Êsai 2:3 - Nau Brah Ndu Ngơi 2023

³ Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 2:3 ပူးပေါင်းရင်းမြစ်များ

Êsther 9:27

pôri phung Yuđa njêng ma khân păng nơm, ma phung kon sau khân păng jêh ri ma lĕ rngôch phung tâm rnglăp ndrel ma khân păng jêng du nau vay: Ăp năm djôt prăp bar nar di tĭng nâm samƀŭt, tâm mông hŏ nal jêh ăp năm, mâu dơi chalơi ôh.

Nau Mprơ Ơm 102:23

Brah Ndu ƀư rdja jêh nau ktang gâp ta nklang trong; Ƀư gleh lơi nar khay gâp gŭ rêh.

Nau Mprơ Ơm 110:2

Bơh ƀon Siôn, Brah Yêhôva mra pơk huy Kôranh Brah May. Chiă uănh hom ta klơ phung rlăng May.

Nau Mprơ Ơm 119:171

Ăn mbung gâp bêng ler nau tâm rnê, Yorlah May sâm nti gâp lĕ nau vay May dăp.

Nau Mprơ Ơm 122:1

Gâp maak tơlah bu lah ma gâp pô aơ: “Hăn hom he ta ngih Brah Yêhôva.”

Nau Mprơ Ơm 48:1

Brah Yêhôva dŭt toyh, khư ma lĕ nau mprơ tâm rnê Tâm ƀon Brah Ndu he Jêh ri ta klơ yôk kloh ueh Păng.

Êsai 1:26

Gâp mra ndâk tay phung kôranh phat dôih may tâm ban nôk lor, Jêh ri phung kôranh nchră may tâm ban ma ntơm saơm. Jêh nau nây, bu mra rnha ma may jêng ƀon sŏng srăng, Jêng ƀon răp jăp.”

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 19:23

Tâm nar nây, mra geh du trong toyh bơh bri Êjipt tât ta bri Asiri; phung Asiri mra hăn ta bri Êjipt, jêh ri phung Êjipt hăn ta bri Asiri. Phung Êjipt ndrel phung Asiri mra hăn yơk mbah Brah Yêhôva.

Êsai 28:9

“Pôri, ma mbu nơm may mra nti nau gĭt mĭn, Jêh ri ma mbu nơm may mra rblang gay ma gĭt vât nau may nti? Di lĕ nti ma phung kon se chalơi pu toh, Mhe rklaih pu toh ƀơh?

Êsai 44:5

Nơm aơ mra lah pô aơ: ‘Gâp jêng ndơ Brah Yêhôva;’ Nơm êng tâm amoh păng nơm ma amoh Yakôb, Nơm êng đŏng nchih ta ti păng nơm pô aơ: ‘Gâp jêng ndơ Yêhôva’ Jêh ri mbơh tâm amoh păng nơm ma amoh Y-Israel.”

Êsai 56:5

Pôri Gâp mra ăn ma khân păng du ntŭk tâm ngih Gâp, Tâm lĕ mpêr ƀon Gâp, Jêh ri ăn ma khân păng du amoh ueh lơn ma amoh phung kon bu klâu jêh ri ma phung kon bu ur; Gâp mra ăn ma khân păng du amoh n'ho ro, Jêng amoh mâu blau roh.

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Êsai 60:3

Lĕ bri dak mra văch ma nau ang may, Lĕ phung hađăch mra n'gĭl nau ang ơm ôi chrêk lơp may.

Êsai 65:11

Bi ma khân may, jêng phung chalơi jêh Brah Yêhôva Jêh ri chuêl yôk kloh ueh Gâp; Jêng phung nkra sưng sông sa ma brah Ƀŭn Lap, Jêh ri kêt bêng ndrănh tâm lŭk ăn ma brah Veh;

Êsai 66:20

Brah Yêhôva lah: “Phung bu năch mra njŭn lĕ rngôch phung oh nâu khân may plơ̆ sĭt bơh lĕ rngôch bri dak. Khân păng rdeng khân may klơ seh, ndeh, tâm ưn, ncho seh bri jêh ri seh samô, hăn ta yôk kloh ueh Gâp jêng Yêrusalem, gay nhhơr khân păng tâm ban ma du mpa nhhơr ma Brah Yêhôva; tâm ban đŏng phung Israel djôt leo mpa nhhơr tâm ndơ dŏng kloh rsang lăp ma ngih Brah Yêhôva.”

Yêrêmi 12:16

Tơlah khân păng gơih nti trong ƀon lan Gâp, ton tâm amoh Gâp pô aơ: ‘Ngăn yơh Brah Yêhôva gŭ rêh mro mrăng!’ — nâm bu phung khân păng hŏ nti ăn ma ƀon lan Gâp ton tanăp brah Baal — pôri nôk nây khân păng mra dơi nâp ta nklang phung ƀon lan Gâp.

Yêrêmi 26:18

“Y-Mika gŭ tâm ƀon Môrêset, nơm mbơh lor tâm rnôk Y-Hêsêkia, hađăch Yuđa, hŏ ngơi ma lĕ rngôch phung ƀon lan n'gor Yuđa pô aơ: Brah Yêhôva ma phung tahan lah: ‘Siôn bu mra chuar nâm bu lôk mir, Yêrusalem mra jêng du mbŭch rlâm rai nchah rngot njăp, Yôk ngih brah mra jêng yôk bri krŏng.’

Yêrêmi 31:6

Mra geh du nar, phung gak Ta klơ dor yôk Êphraim mra kuăl: ‘Kay lŏng, he gơnh oi hăn hao ma yôk Siôn, Tât ma Yêhôva Brah Ndu he!’”

Êsêkiêl 40:2

Tâm lĕ rngôch nau tâm saơ bơh Brah Ndu, gâp saơ Păng leo gâp lăp bri Israel jêh ri dơm gâp ta klơ du gôl yôk prêh ngăn, ta klơ yôk nây, mpeh pa dâng, geh du ntil nau ndâk nkra nâm bu du rplay ƀon.

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Ndrom Samƀŭt bơh Ôsê 6:3

Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Mathay 7:24

“Pôri, mbu nơm tăng nau Gâp ngơi jêh ri ƀư tĭng jêng nâm bu du huê bunuyh blau mĭn, ƀư ngih păng ta klơ lŭ toyh.

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Luka 24:47

bu sŏk amoh Păng gay mbơh nkoch ma lĕ rngôch bri dak ma nau rmal tih gay dơi nau yô̆ an ma nau tih, ntơm bơh ƀon Yêrusalem.

Yôhan 4:22

Khân ay yơk mbah ma Nơm khân ay mâu gĭt năl, bi hên yơk mbah ma Nơm hên gĭt năl, yorlah nau tâm rklaih văch tă bơh phung Yuđa.

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

Kôranh Oh Mon 1:8

Ƀiălah tơlah Brah Huêng Ueh jŭr ta khân may, khân may mra sŏk dơn nau brah jêh ri mra jêng phung mbơh nkoch an Gâp ta ƀon Yêrusalem, lĕ n'gor Yuđa, n'gor Samari kŏ tât dŭt rplay neh.”

Kôranh Oh Mon 10:33

Pôri gâp njuăl bunuyh jă may, jêh ri may hŏ geh nuih n'hâm ueh văch ta aơ. Pôri aƀaơ, lĕ rngôch hên gŭ tanăp Brah Ndu, gay ma iăt lĕ rngôch nau Kôranh Brah hŏ ntăm jêh ma may.”

Samƀŭt Pôl Njuăl Ăn Ma Phung Nsing Ta Ƀon Rôm 10:18

Ƀiălah gâp ôp: Bu mâu hŏ mâp tăng hĕ? Ngăn khân păng lĕ tăng jêh, yorlah: “Bâr phung mbơh hŏ huy lam neh ntu, Jêh ri nau khân păng hŏ mbơh jêh tât ta dŭt bri dŭt neh.”

Nau Vay Nkah Tay 33:19

Khân păng mra kuăl phung ƀon lan hao klơ yôk, Nhhơr mpa ƀư brah sŏng srăng ta nây; Yorlah khân păng mra rhôp nau rmeh ler bơh dak mƀŭt Jêh ri lĕ ntŭk jay prăp drăp khlay pôn jêh tâm choih.”

Nau Vay Nkah Tay 6:1

“Aơ jêng nau vay ntăm, lĕ nau vay dăp jêh ri lĕ nau vay ƀư bơh Yêhôva Brah Ndu khân may ntăm jêh ma gâp ntĭm nti tay khân may, gay khân may djôt prăp nôk gŭ tâm n'gor khân may bơi hăn lăp dơn ƀư drăp ndơn.

Yakơ 1:25

Ƀiălah mbu nơm sek uănh nanê̆ nau vay di ngăn nây, jêng nau vay djôt leo nau jêng kon me, jêh ri nuih n'hâm srôih sek uănh, mâu di knŏng tăng jêh ri chuêl lơi, ƀiălah păng ƀư tĭng nâm nau nây, bunuyh nĕ mra geh nau ueh maak ngăn tâm kan păng nơm.