Êsai 19:16 - Nau Brah Ndu Ngơi 2023

¹⁶ Tâm nar nây, phung Êjipt mra tâm ban ma phung bu ur râm nsâr klach kir dôl khân păng saơ ti Brah Yêhôva ma phung tahan yơr, yơr tâm rdâng đah khân păng.

Êsai 19:16 ပူးပေါင်းရင်းမြစ်များ

Nau Mprơ Ơm 48:6

Nau râm sâr văch tât nchueng khân păng. Khân păng geh nau ji ngăn tâm ban ma bu ur dôl ji deh.

Nau Ngluh Êjipt 11:6

Lam n'gor Êjipt mra geh nau nhĭm lŭng nter ngăn yorlah mâu vay mâp geh kơt aơ jêh ri kŏ mâu hôm đŏng geh kơt nây.

Êsai 10:32

Nar aơ yơh, khân păng mra nsrŭng ta Nôp, Rtuh ti păng tâm rdâng ta yôk kon bu ur Siôn, Jêh ri tâm rdâng đah gôl Yêrusalem!

Êsai 11:15

Brah Yêhôva mra ƀư suăt kro dak mƀŭt bri Êjipt; Rtuh ti ta klơ Dak Krong Me ma sial duh, Păng pă dak krong nây jêng pơh dak n'hor, Jêh ri ƀư ăn bunuyh dơi hăn rgăn ma jâng mâu bĕ ntâu jot.

Êsai 13:2

Ndâk hom du n'ha kơ ta klơ yôk hil! Nter ăn huy ma khân păng, Vơch ti kuăl khân păng Lăp mpông mpêr phung ndrŏng!

Êsai 30:17

Du huê thăm rmat, du rbăn nuyh nchuăt du; Prăm nuyh thăm rmat, khân may nchuăt da dê Kŏ tât nôk khân may hôm klen Tâm ban ma n'gâng n'ha kơ ta klơ n'gơn yôk, Tâm ban ma n'ha kơ ta klơ gôl.”

Yêrêmi 50:37

Ăn tak đao tât ta klơ seh jêh ri ndeh seh, Ma lĕ rngôch phung ƀon lan gŭ tâm pot tâm nklang păng, Ƀư ma khân păng jêng bu ur! Ăn đao tât ma lĕ rngôch jay prăp drăp ndơ khlay, Ƀư ma khân păng bu ntŭng lĕ!

Yêrêmi 51:30

Phung tahan bri Babilôn rlu tâm lơh, Plơ̆ rŭch tâm lĕ ntŭk pôih nâp; Khân păng hŏ huăr ngăn jêh, Jêng tâm ban ma bu ur. Ngih vâl tâm ƀon toyh bu su ma ŭnh, Mâng rnăng mpông ƀon hŏ nkê̆ch pă jêh.

Apdia 1:9

Hơi bri Têman, phung tahan may mra uh ah; Bu mra nkhĭt jêh ri ƀư rai lĕ rngôch bunuyh tă bơh yôk Êsau.

Nahum 3:13

Aơ, phung tahan may Jêng phung bu ur gŭ ta nklang may. Lĕ mpông ƀon bri dak may Mra pơk huy ma phung rlăng; Ŭnh sa rvăn jêh lĕ mâng rnăng mpông!

Sakari 10:11

Khân păng mra rgăn dak mƀŭt ma nau jêr, Ƀư rngân rbuh dak mƀŭt; Lĕ rngôch ntŭk klŏng jru dak krong Nil mra suăt. Bu mra n'glưh lơi nau sưr bri Asiri, Jêh ri mâng jra hađăch n'gor bri Êjipt mra roh.

Sakari 2:13

Ăn lĕ rngôch bunuyh gŭ rklăk hom tanăp măt Brah Yêhôva, yorlah Păng hŏ kah rngăl tă bơh ntŭk kloh ueh Păng.

Sakari 2:9

Yor aơ gâp mra rtuh ti tâm rdâng đah khân păng, gay ma khân păng jêng ndơ sa ma phung pah kan ma khân păng. Nôk nây, khân păng mra gĭt Brah Yêhôva ma phung tahan hŏ njuăl gâp hăn.

I Kôrintô 2:3

Gâp yơh hŏ gŭ jêh ta nklang khân may tâm nau rdja, ndrel âk nau klach jêh ri nau râm nsâr.

II Kôrintô 5:11

Yor ri, yor nuih n'hâm klach ma Kôranh Brah, hên srôih nchâp phung êng. Brah Ndu gĭt rah vah hên, jêh ri gâp kâp gân ma nuih n'hâm sŏng khân may gĭt rah vah hên lĕ.

ហេឞ្រើ 10:31

Tŭp tâm ti Brah Ndu rêh jêng nau klach krit ngăn.