Êsai 20:4 - Nau Brah Ndu Ngơi 2023

⁴ tâm ban pônây lĕ, hađăch bri Asiri têk leo phung Êjipt jêh ri phung Kus ƀư bu nă bơh bri khân păng, phung druh ndăm jêh ri phung bu ranh, hăn săk hưl, jâng dơm, jêh ri mpơl n'gang bŭt, gay ƀư bêk ma bri Êjipt nâm bu pônây lĕ.

Êsai 20:4 ပူးပေါင်းရင်းမြစ်များ

II Samuel 10:4

Pôri Y-Hanun nhŭp phung oh mon Y-Đavit, poih du ding têp ta kang khân păng, koh gleh ao jong khân păng tât ta gang bŭt, jêh nây mprơh khân păng sĭt.

I Nau Rêh Jêng 19:4

Y-Hanun nhŭp phung mbơh Y-Đavit, poih lơi têp jêh ri koh lơi ao khân păng ta nklang n'gul gang bŭt khân păng, jêh nây mprơh khân păng sĭt.

Êsai 19:4

Gâp mra jao phung Êjipt Tâm ti du huê phung kôranh mhĭk, Du huê hađăch djơh mhĭk mra chiă uănh khân păng.” Kôranh Brah jêng Brah Yêhôva ma phung tahan lah kơt nây.

Êsai 3:17

Yor nây Kôranh Brah mra ƀư hil ntâu bôk phung bu ur ƀon Siôn Jêh ri Brah Yêhôva mra ăn poih plưn ta bôk khân păng.”

Êsai 31:2

Ƀiălah Brah Yêhôva yơh jêng Nơm Blau Mĭn! Nơm ƀư ăn nau rêh ni tât, Nơm mâu rgâl ôh nau Păng hŏ ngơi jêh, Păng mra dâk tâm rdâng đah ngih phung mhĭk, Jêh ri tâm rdâng đah phung kơl phung ƀư nau kue.

Êsai 31:3

Phung Êjipt knŏng jêng bunuyh dơm, mâu di jêng Brah Ndu ôh; Seh ndơ tâm lơh khân păng knŏng jêng nglay săk, mâu di jêng huêng brah ôh. Tơlah Brah Yêhôva yơr ti Păng, Nơm kơl mra ndĭt ndĭu, nơm geh nau kơl mra prah jŭr, Lĕ rngôch khân păng mra rai yot ndrel n'grŭp.

Êsai 47:2

Sŏk hom mpăl kĭn jêh ri kĭn rnih; Tăk lơi bok nkŭm muh măt may, Jêh ri doh lơi ntôr ao jâr may lơi nkŭm tơm blu may ôh Gay ma rgăn hom dak krong.

Êsai 47:3

Nau rhôk may mra mpơl, Bu mra saơ nau may bêk. Gâp mra har plơng bôk, Gâp mâu mra ăn klen du huê ôh.

Yêrêmi 13:22

Tơlah may ôp êng tâm nuih n'hâm: “Mâm ƀư lĕ nau kan aơ tât ăn ma gâp?” Nây jêng yor nau tih mhĭk may toyh ngăn Bu plơk nah bŭt may Săk jăn may geh dong bŭr.

Yêrêmi 13:26

Gâp mra plơk đŏng nah bŭt may tât ta măt, Gay mpơl nau bêk prêng may.

Yêrêmi 46:19

Ơ phung ƀon lan Êjipt, Ndrăp hom ndô ndơ gay ma hăn ƀư bu nă, Yorlah ƀon Nôp mra jêng rngol; Bu mra ƀư rai mâu geh bunuyh gŭ ôh.

Yêrêmi 46:26

Gâp mra jao khân păng ma ti nơm joi nkhĭt lơi nau rêh khân păng, tâm ti Y-Nêbukatnetsar, hađăch Babilôn, tâm ti phung kôranh tahan păng. Ƀiălah, rlet pakơi ta bri Êjipt mra hôm geh đŏng ƀon lan plơ̆ gŭ nâm bu rnôk saơm.” Brah Yêhôva lah pônây.

Êsêkiêl 30:18

Ta ƀon Tahpanhes nôk nar mra ngo klĕng, Tơlah Gâp nkê̆ch pă lĕ mâng mbăk phung Êjipt ta nây, Jêh ri nau dăng ktang bêng ma nau sưr rlau păng mra lôch dŭt. Păng mra geh du ndâr tŭk nkŭm ndâp, Phung kon bu ur păng mra hăn jêng bu nă.

Amôt 9:7

Kôranh Brah Yêhôva lah: “Hơi phung kon sau Israel, mâu di hĕ Gâp uănh khân may nâm bu kon sau phung Êthiôpi lĕ? Mâu di Gâp ngluh khân may luh du tă bơh n'gor bri Êjipt, Phung Philistin luh bơh bri Kaptôr, Jêh ri phung Siri luh bơh bri Kir?

Mika 1:11

Hơi phung gŭ tâm ƀon Saphir, Gŭ rhôk hom dơn nau bêk prêng dĭng hăn rgăn! Phung gŭ tâm ƀon Saanan Mâu chuat du luh ôh. Phung ƀon Bet-Êsel nter nhĭm, Ƀư ma khân may roh ntŭk mbin nsing.

Nahum 3:10

Nđâp lah pônây, păng nơm lĕ hăn jêng bu nă jêh, Jêh ri bu krŭng tâm ndrung; Phung kon păng lĕ bu rchiăt hăch Ntŭk tơm trong sâng ƀon toyh. Phung ndrŏng bu djôt leo nau tâm nchroh, Phung kôranh toyh bu nkông da dê.

Sôphôni 2:12

“Bi khân may, hơi phung ƀon lan Kus! Khân may mra khĭt ma đao Gâp.”

Nau Tâm Mpơl 3:18

Yor nây, Gâp nkah may rvăt hom mah Gâp hŏ srŏng jêh ma ŭnh, gay ma may mra jêng ndrŏng; rvăt lĕ ao nglang jêh ri nsoh gay ma nau rhôk may mâu mpơl ôh, jêh ri rvăt dak si mhĭng măt may gay ma may dơi saơ.