Êsai 18:7 - Nau Brah Ndu Ngơi 2023

⁷ Tâm rnôk nây, phung ƀon lan jong jêh ri ntâu pler, jêng phung bunuyh bu klach, nđâp lah gŭ êp mâu lah ngai, du bri dak ktang jêh ri vay tŭn jot, bri dak geh âk dak krong nkhah, khân păng yơh mra njŭn ndơ nhhơr ma Brah Yêhôva ma phung tahan, ta ntŭk prăp ma amoh Brah Yêhôva ma phung tahan gŭ, jêng yôk Siôn.

Êsai 18:7 ပူးပေါင်းရင်းမြစ်များ

II Nau Rêh Jêng 32:23

Geh âk bunuyh djôt leo ndơ nhhơr ma Brah Yêhôva ta Yêrusalem, jêh ri âk ndơ khlay ăn ma Y-Hêsêkia, hađăch Yuđa. Ntơm bơh nôk nây tât ô klak, âk bri dak yơk ma păng.

Nau Mprơ Ơm 68:32

Ơ lĕ ƀon bri hađăch ta neh ntu, mprơ tâm rnê hom ma Brah Ndu! Mprơ hom, tâm rnê ma Kôranh Brah kloh ueh! (Sêla)

Êsai 16:1

Njuăl hom kon biăp Ăn ma kôranh chiă uănh nkual neh, Bơh ƀon Sêla rgăn bri rdah, Tât ta yôk kon bu ur Siôn

Êsai 18:2

May njuăl nơm mbơh dŏng rkĭt ƀư ma rpho găn dak mƀŭt, Hăn ta klơ mpiăt dak! Ơ phung mbơh hăn ngăch, Hăn hom ta du bri dak geh phung mpôl jong jêh ri ntâu pler, Tât ma du phung ƀon lan êp ngai ăt bu klach, Du bri dak ktang jêh ri vay tŭn jot, Jêng bri dak geh âk dak krong tâm pă.

Êsai 18:4

Yorlah nau Brah Yêhôva lah jêh ma gâp tâm ban pônây: “Bơh ntŭk Gâp dôl gŭ, Gâp mra gŭ rlăk uănh Tâm ban ma duh gring nar nchrat, Tâm ban thŭl dak ngom dôl duh nar yan rek.

Êsai 45:14

Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Mika 4:13

Pôri hơi kon bu ur ƀon Siôn, Dâk hom jêh ri jot plên! Yorlah Gâp mra ƀư ăn nke ay dăng nâm bu loih Nchop ay nâm bu kông; Ay mra rchiăt hăch âk phung ƀon lan Jêh ri mra nhhơr drăp ndơ geh ăn ma Brah Yêhôva, Jêh ri ndô ndơ ma Kôranh Brah tâm lam neh ntu.”

Habakuk 1:7

Khân păng dŭt klach ngăn jêh ri krit klach hâu ngăn, Khân păng ƀư nau vay ma khân păng nơm, jêh ri n'hi êng n'hao êng khân păng nơm.

Sôphôni 3:10

Tă bơh đah ri kơh dak krong n'gor Kus, Phung yơk mbah ma Gâp, Nây jêng phung Gâp hŏ ƀư du pru, Mra leo ndơ nhhơr ma Gâp.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Mathay 2:11

Lăp tâm ngih, khân păng saơ kon se jê̆ ndrel mê̆ Păng H'Mari, khân păng chon mon yơk mbah Păng. Jêh nây khân păng pơk hip ndơ khlay, nhhơr ma Păng lĕ ndơ nhhơr jêng mah, ntăk si ƀâu kah jêh ri dak si tăng.