Êsai 21:12 - Nau Brah Ndu Ngơi 2023

¹² Bunuyh tahan gak nsĭt lah: “Ôi tât, măng tât đŏng. Tơlah ŭch ôp, ôp hom; Ƀiălah plơ̆ tay hom, văch hom ta aơ.”

Êsai 21:12 ပူးပေါင်းရင်းမြစ်များ

Êsai 17:14

Ta kêng măng, aơ, geh nau klach krit, Êlor ma tât ƀring ang ôi, mâu hôm saơ khân păng ôh. Nĕ jêng ndơ phung sŏk ntŭng, Jêng mrô nal prăp ma phung ntŭng ndơ he.

Êsai 21:11

Nau mbơh lor ma ƀon Duma: Bơh Sêir, geh bâr kuăl gâp: “Ơ bunuyh tahan gak, mâm măng aơ? Ơ nơm gak, mâm măng aơ?”

Êsai 21:13

Nau mbơh lor ma Arâp: Ơ phung Dêdan tăch rgâl, Khân may mra bê̆ch măng tâm krŏng bri Arâp.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Yêrêmi 50:27

Nkhĭt hom lĕ rngôch ndrôk nkuăng păng, Djôt leo ma ntŭk bu nkhĭt ƀư puăch. Rêh ni ngăn ma khân păng, yorlah nar ma khân păng hŏ tât jêh, Jêng rnôk bu tâm rmal ma khân păng!

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Êsêkiêl 7:10

Aơ, nar nây! Păng tât jêh! Mrô nal lĕ dăp nal jêh, mâng jra hŏ luh kao jêh, nau sưr lĕ chăt nse jêh.

Êsêkiêl 7:12

Mông hŏ tât jêh, nar lĕ dăch jêh! Nơm rvăt lơi ta răm, nơm tăch lơi ta rngot ôh, yorlah nau ji nuih dôl gŭ ma lĕ rngôch phung âk.

Apdia 1:1

Nau Y-Apdia tâm saơ. Kôranh Brah Yêhôva lah ma bri Êđôm: He lĕ tăng nau mbơh tă bơh Brah Yêhôva Jêh ri bu prơh hăn du huê nơm mbơh tât ta nklang lĕ bri dak: “Dâk hom khân may! Dâk hom he tâm lơh đah păng!