Êsai 22:5 - Nau Brah Ndu Ngơi 2023

⁵ Nanê̆ ngăn jêng du nar klach krit, nau tŭn jot jêh ri nau rlŭk rlăk, Dơi mpơl ta rlŭng nau tâm saơ Yorlah Kôranh Brah jêng Brah Yêhôva ma phung tahan; Mpêr ƀon ƀư rai jêh, Nau kuăl rklaih huy tât ta yôk.

Êsai 22:5 ပူးပေါင်းရင်းမြစ်များ

II Phung Hađăch 19:3

Khân păng lah ma păng: “Hađăch Hêsêkia lah kơt aơ: ‘Nar aơ jêng nar rŭng răng, nau nduyh, jêh ri nau bêk prêng; tâm ban bu ur lĕ tât nôk deh kon jêh, ƀiălah mâu tŏng suan gay deh kon ôh.

II Phung Hađăch 25:10

Jêh nây phung tahan Kaldê tông bâr kôranh phung tahan gak ƀư rlâm mpêr ƀon jŭm Yêrusalem.

Êsther 3:15

Phung djôt leo samƀŭt hăn ma nau ndal tĭng nâm nau hađăch ntĭnh. Samƀŭt nau ntrŭnh nây bu njuăl đŏng ma ƀon bri hađăch Susa. Jêh nau nây, hađăch jêh ri Y-Haman gŭ nhêt ndrănh tâm nôk ƀon Susa geh nau uh ah rŭng răng.

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 22:1

Nau mbơh lor ma rlŭng nau tâm saơ: Moh nau tât ma khân may, Kŏ lĕ rngôch khân may hao ta klơ chor ngih da dê?

Êsai 25:10

Yorlah ti Brah Yêhôva mra n'gân ta yôk aơ; Ƀiălah bu mra jot sôt bri Môap ta ntŭk păng, Tâm ban ma bu jot sôt mbŭch rhe tâm ntŭk ntu ndŏk.

Êsai 37:3

Khân păng lah ma Y-Êsai: “Y-Hêsêkia lah kơt aơ: ‘Nar aơ jêng nar rŭng răng, nau nduyh jêh ri nau bêk prêng; tâm ban bu ur lĕ tât nôk deh kon jêh ƀiălah mâu tŏng suan gay deh kon ôh.

Êsai 5:5

Pôri aƀaơ aơ, Gâp mra ăn khân may gĭt Moh nau Gâp dăch ƀư ma đang play Gâp: Gâp mra rôk lơi n'gar păng, Gay ma bu kăp rvăn păng, Gâp mra ƀư rlâm lơi n'gar păng Gay ma bu jot lơi păng.

Êsai 63:3

“Knŏng du huê Gâp jot ta ntŭk drŏng păt play krăk ƀâu, Mâu geh du huê tâm phung ƀon lan gŭ ndrel ma Gâp ôh. Gâp jot jêh khân păng tâm nôk Gâp ji nuih, Jot nchah jêh khân păng ma nau Gâp ji nuih; Mham khân păng tâm ban ma dak krăk ƀâu mprănh ta bok ao Gâp Lĕ rngôch kho ao Gâp krêp mham da dê.

Êsai 63:6

Tâm nau ji nuih, Gâp jot plên phung ndŭl mpôl bunuyh; Gâp ăn khân păng nhŭl yorlah nau Gâp ji nuih, Jêh ri Gâp ƀư pling jêh mham khân păng ta neh.”

Yêrêmi 30:7

Rêh ni ngăn! Nar nây klach krit ngăn Mâu mâp geh nar tâm ban ma nar nây; Nây jêng rơh nau rêh ni tât ma phung Yakôb, Ƀiălah păng mra dơi rklaih bơh nar nây.’

Nau Nhĭm Vơl 1:5

Phung rlăng păng jêng nơm chiă uănh, Phung rlăng păng geh nau chăt hao, Yorlah Brah Yêhôva ƀư ăn ma păng rêh ni Yor nau tih păng âk ir. Phung kon păng lĕ bu nhŭp jêh, Njŭn leo hăn ƀư bu nă tanăp phung rlăng.

Nau Nhĭm Vơl 2:2

Kôranh Brah rvăn lĕ ntŭk Yakôb gŭ Mâu geh nau yô̆ djê̆ lê̆ ôh; Tâm nau ji nuih, Păng ƀư rlâm lơi lĕ pôih nâp kon druh Yuđa; Ƀư rai jêh ri ƀư nau bêk prêng, Lĕ rngôch ƀon bri hađăch nđâp ma phung kôranh chiă uănh.

Nau Nhĭm Vơl 2:8

Brah Yêhôva hŏ lĕ dăp nal ƀư rai jêh Mpêr ƀon kon druh Siôn; Păng hŏ nthăng jêh rse veh, Nkhĭt mâu rlu ôh ti Păng ƀư ăn ma mpêr jêh pôih rngot klâng, Nsum ndrel tâm nau rgănh huăr rai lĕ.

Êsêkiêl 7:7

Hơi phung gŭ tâm n'gor bri, mrô hŏ nal ma may; rô̆ lĕ tât jêh, nar hŏ dăch jêh; mra geh nar nau uh ah ntrok nau troh hâk răm ta klơ yôk nâm.

Ndrom Samƀŭt bơh Ôsê 10:8

Lĕ ntŭk prêh klơ ta Aven, nây jêng nau tih Israel, Bu mra ƀư rai lơi. Tơm pôm jêh ri pih pŭm mra hon Ta klơ nơng ƀư brah khân păng. Rnôk nây, khân păng mra lah ma lĕ yôk pô aơ: Ăn nkŭm lơi hên! Jêh ri lah ma lĕ gôl pô aơ: Tŭp hom ta klơ hên!

Mika 7:4

Bunuyh ueh lơn tâm khân păng jêng tâm ban ma lok mâng glâng, Bi ma nơm sŏng lơn tâm khân păng jêng mhĭk lơn ma n'gar pôm lok. Nar ma phung gak njrăng may, Nây jêng nar tâm rmal ma may lĕ tât jêh; Aƀaơ aơ nôk uh ah ma khân păng.

Sôphôni 1:15

Nar nây jêng nar nau ji nuih, Nar nau mhĭk tât jêh ri nar rêh ni, Nar ƀư rai jêh ri jêng rngol, Nar ngo klĕng jêh ri rngot ngăn, Nar geh ndâr tŭk jêh ri gui nkâm,

Mathay 24:16

nôk nây mbu gŭ tâm n'gor Yuđa, nchuăt du hom klơ yôk;

Luka 23:30

Jêh nây khân păng lah ma yôk: ‘Tŭp hom ta klơ hên!’ jêh ri lah ma dor: ‘Nkŭm hom hên!’