Êsai 19:19 - Nau Brah Ndu Ngơi 2023

¹⁹ Tâm nar nây, mra geh du nơng ƀư brah prăp ma Brah Yêhôva ta nklang bri Êjipt, jêh ri du meh n'gâng prăp ma Brah Yêhôva ta n'har neh păng.

Êsai 19:19 ပူးပေါင်းရင်းမြစ်များ

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Nau Ntơm 28:18

Ang ôi taơ, Y-Yakôb dâk ơm ôi, păng sŏk du mlâm lŭ dâm bôk păng nơm ndâk ƀư meh jêh ri nkhŭt dak ngi ta klơ meh nây.

Nau Mprơ Ơm 68:31

Ndơ nhhơr ma hađăch mra djôt tă bơh Êjipt, Phung Êthiôpi mra gơnh yơr ti mpeh ma Brah Ndu.

Nau Ngluh Êjipt 24:4

Y-Môis nchih tay lĕ nau ngơi Brah Yêhôva. Păng dâk ơm ôi, ndâk du mlâm nơng ƀư brah ta jâng yôk jêh ri ndâk jât ma bar n'gâng lŭ tâm ban ma jât ma bar ndŭl mpôl phung Israel.

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Êsai 60:7

Lĕ rngôch phung mpô mpa rong bơh bri Kêdar mra tâm rƀŭn ta may, Lĕ rngôch biăp nkuăng bơh bri Nêbajôt mra dơi dŏng ƀư ndơ ƀư brah. Gay ma may nhhơr ta nơng ƀư brah Gâp, du ndơ ƀư brah ueh nuih n'hâm Gâp; Jêh ri Gâp mra ƀư ma ngih chrêk rmah Gâp lơ hâu ntop nau chrêk rmah.

Êsai 66:23

Brah Yêhôva lah: “Bơh ăp khay mhe aơ tât ma khay mhe êng, Bơh ăp nar saƀat aơ tât ma saƀat ri Lĕ rngôch nglay săk mra văch gay yơk mbah tanăp Gâp.

Yêrêmi 46:2

Ma bri Êjipt, aơ jêng nau mhe mhan ăn ma phung tahan Pharaôn Nêkô, hađăch Êjipt, nây jêng phung tahan Y-Nêbukatnetsar, hađăch Babilôn, hŏ dơi jêh ta ƀon Karkêmis, dăch ta kơh dak krong Ơphrat tâm năm rơh puăn Y-Jêhôjakim, kon bu klâu Y-Jôsia, hađăch Yuđa:

Êsêkiêl 29:1

Tâm năng jât ma bar, khay jât, năm rơh jât, geh nau Brah Yêhôva lah ma gâp:

Êsêkiêl 30:1

Geh nau Brah Yêhôva lah ma gâp:

Êsêkiêl 31:1

Ta năng nguay, khay pe, tâm năm rơh jât nguay, geh du nau Brah Yêhôva lah ma gâp:

Êsêkiêl 32:1

Tâm năng nguay, khay jât ma bar, năm rơh jât ma bar, geh nau Brah Yêhôva lah ma gâp:

Sakari 6:15

Phung gŭ ngai mra tât gay kơl ndâk ngih Brah Yêhôva; jêh ri khân may mra gĭt Brah Yêhôva ma phung tahan njuăl gâp hăn tât ma khân may. Tơlah khân may gơih srôih tông bâr Brah Yêhôva khân may, pôri nau nây mra tât ngăn.

ហេឞ្រើ 13:10

He geh du nơng ƀư brah, phung pah kan tâm ngih bok mâu dơi vay sa ta nây ôh.

Yôsuê 22:10

Tơlah khân păng tât jêh tâm n'gor neh dak krong Yurdan tâm bri Kanaan, phung Ruben, phung Gat, jêh ri du n'gul ndŭl mpôl Manasê ndâk ta nây du nơng ƀư brah toyh ngăn ta meng kơh dak krong Yurdan.

Yôsuê 22:26

Yor ri, hên lah pô aơ he mra ndâk du nơng ƀư brah, mâu di nhhơr ndơ ƀư brah gŭch mâu lah nhhơr mpa ƀư brah,

Yôsuê 22:27

ƀiălah gay geh du nau mbơh vah vang hên đah khân may nđâp ma lĕ rngôch rô̆ kăndơ̆ hên pô aơ hên geh nhhơr ndơ ƀư brah gŭch, lĕ mpa ƀư brah jêh ri ndơ ƀư brah ma nau đăp mpăn gay yơk mbah Brah Yêhôva tanăp Păng. Pônây, nar kăndơ̆ phung kon sau khân may mâu lah ma phung kon sau hên: ‘Khân may mâu geh du kô̆ tâm Brah Yêhôva ôh!’

Yôsuê 22:28

Hên lah đŏng pô aơ ndah jŏ khân păng lah nau aơ ma hên mâu lah ngơi ma lĕ rngôch rô̆ hên kăndơ̆, hên mra plơ̆ lah: ‘Uănh hom rup nơng ƀư brah Brah Yêhôva phung chô yau hên hŏ ƀư jêh, mâu di ôh ma nau ndơ ƀư brah gŭch mâu lah nhhơr mpa ƀư brah, ƀiălah gay geh du nau mbơh vah vang hên jêh ri khân may!’

Yôsuê 22:34

Pônây, phung Ruben, jêh ri phung Gat ntơ ma nơng ƀư brah nây jêng Ed, yorlah khân păng lah: “Nơng ƀư brah nây jêng du nau mbơh ma he Brah Yêhôva jêng Brah Ndu.”