Êsai 2:19 - Nau Brah Ndu Ngơi 2023

¹⁹ Bu mra lăp tâm trôm yôk lŭ Jêh ri tâm trôm ntu tâm dâng neh Gay der nau krit kir bơh Brah Yêhôva Jêh ri nau ral ang bơh nau rnam chrêk rmah Păng, Lah Păng dâk ƀư mpât n'gơ neh ntu.

Êsai 2:19 ပူးပေါင်းရင်းမြစ်များ

II Samuel 22:46

Phung bu năch mra rdja nuih, Jêh ri văch râm sâr tă bơh ntŭk khân păng nde krap.

Ndrom Samƀŭt bơh Yôp 9:6

Păng ƀư mbon neh n'găr mpât, Jêh ri lĕ meh păng n'goh n'gơ;

Nau Mprơ Ơm 7:6

Ơ Brah Yêhôva, dăn dâk hom jêh ri ji nuih; Dăn tâm rdâng đah nau ji nuih ma phung rlăng gâp. Kah rngăl hom jêh ri kơl gâp; May hŏ nal jêh nau phat dôih.

Êsai 13:13

Yor nây, Gâp mra ƀư ăn lĕ ndâr trôk mpât n'gơ, Rplay neh mpât n'gơ trơn bơh ntŭk păng Yor nau Brah Yêhôva ma phung tahan ji nuih, Tâm nar Păng ji nuih hâu ngăn.

Êsai 2:10

Lăp hom tâm trôm lŭ, Du krap tâm ndruyh neh Gay der nau klach krit bơh Brah Yêhôva, Jêh ri der luh bơh nau ral ang bơh nau chrêk rmah Păng.

Êsai 2:21

Khân păng mra lăp tâm trôm lŭ Jêh ri tâm ntŭk ntu lŭng tâm lŭ, Gay der nau krit kir bơh Brah Yêhôva Jêh ri nau ral bơh rnam Păng, Lah păng dâk ƀư n'gơ neh ntu.

Êsai 24:1

Aơ, Brah Yêhôva mra ƀư ma neh ntu nsoih bŏng jêh ri jêng rngol; Păng ƀư ma neh ntu rgâl jêh ri ma phung ƀon lan nchah rai pru pra.

Êsai 24:18

Mbu nchuăt du bơh nau klach krit Mra tŭp tâm ntu jru; Tơlah luh tă bơh ntu jru Mra văk tâm dăk. Yorlah lĕ mpông bloh ta klơ trôk pơk da dê, Lĕ mbon neh ntu n'găr mpât da dê.

Êsai 24:19

Neh ntu bu mbang rai, Neh ntu hêk âk rngơl, Neh ntu n'gơ ktang ngăn.

Êsai 30:32

Ăp tơ̆ Brah Yêhôva yơr mâng phat dôih tâm rmal lĕ dăp nal jêh ma khân păng, geh nteh gâr jêh ri gong rêng loih; jêh ri Păng yơr ti tâm lơh đah khân păng.

Êsai 33:10

Brah Yêhôva lah: “Aƀaơ, Gâp mra dâk; Aƀaơ, Gâp mra tâm rnê êng Gâp nơm; Aƀaơ, Gâp mra geh nau mât ton!

Êsai 7:19

Lĕ rngôch khân păng mra văch tâm lĕ rngôch rlŭng jru, tâm lĕ mpir lŭ, lĕ trôm lŭ, tâm lĕ rngôch pŭm lok jêh ri ndrêch gơ̆.

Yêrêmi 16:16

Brah Yêhôva lah: “Aơ, Gâp prơh joi âk phung blau seng ka tât nhŭp khân păng. Jêh nây, Gâp prơh joi âk phung nchron gay nchron khân păng ta klơ ăp yôk, ăp gôl, jêh ri tâm ăp nđa lŭ.

Yêrêmi 4:29

Dôl nteh phung tahan ncho seh jêh ri tahan pănh na, Ăp ƀon nchuăt du da dê; Phung lăp tâm ƀŭr si, khân păng hao lĕ njek trôm lŭ; Ăp ƀon bu chalơi hŏng da dê, Mâu geh du huê bunuyh gŭ.

Yêrêmi 48:28

Ơ phung gŭ tâm bri Môap, Du hom tă bơh ƀon toyh jêh ri pôn tâm rkâp lŭ; Ăn jêng hom nâm bu sĭm plŭk Ƀư rsuăn tâm bâr jru.

Êsêkiêl 33:27

Pônây may lah hom ma khân păng pô aơ: Kôranh Brah Yêhôva lah: ‘Di ngăn tĭng nâm Gâp gŭ rêh mro mrăng, phung gŭ tâm ntŭk rlâm rai mra chôt khĭt ma đao, jêh ri Gâp mra jao phung gŭ tâm mir ăn ma mpô mpa sa kăp sa rvăn; bi ma phung gŭ tâm pôih tahan, trôm ntu mra khĭt yor nau ji tưp.

Ndrom Samƀŭt bơh Ôsê 10:8

Lĕ ntŭk prêh klơ ta Aven, nây jêng nau tih Israel, Bu mra ƀư rai lơi. Tơm pôm jêh ri pih pŭm mra hon Ta klơ nơng ƀư brah khân păng. Rnôk nây, khân păng mra lah ma lĕ yôk pô aơ: Ăn nkŭm lơi hên! Jêh ri lah ma lĕ gôl pô aơ: Tŭp hom ta klơ hên!

Mika 7:17

Khân păng mra ler neh muy nâm bu bêh, Jêh ri râm sâr luh tă bơh trôm ntu păng Nâm bu mpa vơr ta klơ neh. Khân păng mra klach krit văch ma Yêhôva Brah Ndu he Jêh ri klach ngăn panăp măt Păng.

Nahum 3:11

Ay tâm ban lĕ, mra nhŭl ndrănh Jêh ri du krap; Tâm ban lĕ may nơm mra joi Ntŭk du krap bơh phung rlăng.

Ndrom Samƀŭt bơh Agê 2:6

Yorlah Brah Yêhôva ma phung tahan lah kơt aơ: ‘Hôm ƀât lât đŏng, Gâp mra ƀư n'gơ n'găr lĕ ndâr trôk jêh ri neh ntu, dak mƀŭt jêh ri neh sơh.

Ndrom Samƀŭt bơh Agê 2:7

Gâp n'gơ n'găr lĕ rngôch bri dak tâm ban lĕ, jêh ri drăp ndơ lĕ rngôch bri dak mra văch tât ta aơ; jêh nây Gâp mra ƀư ăn ma ngih brah aơ bêng ma nau chrêk ma lơp.’ Brah Yêhôva ma phung tahan lah pônây.

Luka 23:30

Jêh nây khân păng lah ma yôk: ‘Tŭp hom ta klơ hên!’ jêh ri lah ma dor: ‘Nkŭm hom hên!’

II Têsalônik 1:9

Khân păng mra geh nau tâm rmal roh rai n'ho ro, tâm nkhah bơh muh măt Kôranh Brah jêh ri bơh nau chrêk rmah nau brah Păng

ហេឞ្រើ 11:38

Neh ntu mâu khư ma khân păng gŭ ôh. Khân păng nsong mblêng tâm bri rdah, ta klơ yôk prêh, tâm lĕ trôm lŭ, tâm lĕ ntu brŏng trôm neh.

ហេឞ្រើ 12:26

Dôl nây bâr Nơm nây ngơi mpât n'gơ neh ntu, ƀiălah aƀaơ aơ Păng ton pô aơ: “Hôm du tơ̆ đŏng, Gâp mâu mra knŏng ƀư n'găr neh ntu dơm ôh, ƀiălah mra ƀư n'găr trôk đŏng.”

Nau Tâm Mpơl 11:13

Nôk nây, geh du nau n'găr neh dŭt hâu ngăn; du kô̆ tâm jât ƀon toyh rlâm; pơh rbăn nuyh khĭt tâm nau n'găr neh ntu. Phung bunuyh hôm e klach krit da dê jêh ri nhhơr nau chrêk rmah ma Brah Ndu ta klơ trôk.

Nau Tâm Mpơl 11:19

Ngih brah Brah Ndu ta klơ trôk pơk jêh, tâm trôm saơ geh Hip Nau Tâm Rnglăp Păng, jêh nây geh lĕ lơp nglaih, bâr ngơi, nteh nglaih, nau n'găr neh jêh ri mih pler ktang.

Nau Tâm Mpơl 16:18

Geh ro lơp nchrat, bâr ngơi, nteh nglaih jêh ri nau n'găr neh ntu ktang; nau n'găr neh ntu ktang kŏ tât ntơm bơh geh kon bunuyh gŭ ta neh ntu ê hŏ geh kơt nây.

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.

Nau Tâm Mpơl 9:6

Tâm lĕ nar nĕ, bunuyh mra joi nau khĭt ƀiălah mâu dơi geh ôh; khân păng ŭch ngăn nau khĭt ƀiălah nau khĭt der ngai.

I Samuel 13:6

Tơlah phung Israel saơ khân păng jêr ngăn jêh, yorlah khân păng tĭng nchueng dăch ngăn ma phung Israel, pôri phung ƀon lan du krap tâm lĕ trôm lŭ, rlô si, rkâp lŭ, môch blang jêh ri ntu brŏng.

I Samuel 14:11

Pôri, lĕ bar hê mpơl khân păng nơm tanăp pôih phung Philistin. Phung Philistin lah: “Ri, phung Hêbrơ du luh tă bơh trôm ntŭk khân păng tă krap.”