Êsai 2:22 - Nau Brah Ndu Ngơi 2023

²² Lơi hôm rnơm ma kon bunuyh ôh Jêng phung geh n'hâm nsôr tâm trôm muh, Yorlah khân păng mâu geh rnoh khlay ôh?

Êsai 2:22 ပူးပေါင်းရင်းမြစ်များ

Nau Ntơm 2:7

Rnôk nây, Yêhôva Brah Ndu sŏk ndruyh neh mon jêng rup bunuyh, khôm n'hâm nau rêh tâm trôm muh, pôri bunuyh plơ̆ jêng huêng rêh.

Nau Ntơm 7:22

Lĕ rngôch mpa geh n'hâm nsôr ma trôm muh, nây jêng phung mpô mpa rêh klơ neh sơh, khĭt da dê.

Ndrom Samƀŭt bơh Yôp 27:3

Moh nar n'hâm nsôr hôm e tâm gâp, Jêh ri n'hâm rêh bơh Brah Ndu hôm gŭ tâm trôm muh gâp,

Nau Mprơ Ơm 146:3

Lơi rnơm nsing ma phung kon hađăch ôh, Mâu lĕ rnơm nsing ma kon bunuyh jêng ntŭk mâu geh nau tâm rklaih.

Nau Mprơ Ơm 62:9

Nanê̆ phung bu mâu yơk knŏng jêng nsôr n'hâm dơm, Phung bu yơk knŏng nau dơm dam; Djôt dơm ta klơ njing, khân păng n'gơch tâm ban rsau. Lĕ rngôch n'gơch lơn tâm ban ma n'hâm.

Nau Mprơ Ơm 8:4

Moh nau kon bunuyh jêng, kŏ Kôranh Brah kah gĭt ma khân păng? Moh kon bunuyh jêng dĭng Kôranh Brah chop khâl păng?

Êsai 40:15

Aơ, lĕ bri dak jêng tâm ban ma du ntruh dak tâm thŭng, Tâm ban ma ndruyh neh ta klơ njing; Aơ, Păng mpư lĕ gôl dak mƀŭt hao tâm ban mpư du ndơ jê̆.

Êsai 40:17

Tanăp măt Păng, lĕ rngôch bri dak jêng tâm ban ma dơm dam, Păng uănh khân păng jêng hŏng dơm jêh ri dơm dam.

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Yêrêmi 17:5

Brah Yêhôva lah: “Di ma rak rtăp ăn ma nơm nsing ma kon bunuyh, Sŏk nau nglay săk ƀư tur ti, Nuih n'hâm nkhah du bơh Brah Yêhôva.

Malachi 3:15

Aƀaơ, hên kơp phung sưr jêng geh ueh lăng ngăn; phung ƀư nau djơh mhĭk mâu knŏng dơi geh nau chăt hao, ƀiălah khân păng hôm e rlong uănh Brah Ndu, jêh ri hŏ dơi klaih jêh!”

Yakơ 4:14

Ƀiălah khân may mâu gĭt ôh moh nau mra tât ma nar ôi taơ, moh nau rêh khân may jêng? Yorlah khân may jêng knŏng nâm bu n'hôl dak, tâm mpơl tâm ƀât lât jêh ri roh hêng.