Êsai 21:10 - Nau Brah Ndu Ngơi 2023

¹⁰ Ơ phung bu mbang tâm ban ma ba ta ntŭk mprah ba gâp! Nau gâp hŏ tăng jêh bơh Brah Yêhôva ma phung tahan, Jêng Brah Ndu phung Israel, Gâp hŏ mbơh jêh nau nây ma oh nâu gâp gĭt.

Êsai 21:10 ပူးပေါင်းရင်းမြစ်များ

I Phung Hađăch 22:14

Ƀiălah Y-Mika plơ̆ lah: “Gâp sŏk amoh Brah Yêhôva gŭ rêh mro mrăng gay sơm ton, gâp mra ngơi moh nau Brah Yêhôva lah ma gâp.”

II Phung Hađăch 13:7

Kôranh Brah mâu hôm ôh om moh ndơ ma phung tahan Y-Jôacha, knŏng om ma păng prăm jât nuyh tahan ncho seh, jât bôk ndeh seh, jêh ri du rmưn tahan hăn jâng. Yorlah hađăch Aram ƀư rai jêh ri ƀư nchah rai phung tahan Israel nâm bu ndruyh neh tâm ntŭk mprah ba.

Êsai 28:28

Bu kĭn ba ƀlê gay ma ƀư piăng let, Ƀiălah bu mâu mprah păng ndăng ôh; Nđâp lah jâng ndeh rlă mâu lah jâng seh jot ta ba, Păng mâu đŏng hăch ôh.

Yêrêmi 23:28

Moh nơm mbơh lor geh nau mbơi, nkoch hom nau mbơi nây! Mbu nơm hŏ dơn jêh nau Gâp, răp jăp hom mbơh tay nau Gâp! Rhe dơi lĕ tâm rlŭk đah ba ƀlê?” Brah Yêhôva lah pônây.

Yêrêmi 51:33

Ma yorlah Brah Yêhôva ma phung tahan, Brah Ndu Israel lah: “Kon bu ur ƀon Babilôn tâm ban ma ntŭk mprah ba Ta yan mprah ba; Mâu hôm jŏ đŏng ôh Yan rek păng mra tât.”

Êsêkiêl 40:4

Bu klâu nây lah ma gâp: “Hơi kon bunuyh, sŏk măt uănh hom, sŏk tôr rkêng iăt jêh ri ăn nuih n'hâm gŭ mĭn ma lĕ nau gâp mra mpơl ma may; yorlah ăn may saơ dơi njŭn may tât ta aơ. Pôri nkoch hom lĕ rngôch nau may saơ ma phung Israel.”

Amôt 3:8

Tơlah yau mŭr rđuh ngrông Pôri mbu nơm mâu klach? Tơlah Kôranh Brah Yêhôva ntĭm nti Pôri mbu nơm mâu ngơi nau mbơh lor?

Mika 4:13

Pôri hơi kon bu ur ƀon Siôn, Dâk hom jêh ri jot plên! Yorlah Gâp mra ƀư ăn nke ay dăng nâm bu loih Nchop ay nâm bu kông; Ay mra rchiăt hăch âk phung ƀon lan Jêh ri mra nhhơr drăp ndơ geh ăn ma Brah Yêhôva, Jêh ri ndô ndơ ma Kôranh Brah tâm lam neh ntu.”

Habakuk 3:12

Tâm nau ji nuih, Kôranh Brah nsong ta klơ neh ntu, Tâm nau ji nuih, May jot plên phung ƀon lan.

Mathay 3:12

Păng djôt dông nsiăng kloh plên ba Păng nơm, jêh nây rgum ba tâm jay; bi njŏk rhe su lơi tâm ŭnh mâu blau nhhât.”