Êsai 20:2 - Nau Brah Ndu Ngơi 2023

² tâm nôk nây geh nau Brah Yêhôva ngơi ma Y-Êsai, kon bu klâu Y-Amôt, pô aơ: “Hăn hom, doh hom ao ƀau bơh bŭt may, jêh ri doh lơi ntâu jot bơh jâng may.” Y-Êsai ƀư di nâm bu pônây, păng hăn săk hưl jêh ri hăn jâng dơm.

Êsai 20:2 ပူးပေါင်းရင်းမြစ်များ

II Samuel 15:30

Y-Đavit hăn hao klơ yôk Ôlive, nkre nhĭm nkre chuat, nkŭm bôk păng jêh ri chuat jâng dơm. Lĕ rngôch phung ƀon lan hăn tĭng hađăch nkŭm bôk khân păng, jêh ri nkre nhĭm nkre hăn.

II Samuel 6:20

Y-Đavit tâm ban lĕ plơ̆ sĭt gay ăn nau ueh uĭn ma phung ngih păng nơm. Ƀiălah kon bu ur Y-Sôl jêng H'Mikal văch chuă Y-Đavit jêh ri ngơi: “Nar aơ hađăch phung Israel ƀư chrêk ma lơp păng nơm ngăn, tơlah gŭ săk hưl tra năp măt phung oh mon bu ur, ƀư nâm bu du huê bunuyh dơm dam!”

II Phung Hađăch 1:8

Khân păng plơ̆ lah: “Bunuyh nây nsoh ao rsau jêh ri vân rse bŭt ntâu.” Hađăch lah: “Nĕ jêng Y-Êli yơh, bunuyh Tisbê.”

Nau Mprơ Ơm 30:11

May tâm rgâl jêh nau gâp rngot rvê jêng nau hâk maak, May pơk ao klâng ndrê gâp Jêh ri rêt rse bŭt gâp ma nau răm maak.

Nau Ngluh Êjipt 3:5

Brah Ndu lah: “Lơi dăch ta aơ ôh! Ăn may doh hom ntâu jot tă bơh jâng may yorlah ntŭk may dôl dâk nây jêng neh kloh ueh.”

Êsai 1:1

Tâm rnôk Y-Usia, Y-Jôtham, Y-Ahas jêh ri Y-Hêsêkia jêng phung hađăch Yuđa, Y-Êsai, kon bu klâu Y-Amôt, dơn nau tâm saơ ma bri dak Yuđa jêh ri ma ƀon Yêrusalem.

Êsai 13:1

Nau mbơh lor ma Babilôn; Y-Êsai, kon bu klâu Y-Amôt, hŏ saơ jêh:

Êsai 37:2

Păng đă Y-Êliakim jêng kôranh mât uănh ngih hađăch, Y-Sêpna jêng kôranh nchih samƀŭt jêh ri phung kôranh ƀư brah ranh rlau lơn nsoh ao ƀau hăn mâp ma nơm mbơh lor Y-Êsai, kon bu klâu Y-Amôt.

Yêrêmi 48:37

Ăp nơm poih bôk hil, ăp nơm poih têp ăn pler; mpang ti ăp nơm têl tor, jêh ri ăp nơm mbăn ƀau sat da dê.

Êsêkiêl 24:17

Vơl êng hom lơi ta nhĭm ăn ma nơm khĭt; mpân hom bok ta klơ bôk may jêh ri nsoh ntâu jot tâm jâng; lơi ta rdêp ôh têp trôm mbung jêh ri lơi sa piăng let bu njăt.”

Êsêkiêl 24:23

Bok khân may mra dơm ta klơ bôk mro, ntâu jot khân may mra nsoh mro tâm jâng; khân may mâu kuăl nhĭm ôh, nhhiăng nhĭm ƀiălah mra huănh hươi yor nau tih khân ay may nơm, jêh ri khân may tâm vơl ndrel ndrăng nơm dơm.

Êsêkiêl 4:1

“Hơi kon bunuyh, sŏk hom du rlat ƀrĭk dơm păng ăn panăp may jêh ri kach nchih rup ƀon Yêrusalem ta klơ neh yăng nây.

Êsêkiêl 4:5

Yorlah Gâp hŏ nal jêh ma may, mrô nar tâm ban đah mrô năm khân păng ƀư tih, nây jêng pe rhiăng sĭn jât nar. Pônây may mra anh nau tih ma ngih Israel.

Mika 1:11

Hơi phung gŭ tâm ƀon Saphir, Gŭ rhôk hom dơn nau bêk prêng dĭng hăn rgăn! Phung gŭ tâm ƀon Saanan Mâu chuat du luh ôh. Phung ƀon Bet-Êsel nter nhĭm, Ƀư ma khân may roh ntŭk mbin nsing.

Mika 1:8

Yor nau nây, gâp mra nhĭm nhhiăng jêh ri nter vơl, Doh săk hưl jêh ri hăn jâng dơm; Gâp mra kuăl lŭng nter nâm bu so bri Jêh ri rđêng nđor nâm bu sĭm ôtrus.

Sakari 13:4

Ta nar nây, ăp nơm mbơh lor mra prêng ma nau păng tâm saơ nôk ngơi nau mbơh lor. Khân păng mâu hôm nsoh ôh ao jâr ma rsau gay ngơi ndơm đŏng ôh.

Mathay 16:24

Jêh nây Brah Yêsu lah ma phung oh mon pô aơ: “Tơlah mbu nơm ŭch tĭng Gâp, ăn păng dun khân păng nơm, tuy si tâm rkăng khân păng nơm gay tĭng Gâp.

Mathay 3:4

Y-Yôhan nsoh ao rsau seh samô, vân rse bŭt ntâu, sa krah nsăt jêh ri dak sŭt bri.

Yôhan 21:7

Oh mon Brah Yêsu rŏng, lah ma Y-Pêtrôs: “Nây jêng Kôranh Brah!” Nôk Y-Simôn Pêtrôs hŏ tăng jêh nây jêng Kôranh Brah, Păng nsoh ao ro (dôl gŭ săk hưl), jêh ri păng nsăt trŭnh tâm dak mƀŭt.

Kôranh Oh Mon 19:16

Bunuyh brah mhĭk lơh nchuăt ran ta khân păng, rduh lăp jêh ri dơi ƀư ma phung khân păng kŏ tât khân păng nchuăt du tă bơh ngih, rhôk rhak jêh ri sôt găt da dê.

Kôranh Oh Mon 21:11

Păng hăn chop khâl hên, sŏk rse bŭt Y-Pôl, chăp jâng ti păng nơm jêh ri lah: “Aơ jêng nau Brah Huêng Ueh lah: ‘Ta ƀon Yêrusalem, phung Yuđa mra chăp bunuyh geh rse bŭt aơ tâm ban pô aơ lĕ jêh ri jao păng ma phung bu năch.’ ”

Yôsuê 5:15

Kôranh chiă uănh ma phung tahan Brah Yêhôva lah ma Y-Yôsuê: “Doh lơi hom ntâu jot tă bơh jâng may, yorlah ntŭk may gŭ dâk nây jêng neh kloh ueh.” Y-Yôsuê ƀư tâm ban pônây lĕ.

Nau Tâm Mpơl 11:3

Gâp mra ăn ma bar hê nơm mbơh Gâp, khân păng nsoh ao bok ƀau jêh ri ngơi nau mbơh lor tâm du rbăn bar rhiăng prao jât nar.”

I Samuel 19:24

Păng doh lơi bok ao păng, ngơi mbơh lor tâm ban lĕ tanăp Y-Samuel, jêh nây păng gŭ rhôk tâm ban pônây lâng săk ta neh lôch du nar nây jêh ri măng nây đŏng. Yor nây, bu lah: “Di lĕ nđâp ma Y-Sôl nơm lĕ jêng du huê tâm phung nơm mbơh lor?”