Êsai 19:14 - Nau Brah Ndu Ngơi 2023

¹⁴ Brah Yêhôva hŏ ƀư lŭk rlăk ta nklang khân păng Du huêng brah ƀư vĭ, Păng ƀư ma Êjipt vĭ tâm lĕ nau kan, Nâm bu bunuyh nhŭl ndrănh ƀah hăn ndĭt ndĭu ƀă hok.

Êsai 19:14 ပူးပေါင်းရင်းမြစ်များ

II Nau Rêh Jêng 18:22

Pônây, aƀaơ uănh ri Brah Yêhôva hŏ dơm jêh du huê brah ngơi mƀruh tâm trôm mbung lĕ rngôch phung nơm mbơh lor may, jêh ri Brah Yêhôva hŏ tâm nal ƀư nau mhĭk ma may.”

Ndrom Samƀŭt bơh Yôp 12:16

Nau dăng n'hâm jêh ri nau blau mĭn jêng ndơ Păng; Nơm ndơm bu nđâp ma bunuyh bu ndơm gŭ tâm ti Păng da dê.

Ndrom Samƀŭt bơh Yôp 12:25

Khân păng rvơ tâm ntŭk ngo vêt vê; Păng ăn khân păng hăn nkêng nkăng nâm bu nuyh nhŭl.”

Nau Hôr 12:8

Du huê bunuyh dơi geh nau tâm rnê tĭng nâm nau blau mĭn păng nơm, Bi ma nơm geh nuih n'hâm kue bu mra tâm rmot.

Êsai 19:2

Gâp mra ƀư ăn ma phung Êjipt tâm rdâng đah phung Êjipt nơm; Bu mra ŭch tâm lơh đah oh nâu khân păng, Phung chiau meng tâm rdâng ndrăng phung chiau meng, Ƀon aơ tâm rdâng đah ƀon ri, Ƀon bri hađăch aơ tâm rdâng đah ƀon bri hađăch ri.

Êsai 24:20

Neh ndĭt ndĭu tâm ban ma bunuyh nhŭl ndrănh, Păng n'gơ tâm ban ma ndưp ja; Nau tih păng ƀư jâk păng, Jêh ri păng mra prah, mâu hôm dâk ôh!

Êsai 29:14

Yor nây, Gâp mra thoi đŏng ƀư Lĕ nau kan khlay ngăn ngên ta nklang phung ƀon lan aơ, Nau kan êng ngăn kŏ tât nau gĭt mĭn ma phung blau mĭn khân păng mra jêng dơm dam, Nau gĭt rbăng ma phung gĭt rbăng mra nkŭm ndâp.”

Êsai 3:12

Phung kon se mra tŭn jot phung ƀon lan gâp, Jêh ri phung bu ur chiă uănh khân păng. Ơ phung ƀon lan gâp! Phung njŭn trong khân may ƀư ma khân may nhhơt trong, Khân păng ƀư nau rŭng răng trong may.

Êsai 9:16

Yor nây, Kôranh Brah mâu maak ôh đah phung bu klâu ndăm khân păng, Mâu lĕ yô̆ ma kon đơi jêh ri phung ndrô khân păng. Yorlah ăp nơm khân păng jêng phung mâu blau yơk ma Brah Ndu jêh ri phung ƀai Jêh ri lĕ rngôch trôm mbung ngơi ma nau rluk. Nđâp lĕ nau nây kđôi lĕ, nau Păng ji nuih mâu du ôh, Jêh ri ti păng ăt yơr!

Yêrêmi 25:27

“May ăt lah ma khân păng: Brah Yêhôva ma phung tahan, Brah Ndu phung Israel lah pô aơ: ‘Nhêt hôm kŏ tât nhŭl jêh ri hok, cha lôt hom jêh ri lơi dâk đŏng ôh, yor đao Gâp njuăl tât tâm nklang khân may!’

Yêrêmi 48:26

Ăn hom păng nhêt ndrănh kŏ nhŭl, yorlah păng n'hao êng păng nơm ŭch tâm rdâng đah Brah Yêhôva. Ăn hom Môap pung păng nơm tâm ndơ păng hok jrih luh jêh ri ƀư nau gơm mưch ăn ma neh ntu.

Mathay 17:17

Brah Yêsu plơ̆ lah: “Hơi ndŭl mpôl mâu chroh jêh ri dăng bôk, ndah nâm jŏ Gâp mra gŭ ndrel đah khân may? Ndah nâm jŏ Gâp mra nsrôih dơn đah khân may? Njŭn leo hom kon se nây ma Gâp.”

II Têsalônik 2:11

Yor nây, Brah Ndu jao khân păng tâm nau vĭ ngăn, ƀư ăn khân păng chroh ma nau mƀruh ndơm,

Phung Kôranh Phat Dôih 9:23

Brah Ndu prơh du huê brah mhĭk ƀư nau ƀlăch ƀlêr ta nklang Y-Abimêlek jêh ri bunuyh Sichem, ƀư ăn phung ƀon lan Sichem tâm rdâng đah Y-Abimêlek.