bê̆ch ta nây, Ngih vâl nây bêng ma klang kô; Sĭm ôtrus mra gŭ ta nây, Jêh ri be bri mra pâl rlưn ta nây.

Êsai 18:6

Bu mra chalơi lĕ khân păng Ăn ma sĭm joi mpa ta klơ yôk Jêh ri ma mpô mpa ta klơ neh. Sĭm joi mpa mra sa khân păng dôl yan vai, Lĕ rngôch mpô mpa ta neh mra sa khân păng dôl tâm yan sĭt puh.”

Êsai 43:14

Brah Yêhôva, Nơm Tâm Chuai khân may, Nơm Kloh Ueh Israel lah pô aơ: “Yor khân may, Gâp hŏ njuăl bu hăn lơh Babilôn, Mprơh lĕ rngôch khân păng, jêng phung Kaldê, Tâm ban ma phung nchuăt du, Trŭnh tâm kumpăn khân păng jêng ntŭk khân păng hŏ tă troh nteh huy ngăn.

Êsêkiêl 23:23

nây jêng phung Babilôn, lĕ rngôch phung Kaldê, phung Pêkôt, phung Sôa, jêh ri Kôa ndrel ma lĕ rngôch phung Asiri dôl gŭ ndrel ma khân păng, jêng phung bu klâu ndăm ueh, lĕ rngôch phung kôranh chiă uănh jêh ri phung kôranh tahan, lĕ rngôch phung kôranh chiă uănh jêh ri phung kôranh tahan toyh, lĕ rngôch ncho seh da dê.

Êsêkiêl 29:18

“Hơi kon bunuyh, Nêbukatnetsar, hađăch Babilôn, hŏ ăn phung tahan păng pah kan hŏt rgănh gay tâm rdâng đah ƀon Tyre; ăp bôk bu poih plưn da dê, ăp săng nglik lĕ rplưch da dê. Ƀiălah, hađăch nây jêh ri phung tahan mâu lĕ geh drăp ndơ tă bơh Tyre gay nkhôm nau hŏt rơah hŏ lơh jêh ƀon nây.

Daniel 4:30

hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”

Habakuk 1:6

Aơ, Gâp nsônh phung Kaldê văch hao lơh; Khân păng jêng du phung ƀon lan djơh ngăn mâu djân bu ôh, Phung hăn lăp tâm ăp n'gor bri neh ntu dŭt huy, Gay pit âk ntŭk gŭ mâu di ôh ntŭk khân păng nơm.

Kôranh Oh Mon 7:4

Pôri, păng du luh tă bơh n'gor Kaldê jêh ri gŭ ta ƀon Charan. Jêh mbơ̆ păng lăn khĭt, Brah Ndu ƀư ăn păng hăn rsong ntơm bơh ntŭk nây rgăn n'gor khân may gŭ aƀaơ aơ.