Êsai 22:25 - Nau Brah Ndu Ngơi 2023

²⁵ Brah Yêhôva ma phung tahan lah: “Tâm nar nây, mâng nđăng nchăng jêh tâm ntŭk nâp mra rgloh lơi jêh ri tŭp jŭr; jêh ri ndơ jâk yông ta păng bu mra koh lơi.” Brah Yêhôva lah jêh nau nây.

Êsai 22:25 ပူးပေါင်းရင်းမြစ်များ

Nau Mprơ Ơm 146:3

Lơi rnơm nsing ma phung kon hađăch ôh, Mâu lĕ rnơm nsing ma kon bunuyh jêng ntŭk mâu geh nau tâm rklaih.

Nau Mprơ Ơm 52:5

Brah Ndu mra ƀư rai may n'ho ro. Păng mra nhŭp may jêh ri klŭp may ngai bơh ngih bok may; Păng mra rôk may bơh neh may gŭ rêh. (Sêla)

Êsai 22:23

Gâp mra ƀư ăn ma păng nâp ktang tâm ban ma pâng meh vâl bok ƀư tâm neh; jêh ri păng mra jêng du rplay sưng hađăch chrêk rmah ma ngih mbơ̆ păng.

Êsai 22:24

Bu mra yông kât ta păng lĕ nau chrêk rmah mbơ̆ păng, phung kon sau, noi deh, jêh ri lĕ rngôch lĕ ndơ dŏng jê̆ jê̆, ntơm bơh kachok tât ma yăng jê̆.’”

Êsai 46:11

Bơh mpeh luh nar, Gâp hŏ kuăl du mlâm sĭm klang; Bơh bri ngai, Gâp kuăl du huê bunuyh ƀư nau ŭch nchră Gâp tât. Nau Gâp ngơi jêh, Gâp mra ƀư lôch; Nau Gâp hŏ dăp jêh, Gâp mra ƀư.

Êsai 48:15

Gâp, Gâp yơh hŏ ngơi jêh ri kuăl jêh păng, Gâp hŏ njŭn păng tât, jêh ri păng mra jêng tâm trong păng nơm.

Yêrêmi 4:28

Yor nây, măt neh mra nhĭm vơl, Trôk mra ngo klĕng; Yor Gâp hŏ lah, lĕ dăp nal jêh, Pôri nau ŭch mâu rgâl, nau ngơi mâu plơ̆ ôh.”

Êsêkiêl 5:13

Nau Gâp ji nuih mra dơi lôch jêh ri nau Gâp ji nuih ma khân păng kŏ tât mpay jêh ri aih jêh. Tơlah Gâp hŏ ƀư lĕ lôch jêh nau Gâp nuih ma khân păng pôri khân păng mra gĭt yor nuih n'hâm duh nđơr Gâp nơm yơh, Brah Yêhôva, hŏ lah jêh ma khân păng.

Êsêkiêl 5:15

Tơlah Gâp hao ji nuih phat dôih may, nkhŭt nau ji nuih nduyh nkra may, pôri may mra jêng bêk prêng jêh ri nau bu mưch rmot, nau mbơh lor jêh ri nau krit toyh ăn ma bri dak gŭ jŭm may. Gâp yơh jêng Brah Yêhôva lah pônây!

Êsêkiêl 5:17

Gâp mra nkhŭt nau sa sât ji ngot tât ma khân may jêh ri njuăl mpô mpa bri sa hêk phung kon khân may. Nau ji tưp jêh ri nau pling mham mra tât ma ta nklang khân may, jêh ri Gâp mra dŏng tak đao tât đŏng ma khân may. Gâp yơh jêng Brah Yêhôva hŏ lah jêh pônây!”

Mika 4:4

Ăp nơm mra gŭ tâm dâng tơm krăk ƀâu khân păng Jêh ri tâm dâng tơm rvi khân păng nơm; Mâu geh ôh nơm ƀư ăn ma khân păng klach Yorlah trôm mbung Brah Yêhôva ma phung tahan hŏ lah jêh.