Êsai 2:21 - Nau Brah Ndu Ngơi 2023

²¹ Khân păng mra lăp tâm trôm lŭ Jêh ri tâm ntŭk ntu lŭng tâm lŭ, Gay der nau krit kir bơh Brah Yêhôva Jêh ri nau ral bơh rnam Păng, Lah păng dâk ƀư n'gơ neh ntu.

Êsai 2:21 ပူးပေါင်းရင်းမြစ်များ

II Samuel 22:46

Phung bu năch mra rdja nuih, Jêh ri văch râm sâr tă bơh ntŭk khân păng nde krap.

Ndrom Samƀŭt bơh Yôp 30:6

Khân păng rêh tâm ăp bong dak n'hor, Tâm ăp trôm jru jêh ri ta nklang ăp rkâp lŭ.

Ndrom Samƀŭt bơh Yôp 9:6

Păng ƀư mbon neh n'găr mpât, Jêh ri lĕ meh păng n'goh n'gơ;

Nau Ngluh Êjipt 33:22

Lah nau chrêk rmah Gâp prot rgăn, Gâp mra ăn may tâm trôm lŭ jêh ri Gâp mra nkŭm may ma ti Gâp kŏ tât Gâp hăn n'hot jêh

Nau Mprơ Ueh 2:14

Hơi plŭk gâp! Ay krap ay nơm tâm nđa lŭ, kêng mpir yôk rdâk, Ăn gâp dơi uănh muh măt ay, Jêh ri tăng bâr ay ngơi; Yorlah bâr ay njŭng rah rơch, Muh măt ay ueh reh.

Êsai 2:10

Lăp hom tâm trôm lŭ, Du krap tâm ndruyh neh Gay der nau klach krit bơh Brah Yêhôva, Jêh ri der luh bơh nau ral ang bơh nau chrêk rmah Păng.

Êsai 2:19

Bu mra lăp tâm trôm yôk lŭ Jêh ri tâm trôm ntu tâm dâng neh Gay der nau krit kir bơh Brah Yêhôva Jêh ri nau ral ang bơh nau rnam chrêk rmah Păng, Lah Păng dâk ƀư mpât n'gơ neh ntu.

Êsai 24:18

Mbu nchuăt du bơh nau klach krit Mra tŭp tâm ntu jru; Tơlah luh tă bơh ntu jru Mra văk tâm dăk. Yorlah lĕ mpông bloh ta klơ trôk pơk da dê, Lĕ mbon neh ntu n'găr mpât da dê.

Êsai 33:10

Brah Yêhôva lah: “Aƀaơ, Gâp mra dâk; Aƀaơ, Gâp mra tâm rnê êng Gâp nơm; Aƀaơ, Gâp mra geh nau mât ton!

Êsai 7:19

Lĕ rngôch khân păng mra văch tâm lĕ rngôch rlŭng jru, tâm lĕ mpir lŭ, lĕ trôm lŭ, tâm lĕ rngôch pŭm lok jêh ri ndrêch gơ̆.

Yêrêmi 16:16

Brah Yêhôva lah: “Aơ, Gâp prơh joi âk phung blau seng ka tât nhŭp khân păng. Jêh nây, Gâp prơh joi âk phung nchron gay nchron khân păng ta klơ ăp yôk, ăp gôl, jêh ri tâm ăp nđa lŭ.

Ndrom Samƀŭt bơh Ôsê 10:8

Lĕ ntŭk prêh klơ ta Aven, nây jêng nau tih Israel, Bu mra ƀư rai lơi. Tơm pôm jêh ri pih pŭm mra hon Ta klơ nơng ƀư brah khân păng. Rnôk nây, khân păng mra lah ma lĕ yôk pô aơ: Ăn nkŭm lơi hên! Jêh ri lah ma lĕ gôl pô aơ: Tŭp hom ta klơ hên!