Êsai 17:8 - Nau Brah Ndu Ngơi 2023

⁸ Khân păng mâu mra mĭn ôh ma lĕ nơng ƀư brah jêng kan ti khân păng nơm ƀư, jêh ri khân păng mâu hôm uănh ma lĕ ndơ nglau ti khân păng njêng jêh, gĭt lah rup brah Asêrim mâu lah nơng ƀư brah nhhơr ndơ ƀâu kah.

Êsai 17:8 ပူးပေါင်းရင်းမြစ်များ

II Samuel 22:42

Khân păng n'gơr uănh, ƀiălah mâu geh bunuyh kơl rklaih ôh; Khân păng nter dăn ma Brah Yêhôva, ƀiălah Păng mâu plơ̆ sĭt lah ôh.

II Nau Rêh Jêng 14:5

Păng chalơi đŏng lĕ rngôch ntŭk prêh klơ jêh ri nơng ƀư brah nhhơr ndơ ƀâu kah luh tă bơh lĕ ƀon phung Yuđa. Bri dak nây geh nau đăp mpăn dôl păng chiă uănh.

II Nau Rêh Jêng 31:1

Lah lĕ nau kan nây lôch jêh, lĕ rngôch phung Israel geh măt ta ƀon Yêrusalem dâk hăn ăp ƀon tâm n'gor Yuđa, mbang nchah lơi lĕ n'gâng mbah, kăl lơi lĕ rup brah Asêra, ƀư rai lĕ ntŭk prêh klơ jêh ri lĕ nơng ƀư brah tâm lam n'gor Yuđa, Benjamin, Êphraim, jêh ri Manasê, kŏ tât khân păng hŏ ƀư rai lĕ ƀhiau. Jêh nây, lĕ rngôch phung ƀon lan Israel plơ̆ sĭt ma ƀon nơm, ntŭk drăp ndơn khân păng nơm.

II Nau Rêh Jêng 34:4

Tanăp măt hađăch, bu ƀư rlâm lơi lĕ nơng ƀư brah Baal, jêh ri kăl lơi lĕ nơng ƀư brah su ndơ ƀâu kah gŭ ta klơ nơng brah Baal nây; jêh ri chah hăch rhên lĕ rup brah Asêrim, rup ndah, jêh ri rup bu tŏ chiăr; păng jot rchiăt tât môi rup nây, jêh ri sui ta klơ môch phung ƀư brah ma rup nây.

Nau Ngluh Êjipt 34:13

Ƀiălah ăn khân may ƀư rai lơi nơng ƀư brah, mbang nchah rai lĕ n'gâng mbah jêh ri kăl lơi lĕ rup khân păng.

Êsai 1:29

Pôri may mra bêk yor ma tơm si Khân may rŏng; Jêh ri đit prêng yor ma ntŭk n'gar trao Khân may săch jêh.

Êsai 10:20

Tâm nar nây, phung Israel hôm e jêh ri phung hôm gŭ rêh klen tâm ngih Yakôb mra mâu hôm rnơm ôh ma phung hŏ dong khân păng; ƀiălah khân păng mra rnơm ngăn ma Brah Yêhôva jêng Nơm Kloh Ueh Israel.

Êsai 17:9

Tâm nar nây, lĕ rngôch ƀon nâp khân păng mra jêng tâm ban ma lĕ ntŭk bu chalơi jêng rngot njăp tâm bri mâu lah ta klơ n'gơn yôk, jêng lĕ ntŭk bu chalơi jêng rngot njăp tanăp phung kon Israel; nĕ jêng ntŭk rngot njăp.

Êsai 2:8

Bri dak khân păng bêng ma rup brah; Khân păng yơk mbah ma ndơ yor ti khân păng nơm ƀư, Jêng ndơ nglau ti khân păng nơm njêng.

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Êsai 30:22

Khân may mra ƀư ƀơ̆ ƀơch lĕ rup trah chiăr ma prăk jêh ri rup tŏ ma mah. Khân may mra mƀăr lơi khân păng tâm ban ma ndơ ƀơ̆ jêh ri lah: “Du hom!”

Êsai 37:19

mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ bơh ti kon bunuyh ƀư ma si jêh ri ma lŭ, pôri bu ƀư rai lơi khân păng.

Êsai 41:29

Aơ, lĕ rngôch khân păng knŏng jêng nau ndơm; Nau kan khân păng mâu geh nau khlay ôh; Rup brah khân păng tŏ chiăr jêng dơm dam tâm ban ma sial khôm.

Êsai 44:15

Bu mra dŏng tơm si bơh lĕ tơm si nây ƀư long sŭnh ŭnh; du gâl dŏng sênh ŭnh njâr, du gâl dŏng sŭnh ŭnh gay gŭch piăng let, jêh nây sŏk đŏng du kô̆ gay ƀư du mlâm du brah gay yơk mbah, jêh ri yơk mbah ma rup nây, du rup trah gay chon mbah tanăp măt păng.

Yêrêmi 17:2

Gay kon sau khân păng kah gĭt tay ma nơng ƀư brah Jêh ri lĕ n'gâng mbah Asêrim, Êp lĕ pŭm si âk n'ha Ta klơ lĕ dor prêh.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Ndrom Samƀŭt bơh Ôsê 14:8

Hơi Êphraim, mâm Gâp dơi dơh dăch đah lĕ rup brah? Gâp yơh hŏ mplơ̆ lah jêh ri mra uănh treng păng. Gâp mra jêng nâm bu tơm si chiprơ ndrêh ueh; Tă bơh Gâp yơh may luh kao play âk.”

Ndrom Samƀŭt bơh Ôsê 14:9

Mbu nơm jêng bunuyh blau mĭn, gĭt rbăng hom nau aơ? Mbu nơm jêng bunuyh gĭt rbăng, gĭt hom lĕ nau nây? Yorlah lĕ trong Brah Yêhôva jêng sŏng; Phung sŏng srăng mra chuat hăn ta nây, Bi ma phung ƀư tih mra chêh prah ta nây.

Sôphôni 1:3

Gâp mra pih kloh lĕ kon bunuyh jêh ri mpô mpa, Gâp mra pih kloh lĕ sĭm klơ trôk jêh ri ka tâm dak mƀŭt; Gâp mra ƀư ma phung mhĭk chêh prah, Jêh ri ƀư rai lơi phung bunuyh bơh neh ntu.” Brah Yêhôva lah pônây.

Sakari 13:2

Brah Yêhôva ma phung tahan lah: “Tâm nar nây, Gâp mra ƀư kloh lĕ amoh lĕ rngôch rup brah tâm bri dak aơ, bu mâu mra hôm kah gĭt ôh ma khân păng. Gâp mra mprơh nsot lơi phung nơm mbơh lor jêh ri brah ƀơ̆ ƀơch du bơh bri aơ.

Nau Vay Nkah Tay 7:5

Ƀiălah ma phung ƀon lan nây ăn khân may nkra kơt aơ: ƀư rlâm lơi lĕ nơng ƀư brah, nchah rai lĕ n'gâng mbah, kăl lơi lĕ rup ndah Asêrim, jêh ri su lơi ma ŭnh lĕ rup khân păng.