Êsai 22:11 - Nau Brah Ndu Ngơi 2023

¹¹ Khân may lŏ ndâk ntu prăp dak vah vang bar tăp mpêr ƀon gay prăp dak bơh dak nglao ơm, ƀiălah khân may mâu rnơm ôh ma Nơm ƀư nau nây; khân may mâu uănh ma Nơm hŏ ŭch ƀư nau nây bơh kăl e.

Êsai 22:11 ပူးပေါင်းရင်းမြစ်များ

II Phung Hađăch 20:20

Lĕ nau kan êng Y-Hêsêkia ƀư, nau ktang păng, nau păng ƀư nglao dak, jêh ri ƀư rmlông dak jêh ri n'hoch ăn tât dak tâm ƀon, mâu di hĕ bu hŏ nchih da dê tâm ndrom samƀŭt nau rêh jêng ma phung hađăch Yuđa?

II Phung Hađăch 25:4

Nôk nây bu kuar trôm tâm mpêr ƀon. Dôl măng, lĕ rngôch phung tahan nchuăt du rŏ trong mpông pêr vah vang bar đah mpêr, dăch n'gar kao hađăch. Tơlah phung Kaldê dôl nchueng jŭm ƀon, hađăch Yuđa nchuăt du tĭng mpeh ma Arabah.

II Nau Rêh Jêng 6:6

Ƀiălah Gâp hŏ săch jêh Yêrusalem gay dơm amoh Gâp ta nây, jêh ri Gâp hŏ săch jêh Y-Đavit gay chiă uănh phung ƀon lan Israel Gâp.

Nêhêmi 3:16

Ta meng păng Y-Nêhêmi, kon Y-Asbuk, kôranh chiă uănh du n'gul nkual Bet-Sur, nkra tay mpêr ƀon tât ma ntŭk tâm tra đah lĕ môch Y-Đavit, ntu prăp dak jêh ri tât ma ngih phung dăng ktang.

Êsai 17:7

Tâm nar nây, phung bunuyh mra mĭn ma Nơm Rhăk Njêng khân păng, jêh ri măt khân păng nge nger uănh ta Nơm Kloh Ueh Israel.

Êsai 22:10

Khân may kơp ngih tâm ƀon Yêrusalem, jêh ri ƀư rai lơi bar pe ngih gay ma ăn nâp mpêr ƀon.

Êsai 31:1

Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Êsai 37:26

Di lĕ may mâu mâp tăng pô aơ Gâp hŏ nal jêh nau aơ bơh jŏ jêh? Lĕ nau Gâp hŏ ndrăp ơm bơh kăl e, Aơ ri Gâp ƀư ăn tât nau nây; Gay ma may ƀư lĕ ƀon nâp, Jêng lĕ mbŭch rlâm rai nchah rngot njăp jêh.

Êsai 7:3

Brah Yêhôva lah ma Y-Êsai: “May ndrel kon bu klâu may jêng Y-Sêar-Jasup hăn tâm mâp đah Y-Ahas ta dŭt n'ho rmlông dak bơh nglao klơ, ta trong toyh leo tât ta mir phung ƀư kloh bok.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Yêrêmi 39:4

Lah saơ khân păng, Y-Sêdêkia, hađăch Yuđa, jêh ri lĕ rngôch phung tahan du krap luh du tă ƀon toyh. Dôl măng, khân păng tĭng trong tâm n'gar kao hađăch, rgăn mpông pêr vah vang bar mpêr jêh ri hăn rlet mpeh ma Arabah.

Mika 7:7

Bi ma gâp, gâp mra kâp uănh ma Brah Yêhôva, Kâp gân Brah Ndu nơm tâm rklaih gâp; Brah Ndu gâp mra tăng bâr gâp.