Êsai 19:12 - Nau Brah Ndu Ngơi 2023

¹² Pôri mbah ntŭk gŭ phung njêh may? Ăn khân păng nkoch gay ma may gĭt Lĕ nau Brah Yêhôva ma phung tahan hŏ nal jêh Gay tâm rdâng đah Êjipt.

Êsai 19:12 ပူးပေါင်းရင်းမြစ်များ

Êsai 14:24

Brah Yêhôva ma phung tahan hŏ sơm ton pô aơ: “N'hêl nanê̆ nau Gâp hŏ dăp mra tât ngăn, Nau Gâp hŏ ƀư păng mra nâp.

Êsai 44:7

Mbu nơm jêng tâm ban ma Gâp? Ăn păng mbơh nau nây, Nkoch mbơh jêh ri mpơl nau nây ma Gâp Moh nau tât ntơm bơh rnôk Gâp ndâk phung ƀon lan ơm aơ. Ăn khân păng mbơh moh nau mra tât Jêh ri lĕ nau dăch tât ma khân păng.

Êsai 5:21

Rêh ni ngăn ma phung kơp khân păng nơm jêng blau mĭn, Jêh ri kơp ma khân păng nơm jêng gĭt rbăng!

Yêrêmi 2:28

Pôri ntŭk phung brah khân may ndâk êng, Lĕ rngôch ntŭk gŭ? Tơlah khân păng dơi rklaih khân may tâm nôk rêh ni Pôri ăn khân păng tât sâm rklaih hom! Yorlah hơi Yuđa, ndah âk ƀon may geh Pôri ăt geh âk brah ri yơh!

Apdia 1:8

Brah Yêhôva lah: “Mâu di hĕ tâm nar nây Gâp mra ƀư rai lĕ phung blau mĭn bơh bri Êđôm, Jêh ri phung gĭt rbăng du bơh yôk Êsau?

Samƀŭt Pôl Njuăl Ăn Ma Phung Nsing Ta Ƀon Rôm 9:17

Yorlah Nau Brah Ndu Ngơi lah đŏng ma Pharaôn pô aơ: “Gâp hŏ dâk jêh may gay mpơl nau brah Gâp tâm may, gay ma amoh Gâp bu mbơh nkoch lam bri neh ntu.”

I Kôrintô 1:20

Bunuyh blau mĭn mbah ntŭk? Phung kôranh nchih samƀŭt mbah ntŭk? Nơm blau tâm rlăch nchră tâm rnôk aơ mbah ntŭk? Mâu di hĕ Brah Ndu hŏ ƀư jêh nau blau mĭn tâm neh ntu jêng nau brŭt moih?

Phung Kôranh Phat Dôih 9:38

Y-Sêbul lah: “Trôm mbung may nơm lah: ‘Mbu moh Y-Abimêlek gay ma hên pah kan ma păng!’ Pônây, lĕ nau ngơi ntưih may aƀaơ ta ntŭk gŭ? Mâu di hĕ phung tahan aơ jêng phung may tâm rmot? Hăn luh hom tâm lơh đah khân păng!”