Êsai 22:16 - Nau Brah Ndu Ngơi 2023

¹⁶ ‘Moh nau kan may dôl ƀư ta aơ? May geh ndŭl mpôl deh đŏng ta aơ kŏ may kuyh jêh ma may nơm du trôm môch ta aơ? Ngăn, may kuyh ma may nơm du trôm môch ta ntŭk prêh, lôk du ntŭk gŭ rlu ma may nơm tâm trôm lŭ!

Êsai 22:16 ပူးပေါင်းရင်းမြစ်များ

Nau Ntơm 50:5

Mbơ̆ gâp hŏ đă gâp ton pô aơ: ‘Aơ, gâp dăch khĭt. Ăn may tâp gâp tâm môch gâp ơm lôk jêh tâm n'gor Kanaan.’ Pôri, aƀaơ, ăn gâp hăn hao ta nây gay tâp mbơ̆ gâp, jêh nây gâp mra plơ̆ tay.”

II Samuel 18:18

Y-Apsalôm dôl hôm rêh, păng ndâk jêh ma păng nơm du mlâm gâng tâm rlŭng Ngih Hađăch nâm du ntŭk ndray ma păng nơm, yorlah păng lah: “Gâp mâu geh kon bu klâu thoi ma amoh gâp.” Jêh nây păng sŏk amoh păng nơm dơm ta gâng nây; gâng nây ăt hôm rnha jêng ntŭk ndray Y-Apsalôm kŏ tât ta nar aơ.

II Nau Rêh Jêng 16:14

Bu tâp păng tâm môch ntŭk păng nơm kuyh jêh ma păng nơm tâm ƀon Đavit. Bu dơm săk jăn khĭt păng ta klơ sưng bêng dak si ƀâu kah hŏ tâm pot tĭng di nau bu n'hĭ ƀư ndơ ƀâu kah; khân păng ăt su ŭnh toyh gay nhĭm nhhiăng ma păng.

Ndrom Samƀŭt bơh Yôp 3:14

Nđâp phung hađăch jêh ri kôranh tâm nchră ta neh ntu Hŏ ndâk njêng jay ndah ma khân păng nơm,

Êsai 14:18

Lĕ rngôch hađăch ăp bri lah gŭ bê̆ch, Bu tâp ăp nơm tâm môch khân păng nơm tâm nau bu yơk.

Êsai 14:19

Ƀiălah bu mƀăr may padih môch, Tâm ban ma n'gĭng nse ƀơ̆ ƀơch, Tâm ban ma ao phung bu nkhĭt, ntâp ma đao, Bu nklơ̆ tŭp ta lĕ glo lŭ tâm dâng ntu, Tâm ban ma du săk jăn khĭt bu jot plên tâm dâng jâng!

Êsai 22:17

Ơ bunuyh ktang! Aơ, Brah Yêhôva mra kuăn nâp may, jêh ri mƀăr may dŭt ngai,

Êsai 52:5

Brah Yêhôva lah: “Aƀaơ aơ, moh Gâp ƀư? Yorlah phung ƀon lan Gâp hŏ jêng bu nă mâu geh kô̆ mâu geh nau.” Brah Yêhôva lah: “Phung kôranh chiă uănh khân păng nter nđêng, jêh ri bu ngơi sưr ma amoh Gâp, nar aơ tât nar ƀaƀă.

Mika 2:10

Dâk hom khân may! Hăn ro! Yorlah ta aơ mâu di ôh jêng ntŭk ma khân may gŭ rlu; Păng lĕ tă nau ƀơ̆ ƀơch njŭn leo ma nau rai yot Jêh ri mra geh nau rai yot nđêh nji ngăn ngên.

Mathay 27:60

jêh nây dơm tâm môch mhe păng nơm, hŏ lôk tâm lŭ. Păng rlă du mlâm lŭ toyh rdâl ta mpông môch, jêh nây păng sĭt.