Êsai 23:1 - Nau Brah Ndu Ngơi 2023

¹ Nau mbơh lor ma Tyre: Ơ kumpăn Tarsis, nhĭm nhhiăng hom, Yorlah ƀon Tyre rai jêh, Mâu hôm geh ngih, mâu lĕ hôm geh trong mŭt! Tă bơh n'gor Kitim, khân păng hŏ gĭt nau nây.

Êsai 23:1 ပူးပေါင်းရင်းမြစ်များ

Nau Ntơm 10:4

Phung kon bu klâu Y-Javan jêng Y-Êlisa jêh ri Y-Tarsis, Y-Kitim jêh ri Y-Dôdanim.

I Phung Hađăch 10:22

Tâm ăp pe năm, mpôl kumpăn hăn tât ta Tarsis păng rgăn dak mƀŭt ndrel ma mpôl kumpăn hađăch Hiram, djôt leo sĭt mah, prăk, la rveh, dôk jêh ri brak.

I Phung Hađăch 22:48

Rnôk nây, tâm n'gor Êđôm mâu geh hađăch ôh, knŏng geh du kôranh chiă uănh.

I Phung Hađăch 5:1

Tơlah tăng lư ma Y-Salômôn hŏ bu tŏ jêh dak ƀâu kah gŭ ta sưng hađăch chiă uănh thoi ntrok mbơ̆ păng, hađăch Tyre jêng Y-Hiram prơh phung oh mon păng nơm hăn tât ma Y-Salômôn, yorlah Y-Hiram ăt rŏng ƀaƀơ ma Y-Đavit.

II Nau Rêh Jêng 9:21

yorlah hađăch geh mpôl kumpăn hăn tât ta Tarsis ndrel ma phung gŭ ƀĭt kumpăn Y-Hiram; tâm pe năm du tơ̆, mpôl kumpăn nây djôt leo sĭt mah, prăk, la rveh, dôk jêh ri brak.

Nau Mprơ Ơm 48:7

Kôranh dong nchah lơi khân păng Tâm ban ma sial mpeh luh nar dong nchah kumpăn Tarsis.

Êsai 15:8

Bu tăng bâr nhĭm nter huy Jŭm bri Môap; Bu tăng nau lŭng nter tât ta Êlaim, Jêh ri bu tăng nau lŭng nter tât ta ƀon Bêr-Êlim.

Êsai 2:16

Ma lĕ rngôch kumpăn Tarsis, Jêh ri ma lĕ rngôch kumpăn toyh lư.

Êsai 23:12

Păng lah: “Ơ kon bu ur Sidôn, jêng bu ur druh bu tŭn jot, Ay mâu hôm răm maak ôh! Nchuăt gơnh hom tât ma n'gor Kitim! Ƀiălah ta nây may mâu lĕ mra dơi nau đăp.”

Êsai 23:6

Trơn rgăn hom ta Tarsis; Ơ phung gŭ ta kơh dak mƀŭt, nhĭm nhhiăng hom!

Êsai 24:10

Ƀon toyh uh ah hŏ rlâm rai chah jêh; Ngih vâl nchăng da dê, mâu hôm geh nơm lăp ta nây ôh.

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Yêrêmi 2:10

Găn hom uănh gôl Kitim, Mprơh hom bunuyh tât Kêdar joi gĭt n'hêl nanê̆ ngăn; Gay uănh hŏ tă geh kan nâm bu pônây đŏng.

Yêrêmi 25:15

Yêhôva Brah Ndu phung Israel hŏ lah ma gâp pô aơ: “May sŏk hom kachok ndrănh nau ji nuih aơ bơh ti Gâp, jêh ri ăn lĕ rngôch bri dak Gâp prơh may hăn nhêt kachok nây.

Yêrêmi 25:22

phung hađăch Tyre, lĕ rngôch hađăch Sidôn, jêh ri lĕ rngôch phung hađăch gŭ lĕ gôl dak mƀŭt;

Yêrêmi 47:4

Yorlah nar mra tât Lĕ rngôch phung Philistin bu mra ƀư rai, Lĕ rngôch phung hôm klen gŭ rêh Sâm rklaih ƀon Tyre jêh ri ƀon Sidôn bu ngluh lơi khân păng. Yorlah Brah Yêhôva ƀư rai phung ƀon lan Philistin, Jêng phung hôm klen tă gôl dak mƀŭt Kaptôr.

Êsêkiêl 26:1

Tâm năm rơh jât ma nguay, năng nguay tâm khay, geh nau Brah Yêhôva lah ma gâp pô aơ:

Êsêkiêl 26:2

“Hơi kon bunuyh, ƀon Tyre hŏ ngơi jêh ma ƀon Yêrusalem pô aơ: ‘Ha ha! Ƀon ƀư mpông mpêr ma phung ƀon lan lĕ rlâm rai jêh! Tât jêh ma gâp, gâp mra dơi geh nau chăt jêng, bi păng aƀaơ plăch jêng rngol jêh.’

Êsêkiêl 27:30

Khân păng mra nhĭm vơl ma may, Jêh ri nter huy rngot klâng yor ma may; Khân păng sui neh muy ta klơ bôk khân păng nơm, Jêh ri rlă tâm ŭnh buh.

Êsêkiêl 27:6

Sŏk tơm si guyh tă bơh bri Basan Ƀư rnai vah ma may; Sŏk tơm si n'ho tă bơh gôl dak Kitim Ƀư kađar ntă, Jêh ri mblum ma la rveh.

Daniel 11:30

Kumpăn bơh n'gor Kitim mra tâm lơh đah păng yor ri păng klach ngăn rŭch plơ̆ jêh ri ji nuih ngăn ƀư nau tâm rdâng đah nau tâm rnglăp kloh ueh. Hađăch nây mra plơ̆ sĭt jêh ri yô̆ ma phung chalơi nau tâm rnglăp kloh ueh.

Yônais 1:3

Ƀiălah Y-Yôna dâk hăn du pôn ma bri Tarsis gay der bơh panăp măt Brah Yêhôva. Păng hăn jŭr ta ƀon Jôpa mâp du mlâm kumpăn hăn ma bri Tarsis. Y-Yôna ăn prăk ncho jêh ri jŭr kumpăn hăn Tarsis ndrel khân păng gay der bơh panăp Brah Yêhôva.

Nau Kơp Bunuyh 24:24

Nĕ jêng lĕ bunuyh tă bơh kơh dak mƀŭt Kitim Ƀư nau mhĭk ma Asur jêh ri Êber. Ƀiălah jêh nây khân păng nơm đŏng mra rai lôch lĕ.”

Luka 10:13

Rêh ni ngăn ma may, ƀon Kôrasin! Rêh ni ngăn ma may, ƀon Ƀêtsaiđa! Yorlah tơlah nau mbên khlay ƀư jêh ta nklang khân may, dơi ƀư nâm bu ta ƀon Tyre jêh ri ƀon Sidôn, ri mơ khân păng hŏ nsoh ao ƀau, ndô buh jêh ri rmal nau tih jŏ jêh.

Yôsuê 19:29

N'har nây rle mpeh Rama tât ta ƀon Tyre geh mpêr nâp ngăn, jêh nây hăn tât ta Hôsa jêh ri lôch ta dak mƀŭt, dăch Mahala, tâm bri Aksip,