Êsai 19:25 - Nau Brah Ndu Ngơi 2023

²⁵ yorlah Brah Yêhôva ma phung tahan hŏ ăn nau ueh uĭn ma khân păng. Păng lah: “Nau ueh uĭn ma bri Êjipt jêng phung ƀon lan Gâp, bri Asiri jêng kan ti Gâp ndâk, bri Israel jêng drăp ndơn gâp!”

Êsai 19:25 ပူးပေါင်းရင်းမြစ်များ

Nau Mprơ Ơm 100:3

Ăn gĭt pô aơ Yêhôva jêng Brah Ndu. Păng yơh njêng jêh he, he jêng ndơ Păng; He jêng phung ƀon lan Păng, jêng phung biăp tâm ndrêch gơ̆ Păng.

Nau Mprơ Ơm 115:15

Dăn Brah Yêhôva jêng Nơm rhăk jêh trôk jêh ri neh ntu. Ăn nau ueh uĭn ma khân may.

Nau Mprơ Ơm 138:8

Brah Yêhôva mra ƀư lôch jêh lĕ rngôch nau kan gâp. Ơ Brah Yêhôva, nuih n'hâm ueh May hôm tât ƀaƀơ n'ho ro; Lơi chalơi ôh nau kan ti May nơm ƀư jêh!

Êsai 19:24

Tâm nar nây, bri Israel mra ndrel ma bri Êjipt jêh ri bri Asiri jêng pe bri ăn nau ueh uĭn ta nklang neh ntu,

Êsai 27:13

Tâm nar nây, bu mra uh nŭng toyh. Nôk nây, phung nhhơt jêh tâm bri Asiri jêh ri phung bu nsot jêh ta bri Êjipt mra văch yơk mbah ma Brah Yêhôva ta yôk kloh ueh ta ƀon Yêrusalem.

Êsai 29:23

Ƀiălah tơlah Yakôb saơ phung kon păng, Jêng kan ti Gâp ƀư ta nklang khân păng, Khân păng mra yơk ma amoh Gâp jêng Kloh Ueh: Khân păng mra yơk ma Nơm Kloh Ueh Y-Yakôb, Jêh ri klach yơk ma Brah Ndu Israel

Êsai 45:11

Brah Yêhôva, Nơm Kloh Ueh Israel, Jêng Nơm hŏ njêng Israel, lah pô aơ: “Ôp hom Gâp moh nau mra tât kăndơ̆; Ôp hom Gâp ma lĕ phung kon Gâp, Jêh ri lĕ ma kan ti Gâp.

Êsai 45:14

Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 61:9

Lĕ bri dak bu mra gĭt năl phung kon sau khân may, Phung sau se khân păng mra lư n'găr ta nklang phung ndŭl mpôl bunuyh; Lĕ rngôch phung saơ khân păng mra gĭt rbăng Khân păng jêng du phung ƀon lan Brah Yêhôva ăn nau ueh uĭn.

Êsai 63:17

Ơ Brah Yêhôva, mâm ƀư May ăn hên nkhah du bơh trong may? Mâm dĭng ăn nuih n'hâm hên dăng kŏ tât hên mâu hôm klach yơk ma May ôh? Yor phung oh mon May jêh ri phung ndŭl mpôl drăp ndơn May. Dăn Kôranh Brah plơ̆ sĭt hom!

Êsai 64:8

Ƀiălah, ơ Brah Yêhôva, aƀaơ May ăt jêng Mbơ̆ hên; Hên jêng neh uk, jêh ri May jêng nơm blau mon glah; Lĕ rngôch hên jêng kan ti May ƀư.

Êsai 65:23

Khân păng mâu mra pah kan dơm dam ôh, Nau tât ji tưp ndal mâu tât ma phung kon khân păng ôh; Yorlah khân păng jêh ri phung kon sau khân păng Jêng noi deh Brah Yêhôva ăn nau ueh uĭn.

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yêrêmi 2:7

Gâp njŭn leo khân may tât du ntŭk bri neh ueh Gay ma dơi geh kao play jêh ri lĕ ndô ndơ ueh păng. Ƀiălah dôl lăp ta nây, phung khân may hŏ ƀư ƀơ̆ ƀơch neh Gâp, Hŏ ƀư ăn drăp ndơn Gâp plơ̆ jêng ƀơ̆ ƀơch.

Ndrom Samƀŭt bơh Ôsê 2:23

Gâp mra tăm păng ăn ma Gâp tâm neh ntu Mpơl nau yô̆ nđach ‘phung mâu geh nau yô̆ nđach.’ Jêh ri lah ma phung ƀon lan ‘mâu di ƀon lan Gâp’ pô aơ: ‘Ay jêng ƀon lan Gâp’, Jêh ri ƀon lan nây mra plơ̆ lah: ‘May jêng Brah Ndu hên.’”

Sakari 8:13

Hơi ngih Yuđa jêh ri Israel! Mâm jêng nau bu rak rtăp khân may tâm ăp bri dak, pôri Gâp mra tâm rklaih khân may, jêh ri ƀư ma khân may mra jêng du nau ueh uĭn tâm ban lĕ. Lơi klach ôh, ƀiălah ƀư hom ti khân may ăn jêng dăng!”

Nau Kơp Bunuyh 24:1

Tơlah Y-Balaam saơ rah vah Brah Yêhôva ŭch ăn nau ueh uĭn ma phung Israel, păng mâu hôm joi kô̆ n'hŭm pol nâm ăp tơ̆ lor, ƀiălah păng rle muh măt păng mpeh bri rdah.

Nau Kơp Bunuyh 6:24

Dăn ma Brah Yêhôva ăn nau ueh uĭn ma may Jêh ri kâp kơl may!

Nau Kơp Bunuyh 6:27

Ăn khân păng dơm amoh Gâp ta klơ phung ƀon lan Israel, tâm ban pônây Gâp mra ăn nau ueh uĭn ma Phung ƀon lan aơ.”

Samƀŭt Pôl Njuăl Ăn Ma Phung Nsing Ta Ƀon Rôm 3:29

Mâu lah Brah Ndu knŏng jêng Brah Ndu ma phung Yuđa dơm? Mâu di hĕ Păng jêng Brah Ndu ma phung bu năch tâm ban lĕ? Di ngăn, Păng ăt jêng Brah Ndu phung bu năch lĕ;

Galati 6:15

Yorlah nau khlay mâu di jêng nau koh ntâu mâu lah mâu koh ntâu, ƀiălah nau plơ̆ jêng bunuyh mhe.

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Nau Vay Nkah Tay 32:9

Yorlah kô̆ prăp ma Brah Yêhôva jêng phung ƀon lan Păng, Y-Yakôb jêng drăp ndơn prăp ma Păng.

Philip 1:6

Gâp chroh ngăn ma Nơm ntơm kan ueh tâm phung khân may mra ƀư lôch kan nây ma tât nar Brah Yêsu Krist.

I Pêtrôs 2:10

kăl e ri khân may mâu di jêng du phung ƀon lan ôh, ƀiălah aƀaơ jêng phung ƀon lan Brah Ndu; kăl e ri mâu dơi yô̆ nđach ôh, ƀiălah aƀaơ geh jêh nau yô̆ nđach.