Êsai 22:14 - Nau Brah Ndu Ngơi 2023

¹⁴ Brah Yêhôva ma phung tahan Nơm yơh hŏ mpơl nau ngơi aơ ma tôr gâp: “Nanê̆ ngăn nau tih aơ bu mâu mra yô̆ an kŏ tât khân may khĭt.” Kôranh Brah jêng Brah Yêhôva ma phung tahan lah jêh.

Êsai 22:14 ပူးပေါင်းရင်းမြစ်များ

II Samuel 6:23

Yor ri, H'Mikal, kon bu ur Y-Sôl, mâu geh ôh kon n'ho ma tât nar păng khĭt.

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 26:21

Yorlah aơ, Brah Yêhôva mra luh bơh ntŭk Păng gŭ Gay tâm rmal nau tih ma phung gŭ ta neh ntu. Rnôk aơ, neh ntu mra tâm mpơl mham Jêh ri mâu hôm nkŭm ôh phung bu hŏ nkhĭt jêh.

Êsai 30:13

Yor ri đah khân may, Nau tih aơ tâm ban ma ntŭk trôm đang mpơl ta klơ pêr prêh, Dăch rlâm tŭp ƀât lât, tâm ntơ̆ măt.

Êsai 31:2

Ƀiălah Brah Yêhôva yơh jêng Nơm Blau Mĭn! Nơm ƀư ăn nau rêh ni tât, Nơm mâu rgâl ôh nau Păng hŏ ngơi jêh, Păng mra dâk tâm rdâng đah ngih phung mhĭk, Jêh ri tâm rdâng đah phung kơl phung ƀư nau kue.

Êsai 5:9

Brah Yêhôva ma phung tahan lah jêh ma tôr gâp: “Nanê̆ ngăn, geh âk rplay ngih mra jêng rngot njăp, Lĕ ngih toyh jêh ri ueh nây mâu mra geh bunuyh gŭ ôh!

Êsai 65:20

Ta nây mâu mra geh ôh phung kon se khĭt gơnh, Mâu lĕ geh phung bu ranh mâu rĭng năm; Yorlah khĭt nôk du rhiăng năm, kơp jêng khĭt mom, Jêh ri nơm knŏng rêh tât du rhiăng năm bu mra kơp jêng nơm geh nau rak rtăp.

Êsai 65:7

Nau tih khân may tâm ban ma nau tih phung chô yau khân may.” Brah Yêhôva lah pônây; “Yorlah khân păng hŏ su ndơ ƀâu kah ta klơ lĕ yôk, Jêh ri suai rak Gâp ta klơ lĕ dor yôk, Rĭ dĭng Gâp mra veh nau kan khân păng nôk kăl e Jêh ri plơng bôk tĭng nâm kan khân păng ƀư jêh.”

Êsêkiêl 24:13

Nau ƀơ̆ ƀơch may jêng nau tih văng tĭr. Yorlah Gâp hŏ ƀư kloh jêh may ƀiălah may mâu ŭch dơi ƀư kloh, rĭ dĭng may mâu mra dơi ƀư kloh đŏng ôh, kŏ tât nau Gâp ji nuih đah may mâu hôm.

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Amôt 8:7

Brah Yêhôva sŏk nau chrêk rmah bơh Y-Yakôb jêh ri sơm ton pô aơ: “N'hêl nanê̆ Gâp mâu mra chuêl ôh lĕ nau kan khân may ƀư!

I Samuel 3:14

Yor ri, Gâp sơm ton ma ngih Y-Êli pô aơ nau tih ngih nây mâu mra dơi chuai ma mpa ƀư brah mâu lah ma ndơ nhhơr ôh.”

I Samuel 9:15

Du nar êlor Y-Sôl tât, Brah Yêhôva hŏ tâm mpơl jêh ma Y-Samuel gĭt: