Êsai 22:6 - Nau Brah Ndu Ngơi 2023

⁶ Phung Êlam cheng bĭ dơm hăr Ndrel ma ndeh seh jêh ri phung tahan ncho seh, Bi phung Kir djôt khêl rơm ndrăp tâm lơh.

Êsai 22:6 ပူးပေါင်းရင်းမြစ်များ

Nau Ntơm 10:22

Phung kon bu klâu Y-Sem jêng Y-Êlam, Y-Asur, Y-Arpaksat, Y-Lut jêh ri Y-Aram.

II Phung Hađăch 16:9

Hađăch Asiri dơn nau Y-Ahas dăn, leo phung tahan păng hao lơh pit sŏk ƀon Damas, nhŭp phung ƀon lan tâm ƀon njŭn leo tât ma Kir jêh ri nkhĭt lơi Y-Rêsin.

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 15:1

Nau mbơh lor ma Môap: Tâm du măng, A Môap bu lơh jêh ri roh rai! Tâm du măng, Kir-Môap bu ƀư rai jêh ri roh rai lôch!

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Êsai 22:7

Lĕ rngôch rlŭng ueh lơn ma may bêng ma ndeh seh, Bi phung tahan ncho seh dăp ma nau tâm lơh ta mpông ƀon.

Amôt 1:5

Gâp mra nkê̆ch lơi rnăng nđăng mpông ƀon Damas; Gâp mra ƀư rai phung ƀon lan gŭ tâm rlŭng Aven, Jêh ri nơm djôt mâng jra hađăch luh bơh Bet-Êđen; Bi ma phung ƀon lan Aram mra jêng bu nă ta n'gor bri Kir” Brah Yêhôva lah pônây.

Amôt 9:7

Kôranh Brah Yêhôva lah: “Hơi phung kon sau Israel, mâu di hĕ Gâp uănh khân may nâm bu kon sau phung Êthiôpi lĕ? Mâu di Gâp ngluh khân may luh du tă bơh n'gor bri Êjipt, Phung Philistin luh bơh bri Kaptôr, Jêh ri phung Siri luh bơh bri Kir?