Êsai 19:4 - Nau Brah Ndu Ngơi 2023

⁴ Gâp mra jao phung Êjipt Tâm ti du huê phung kôranh mhĭk, Du huê hađăch djơh mhĭk mra chiă uănh khân păng.” Kôranh Brah jêng Brah Yêhôva ma phung tahan lah kơt nây.

Êsai 19:4 ပူးပေါင်းရင်းမြစ်များ

Nau Mprơ Ơm 31:8

Kôranh Brah mâu jao gâp tâm ti phung rlăng ôh, Ƀiălah dơm jâng gâp tâm ntŭk huy.

Êsai 19:2

Gâp mra ƀư ăn ma phung Êjipt tâm rdâng đah phung Êjipt nơm; Bu mra ŭch tâm lơh đah oh nâu khân păng, Phung chiau meng tâm rdâng ndrăng phung chiau meng, Ƀon aơ tâm rdâng đah ƀon ri, Ƀon bri hađăch aơ tâm rdâng đah ƀon bri hađăch ri.

Êsai 20:3

Brah Yêhôva lah tay: “Tâm ban ma oh mon Gâp jêng Y-Êsai hŏ hăn săk hưl jêh ri jâng dơm tâm pe năm jêng du nau tâm mbên jêh ri nau mbơh ma bri Êjipt jêh ri ma bri Kus,

Êsai 20:4

tâm ban pônây lĕ, hađăch bri Asiri têk leo phung Êjipt jêh ri phung Kus ƀư bu nă bơh bri khân păng, phung druh ndăm jêh ri phung bu ranh, hăn săk hưl, jâng dơm, jêh ri mpơl n'gang bŭt, gay ƀư bêk ma bri Êjipt nâm bu pônây lĕ.

Yêrêmi 46:26

Gâp mra jao khân păng ma ti nơm joi nkhĭt lơi nau rêh khân păng, tâm ti Y-Nêbukatnetsar, hađăch Babilôn, tâm ti phung kôranh tahan păng. Ƀiălah, rlet pakơi ta bri Êjipt mra hôm geh đŏng ƀon lan plơ̆ gŭ nâm bu rnôk saơm.” Brah Yêhôva lah pônây.

Êsêkiêl 29:19

Yor nây, Kôranh Brah Yêhôva lah pô aơ: ‘Gâp mra jao n'gor bri Êjipt ăn ma Nêbukatnetsar, hađăch Babilôn; hađăch nây mra veng leo phung ƀon lan, pit in jêh ri djôt lĕ drăp ndơ nâm bu prăk nkhôm ăn ma phung tahan hađăch.

Êsêkiêl 30:12

Gâp mra ƀư suăt lơi dak krong Nil, Jêh ri tăch lơi bri dak nây tâm ti phung djơh. Gâp mra ăn ti phung bu năch Ƀư rai bri dak nây jêh ri nđâp ma lĕ rngôch ntil ndơ tâm nây. Gâp jêng Brah Yêhôva hŏ lah jêh.’

Nahum 3:10

Nđâp lah pônây, păng nơm lĕ hăn jêng bu nă jêh, Jêh ri bu krŭng tâm ndrung; Phung kon păng lĕ bu rchiăt hăch Ntŭk tơm trong sâng ƀon toyh. Phung ndrŏng bu djôt leo nau tâm nchroh, Phung kôranh toyh bu nkông da dê.

I Samuel 23:7

Bu mbơh ma Y-Sôl nau Y-Đavit lĕ tât jêh ta Keila. Y-Sôl lah: “Brah Ndu hŏ jao jêh păng tâm ti gâp, yorlah păng hŏ krŭng păng nơm nôk păng hăn lăp tâm ƀon geh mpông ndâl jêh ri rnăng nđăng.”