Êsai 19:1 - Nau Brah Ndu Ngơi 2023

¹ Nau mbơh lor ma Êjipt: “Aơ, Brah Yêhôva ncho ta klơ ndâr tŭk, Ngăch tât ta Êjipt. Phung rup brah bri Êjipt râm sâr da dê tanăp Păng, Nuih n'hâm phung Êjipt klach krit.

Êsai 19:1 ပူးပေါင်းရင်းမြစ်များ

Nau Mprơ Ơm 104:3

Păng dơm lĕ rda jrô prêh Păng ta klơ dak prêh, Dŏng ndâr tŭk ƀư ndeh seh, Jêh ri ncho ta klơ năr sial.

Nau Mprơ Ơm 104:34

Ăn nau gâp mĭn dơi ƀư maak ma nuih n'hâm Păng; Yorlah gâp răm maak tâm Brah Yêhôva.

Nau Mprơ Ơm 18:9

Păng rklêng trôk jêh ri jŭr gŭ; Tâm dâng jâng Păng geh ndâr tŭk krăk mbâl.

Nau Mprơ Ơm 68:4

Mprơ hom ma Brah Ndu, mprơ tâm rnê hom ma amoh Păng! Nkra hom trong ăn Nơm ncho ta klơ phung ndâr tŭk, Amoh Păng jêng Brah Yêhôva; Răm maak hom tanăp măt Păng!

Nau Ngluh Êjipt 12:12

Tâm măng nây, Gâp mra hăn lam n'gor Êjipt, ƀư nđêh nji lĕ rngôch kon bôk rah tâm n'gor Êjipt, nđâp bunuyh jêh ri mpô mpa. Gâp mra phat dôih lĕ rngôch brah n'gor Êjipt yorlah Gâp jêng Brah Yêhôva.

Êsai 13:1

Nau mbơh lor ma Babilôn; Y-Êsai, kon bu klâu Y-Amôt, hŏ saơ jêh:

Êsai 13:7

Yor nây, lĕ rngôch ti huơi ngăn da dê Nuih n'hâm ăp nơm mra rai da dê.

Êsai 19:16

Tâm nar nây, phung Êjipt mra tâm ban ma phung bu ur râm nsâr klach kir dôl khân păng saơ ti Brah Yêhôva ma phung tahan yơr, yơr tâm rdâng đah khân păng.

Êsai 21:9

Aơ, geh phung tahan ncho seh Hăn văch bar bar!” Jêh nây nơm gak lah: “Babilôn hŏ rlâm tŭp, rlâm tŭp jêh! Lĕ rngôch rup brah păng Lĕ nchah hăch ta neh!”

Yêrêmi 25:19

Pharaôn, hađăch Êjipt, phung oh mon păng, phung kôranh jêh ri lĕ rngôch phung ƀon lan Êjipt;

Yêrêmi 4:13

Aơ, păng văch tât nâm bu ndâr tŭk, Ndeh seh păng nâm bu phŭt chuănh đô̆, Seh ndơ tâm lơh păng prăl lơn nâm bu klang ƀŭng. Rêh ni ăn ma hên yorlah phung hên roh rai jêh!

Yêrêmi 44:8

Mâm ƀư khân may nsônh nuih Gâp ma kan ti khân ay may ƀư? Tâm n'gor bri Êjipt, ntŭk khân may mhe văch gŭ, khân may hŏ nhhơr ndơ ƀâu kah ăn ma phung brah êng kŏ tât dơn êng nau bu ƀư ngroh lơi, jêh ri jêng nau rak rtăp jêh ri bu ntêh rmot ta nklang lĕ rngôch ƀon lan ta neh ntu.

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Êsêkiêl 30:13

Brah Yêhôva lah: ‘Gâp mra ƀư rai lơi lĕ rup brah. Jêh ri nchah lơi lĕ brah bơh ƀon Nôp. Tâm n'gor bri Êjipt mâu mra hôm geh hađăch đŏng ôh, Jêh ri Gâp mra srih nau klach tâm n'gor bri Êjipt.

Yôel 3:19

N'gor Êjipt mra plơ̆ jêng rngol, Êđôm mra jêng bri rdah lĕ rai; Yorlah khân păng ƀư nau ƀai ma phung ƀon lan Yuđa Jêh ri khân păng ƀư pling mham mâu geh tih ôh tâm bri khân păng.

Nahum 1:1

Nau mbơh lor ma Ninive. Ndrom samƀŭt nau Y-Nahum, bunuyh ƀon Êlkôs tâm saơ.

Nahum 1:3

Brah Yêhôva mâu gơnh nuih ôh jêh ri geh nau brah dŭt toyh, Ƀiălah Păng mâu uănh ôh nơm geh nau tih jêng mâu tih. Brah Yêhôva chuat hăn tâm phŭt chuănh jêh ri tâm sial vănh blông, Ndâr tŭk jêng ndruyh neh tâm dâng jâng Păng.

Sakari 10:11

Khân păng mra rgăn dak mƀŭt ma nau jêr, Ƀư rngân rbuh dak mƀŭt; Lĕ rngôch ntŭk klŏng jru dak krong Nil mra suăt. Bu mra n'glưh lơi nau sưr bri Asiri, Jêh ri mâng jra hađăch n'gor bri Êjipt mra roh.

Sakari 14:18

Tơlah phung Êjipt mâu hăn hao ôh jêh ri mâu văch yơk mbah tât ta nây pôri dak mih mâu geh ôh ma khân păng, jêh ri khân păng mra dơn nau rêh ni bơh Brah Yêhôva hŏ ƀư gay tâm rmal lĕ bri dak mâu hăn hao râng kah gĭt prăp nau rƀŭn Ngih Ndưp.

Nau Kơp Bunuyh 33:4

Tâm dôl nây, phung Êjipt gŭ tâp lĕ rngôch kon dak rah Brah Yêhôva rmal jêh yorlah Păng hŏ phat dôih ma phung brah khân păng.

Nau Vay Nkah Tay 33:26

“Hơi Yêsurun, mâu geh nơm tâm ban ma Brah Ndu ôh, Nơm tâm rklaih văch ncho tâm trôk, Nau rnam ta klơ lĕ ndâr tŭk.

Yôsuê 2:11

Tơlah hên tăng jêh nau nây nuih n'hâm hên uh ah, tâm phung hên mâu hôm geh nơm nâp tanăp khân may; yorlah Yêhôva Brah Ndu khân may jêng Brah Ndu nơm gŭ klơ trôk dŭt prêh jêh ri gŭ tâm dâng neh aơ.

Yôsuê 2:24

Khân păng lah ma Y-Yôsuê: “Nanê̆ ngăn, Brah Yêhôva jao jêh lĕ n'gor nây tâm ti he; lĕ rngôch phung gŭ tâm n'gor nây rdja nuih n'hâm da dê tanăp măt phung he.”

Yôsuê 2:9

jêh ri lah ma khân păng: “Gâp gĭt Brah Yêhôva hŏ ăn n'gor aơ ma khân may; bu klach ngăn yorlah khân may hŏ trŭnh ndal ta hên kŏ tât lĕ rngôch phung ƀon lan tâm n'gor rdja nuih n'hâm nau mĭn tanăp khân may.

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.