Êsai 18:4 - Nau Brah Ndu Ngơi 2023

⁴ Yorlah nau Brah Yêhôva lah jêh ma gâp tâm ban pônây: “Bơh ntŭk Gâp dôl gŭ, Gâp mra gŭ rlăk uănh Tâm ban ma duh gring nar nchrat, Tâm ban thŭl dak ngom dôl duh nar yan rek.

Êsai 18:4 ပူးပေါင်းရင်းမြစ်များ

II Samuel 23:4

Păng jêng nâm bu nchrat ang ôi, tơlah ƀli luh nar, Kêng ôi mâu geh ndâr tŭk ôh; Nâm bu nau ang nchrat lah jêh mih, Ƀư ma gơ̆ nse chăt bơh neh.’

II Nau Rêh Jêng 6:21

Dăn May rkêng tôr iăt nau oh mon May mbơh sơm jêh ri phung ƀon lan Israel May rle ma ntŭk aơ gay mbơh sơm. Bơh ntŭk gŭ ta klơ trôk, tơlah May hŏ tăng jêh, ăn May sŏk dơn, jêh ri sâm yô̆ an.

Nau Mprơ Ơm 72:6

Ăn hađăch mra jêng nâm bu dak mih tŭp tâm gơ̆ bu mhe muyh Tâm ban ma dak mih djrah lam neh ntu.

Nau Hôr 19:12

Nau hađăch nuih nâm bu ngrông yau mŭr, Bi nau yô̆ hađăch nâm bu dak ngom klơ gơ̆ nđĭr.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 14:32

Moh nau mra plơ̆ lah ma phung mbơh bơh bri dak aơ? Plơ̆ lah hom pô aơ: “Brah Yêhôva rdâk jêh Siôn, Jêh ri phung o ach tâm phung ƀon lan Păng mra dơi joi ntŭk nde.”

Êsai 18:7

Tâm rnôk nây, phung ƀon lan jong jêh ri ntâu pler, jêng phung bunuyh bu klach, nđâp lah gŭ êp mâu lah ngai, du bri dak ktang jêh ri vay tŭn jot, bri dak geh âk dak krong nkhah, khân păng yơh mra njŭn ndơ nhhơr ma Brah Yêhôva ma phung tahan, ta ntŭk prăp ma amoh Brah Yêhôva ma phung tahan gŭ, jêng yôk Siôn.

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Êsai 26:21

Yorlah aơ, Brah Yêhôva mra luh bơh ntŭk Păng gŭ Gay tâm rmal nau tih ma phung gŭ ta neh ntu. Rnôk aơ, neh ntu mra tâm mpơl mham Jêh ri mâu hôm nkŭm ôh phung bu hŏ nkhĭt jêh.

Êsai 31:9

Lŭ toyh păng rnơm mra rlau lôch yor nau klach krit, Phung kôranh chiă uănh păng mra râm nsâr, yor saơ n'ha kơ, Nây jêng nau Brah Yêhôva lah, Nơm geh ŭnh ta Siôn, ŭnh năk tâm ƀon Yêrusalem.

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Ndrom Samƀŭt bơh Ôsê 14:5

Gâp mra jêng nâm bu dak ngom ma phung Israel; Păng mra luh kao nâm bu kao si ueh Jêh ri hon reh nâm bu krŏng bri Liban.

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.